|
تعالى نحلم مع _ جاهين _ (متجدد)
الى كل عشاق السحر والجمال .....
الي كل عشاق العاميه من الشعر ..... الي كل عشاق كلام القلوب ....... الي كل عشاق (الاسطورة) صلاح جاهين اقدم لكم مقططفات من اجمل ما ابدع ذالك الفنان على هيئه (حلقات) بدعمكم وتواصلكم سنستمر ان شاء الله |
مستنيينك
اتفضل ابدأ |
ماشى يا عاشق مستنين
وشكله هيكون موضوع حلو اوى |
مشتاقه لربي :
ان شاء الله حالا undertaker_2000 : ان شاء الله بدعمكم وتواصلكم هتكون افضل وافضل شكرا ليك |
ساترككم الان لنحلم مع الرائع جاهين
*_*الحلقة الاولى *_* خرج ابن آدم من العدم قلت : ياه رجع ابن آدم للعدم قلت : ياه تراب بيحيا ... وحي بيصير تراب الأصل هو الموت و الا الحياه ؟ عجبي !!! ************************************** ضريح رخام فيه السعيد اندفن و حفره فيها الشريد من غير كفن مريت عليهم .. قلت يا للعجب لاتنين ريحتهم لها نفس العفن عجبي !!! ************************************** ياما صادفت صحاب و ما صاحبتهمش و كاسات خمور و شراب و ما شربتهمش أندم علي الفرص اللي انا سبتهم و الا علي الفرص اللي ما سبتهمش عجبي !! ************************************ و الكون ده كيف موجود من غير حدود و فيه عقارب ليه و تعابين ودود عالم مجرب فات و قال سلامات ده ياما فيه سؤالات من غير ردود عجبي !!! ********************************* أنا شاب لكن عمري ألف عام وحيد لكن بين ضلوعي زحام خايف و لكن خوفي مني أنا أخرس و لكن قلبي مليان كلام عجبي !!!! ******************************* يا باب يا مقفول ... إمتي الدخول صبرت ياما و اللي يصبر ينول دقيت سنين ... و الرد يرجع لي : مين ؟ لو كنت عارف مين أنا كنت أقول عجبي !!! انتظرونا في الحلقة الثانيه ومزيد من ابداعات (صلاح جاهين) |
شكراً يا مان
واستمر واحنا متابعين |
موضوع رائع استمر يا فنان |
متشكر جدا
لمستر مصطفى فتحي و ليكي يا حنان وان شاء الله الحلقه الثانيه حالا |
*_* الحلقة الثانية *_* أحب أعيش ولو في الغابات أصحي كما ولدتني أمي و ابات طائر .. حيوان.. حشرة .. بشر ..بس أعيش محلا الحياة.. حتي في هيئة نبات عجبي !! ************************************** سهير ليالي و ياما لفيت و طفت و ف ليه راجع في الضلام قمت شفت الخوف ... كأنه كلب سد الطريق و كنت عاوز أقتله .. بس خفت عجبي !! ************************************ عجبتني كلمة من كلام الورق النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق عجبي !!! ********************************** رقبه قزازة و قلبي فيها انحشر شربت كاس و اتنين و خامس عشر صاحبت ناس م الخمرة ترجع وحوش و صاحبت ناس م الخمرة ترجع بشر عجبي !!!! ********************************* ليه يا حبيبتي ما بيننا دايما سفر ده البعد ذنب كبير لا يغتفر ليه يا حبيبتي ما بيننا دايما بحور أعدي بحر ألاقي غيره اتحفر عجبي !!! ******************************** انتظرونا الحلقة الثالثه ومزيد من روائع الاسطورة صلاح جاهين |
رائع استمر واحنا متابعين إن شاء الله |
جميلة اوى يا عاشق القلم كمل واحنا متابعين ان شاء الله |
صلاح جاهين ده مالوش حل استمر الموضوع تحفه
|
متشكر ليكم جميييييييييييييييييييعا ( تيمون اند بومبا & هو كاريس & وفاء البحر )
الحلقة الثالثه حالا |
*_* الحلقة الثالثه *_*
*_* الحلقة الثالثه *_* ورا كل شباك ألف عين مفتوحين و انا وانتي ماشيين يا غرامي الحزين لو التصقنا نموت بضربة حجر و لو افترقنا نموت متحسرين عجبي !!! *************************** نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي !! ************************** علي رجلي دم .. نظرت له ما احتملت علي إيدي دم.. سألت ليه ؟ لم وصلت علي كتفي دم.. و حتي علي رأسي دم أنا كلي دم .. قتلت ؟ ..... والا اتقتلت عجبي !! ************************** انا كل يوم أسمع ........ فلان عذبوه أسرح في بغداد و الجزاير واتوه ما أعجبش م اللي يطيق بجسمه العذاب و اعجب من اللي يطيق يعذب أخوه عجبي !!! ************************* ينبوع و في الحواديت أنا سمعت عنه إنه عجيب .. و ف وسط لهاليب لكنه شقيت كما الفرسان طريقي .. لقيت حتي الخنازير و الكلاب شربوا منه عجبي !!!! ************************** يا قرص شمس ما لهش قبة سما يا ورد من غير أرض شب و نما يا أي معني جميل سمعنا عليه الخلق ليه عايشين حياه مؤلمة عجبي !!! ************************* انترونا في الحلقة الرابعه ومزيد من روائع الاسطورة "صلاح جاهين" |
كمل يا عاشق القلم منظرينك :) |
| جميع الأوقات بتوقيت GMT +2. الساعة الآن 07:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.