نصابي 16 حصة مضطر للعمل 20 لان الفصل 5 حصص انجليزي ثانوي
 

السلام عليكم ورحمة الله وبركاته
الاخوة الافاضل ما رايكم في الحصص الزائده هل اعمل اربع حصص زائده علشان نصابي 16 والفصل عندنا بياخد 5 في الاسبوع
وما يحدث لو اخدت 15 فقط
او لو اخدت 20 مضطرا هل يحق لي المطالبة بأجر الحصص الزائدة
اعرف انها مشكلة عامة مع الكثيرين لذا ارجو المناقشة واعرف اراء سيادتكم

كلم التوجيه يجيب مدرس يشيل 5 حصص
وانت تشيل 15
لو قالو لا
قله طيب ان ااستمارة الاجر عاوز حضرتك تمضي عليها اول ما تقوله كدا هيجيبلك مدرس غصب عنه لان المشكلة مش عجز المشكلة سوء توزيع
لان موضوع الاجر دا اموال عامة ولازم توقيع الموجة ولو ما فيش عجز على مستوى الادارة في التخصص هيروح في داهيه

احمد ربنا أنا نصابي القانوني 18 حصة وشايل 32 حصة في الأسبوع بسبب العجز

شكرا علي الرد--- ده كلام جميل

يا استاذي العزيز انا اعمل في مدرسة ابتدائي ويوجد بها عجز رهيب وده بعد ما رفعنا نصاب المعلمين إلى 30 حصة اسبوعيا والادارة التعليمية اللي انا تابع لها فيها عجز 400 معلم

================
أولا كلنا مدرسيى اللغة الانجليزية علي مستوي العالم بنأخذ 3 فصول و مفيش حد يقدر يجبرك انك تأخذ 20 حصة الا اذا كنت حضرتك ليك رغبة في ذلك أما الأستاذ اللي شايل 32 حصة فحضرتك بتقطع رزق شاب كان ممكن يتعين و يشيل الحصص انت بس بتوفر علي الدولة مرتب انسان مش لاقي شغل و المسئولين بالفلوس دي بيتفسحوا بيها في شرم الشيخ و كمان مش بتأدي واجبك باخلاص المنطق بيقول كده 32 حصة يعنى أكثر من 6 حصص في اليوم لو جبل حينهار . أرجو مراجعة نفسك و حكم ضميرك و لا تكن من قاطعي الأرزاق و لو اكتفيت بجدولك ربنا حيباركلك في دخلك و الأهم حيباركلك في أولادك

نصاب مدرسى الثانوى ياريت

يامستر رأفت أنا مش مدرس لغة انجليزية زي حضرتك أنا مدرس علوم في مدرسة ابتدائي جدول العلوم في المدرسة كلها 15 حصة والمدرسة فيها عجز 5 مدرسين بنكمل الجدول رياضيات في الصفوف الأولى وأنشطة والعاب لان عند عجز في معلمي الفصل نسيب العيال تلعب وتضرب بعضها داخل الفصل علشان سيادتك تقول ضمير وبقطع رزق ناس هو أنا المسئول عن التعيينات وعلى فكرة مدرس اللغة الانجليزية عندنا شايل 27 حصة

نصابى 19 حصه و اخد 24 حصه و رفضت الاشراف لان توزيع جدولى فى الاسبوع 6حصص 6حصص و 3 ايام 4 حصص و منتظر اى تحقيق فهل فى نصيحه غير استمارة الاجر و نصاب المعلم طبقا للقرار 155 الخاص بالكادر .

يا استاذ احمد ارجوك ترفض تشتغل زيادة عن نصابك لان في مدرسين في اماكن تانية في نفس الادارة مش مكمله نصابها ومفيش حد قادر ينقلهم (واسطه كبيرة مثبتاهم ) في حين انهم بيدو تمام لوكيل الوزارة ان مفيش عجز وكله تمام وتفضل انت مطحون من الحصص هو ده الواقع لكن لما حد بيرفض بيحاولو يضغطو عليه لو مفيش فايدة بيسيبوه ويشوفو غيره
وبعدين حتي لو عندهم عجز ما يشغلو ناس عطلانه في البيوت ويراعو ربنا في الطلبه

بالفعل يا مستر رفضت الجدول و حاولت ادارة المدرسه تهدد و توصل الامر بالتوجيه و لكن اصرارى على الالتزام بنصابى القانونى و معرفتى به اقر التوجيه بضرورة عدم اسناد اى حصص اضافيه و اخدت 18 حصه و ليس 24 حصه مع الالتزام بالاشراف الاسبوعى و الحمد لله و ربنا يتم السنه و يكون عام خير على مصر كلها .