شارك وقول رأيك لماذا تتعلم اللغة الألمانية وما هو مستقبلها بمصر والخارج
 

ايوه انا مقتنعه جدا بالالمانى كاللغه تانيه الالمانى ده حاجه جميله جدا وهو مادتى المفضله لغايه دلوقتى مع ان الامتحان السنه اللى فلتت كان صعب

هلا بيك اخونا محمد

اعرفك الاول بنفسى

عمرو من القاهره رابعه كليه الالسن جامعه عين شمس قسم المانى انجليزى

وبالنسبه لاختيارى للغه الالمانيه فى بدايه التحاقى بالجامعه فكان اختيار عشوائى بدون اى فهم

ومعظم الناس كانت بتختار كده

لكن بعد الدراسه والفهم

اقدر اقول انى غلطت فى اختيار اللغه الالمانيه لان فى لغات افضل منها من حيث الدراسه ومن حيث وظائف العمل

وزى مكلنا عارف ان اختيار اللغه النادره هو الافضل

وعلى كلا

مش معنى كلامى ان اللغه الالمانيه سيئه
لا

اللغه الالمانيه تعتبر من اشهر خمس لغات تداولا فى العالم

وفى مصر معظم السياح اما المان او روس

وبينتج عن كده وجود فرص عمل رغم انى مش مقتنع بالعمل فى مجال السياحه

انا عن نفسى اتجهت لدراسه الكمبيوتر والبرمجه

وباخد كورس المانى اونلين على الانترنت من موقع bbc لمده ثلاث شهور مجانى

واتمنى انى اشتغل بشهادتى او فى مجال الكمبيوتر

واتمنى الالتحاق والعمل بشركه Lufthansa

Regards-AMr el Ziro
tschuss

ليه بتعتبر نفسك غلطت؟
بالعكس absolutely علي رأي عمنا اللمبي
الالماني شغله كويس جدا في مصر

اشكر إدارة موقع الثانوية العامة على هذا العمل الرائع الذي جمع جميع المدرسين فى المواد المختلفة
وأتقدم بخالص شكري العميق لأسرة مادة اللغة الألمانية على هذه الأعمال الرائعة
وأدعو الجميع للاستفادة من أقوى موقع فى الشرق الوسط, وكيل الشركة الفرنسية فى مصر من أجل التعليم المجاني بالفيديو
www.bonfion.com

الالماني لغة رائعة و سهله . اى نعم كلامها _مجعلص_شويه بس هى لغه سهله اوى .
ومع العلم ان انا ما درستوش غير سنه واحده هى السنه اللى فاتت لما كنت فى 2/ث
لان انا كنت بدرس طول حياتى فرنساوى كلغه ثانيه وبصراحه ما كنتش بحبه بس درجاتي فيه
كانت كويسه مع اني ما كنتش بذاكره غير قبل الامتحان, وفى 2/ث قررت احول من فرنساوى الى المانى
رغم ان كل الناس قالو لى بلاش تخاطرى ب 50 درجة . بس انا ما رجعتش فى كلامي , وكملت المانى
و الحمد لله كنت شاطره فيه اوى , والحمد لله جبت 50 من 50 و اثبت جدارتى.

فى الاول انا اخترت الالمانى لانى محبتش الفرنساوى ابدا
بعدين حبيت الالمانى جدا لانى اكتشفت انه سهل ولذيذ ممكن تكون كلماته غريبه شويه وخصوصا ان البنات بتحب الرقه زى الفرنساوى بس هو كلماته سهله الحفظ وهو ليه مستقبل وانا كمان بحب الحاجه الغريبه وانى مبقاش زى الاغلبيه

فعلا اللغة الالمانية لغة جميلة رغم اني ادرس الفرنسية

اللغة الالمانية لغة جميلة بس مالهاش فايدة من وجهة نظري و الفرنساوي

اولا انا اسمي كريم طالب في الفرقه التالته قسم اللغه الالمانيه كليه السن
مفيش احلي من تعليم اللغه الالمانيه لانها لغة سهله وبسيطه للغايه ممكن تتكلم بيها مع اي حد من الالمان من سنه اوله
وعلي سؤال لماذا تتعلم الالمانيه علشان اكون مترجم او مرشد او مدرس او في مجال السياحه عامتا لغه سهله وفي قمه السهوله وانا في تانيه ثانوي جبت فيها 50 من 50 واحنا بنتعلم اكتر من موقع www.dw-world.de/