ايه رايك؟نعيد ولا نعدي ولا نحسن??
 

اولا ازيكم جميعا ودا اول توبيك ليا..وحبيت اني اخد رايكم في حاجه مهمه بخصوص مهزله الثانويا العامه اللي حصلت..دلوقتي في ناس كتيره استفادت من الامتحانات واتبعات لها اوعوا تفكروا ان الكام الواحد اللي الوزير لغالهم الامتحانات هما دول اللي استفادوا بس بالعكس دول سوري يعني وش القفص لكن بجد الامتحانات كانت بتتباع فالمنيا الصبح فالمكتبات وكان الناس بيسيبوا طابور العيش ويقفوا يشتروا الامتحانات..
دا غير اللي غشوا وظبطوا نفسهم الخ الخ من الكوسه ..دلوقتي مبدا تكافؤ الفرص مش هيتحقق خالص..ومتفكروش ان التنسيق هيقل..لان الدوله عايزه اللي يدخلوا طب وهندسه يدوب كام واحد من اولاد ال... انتم عارفين بقي...طب ايه الحل..؟؟ايه ذنبنا انا وكتيير اوي منكم ومن اصحابي زاكرنا وحطينا املنا اننا نجيب مجاميع وندخل كليات القمه اللي بنحلم بيها ..انا كنت جيبه السنه اللي فاتت تسعه وتسعين وكنت متوقعه ان مجموعي السنه دي كمان هيزيد وادخل طب ...لكن بعد الفيزيا والاحصا..يتولاني ويتولاكو ربنا؟؟؟ايه الحل؟
1_نعدي ونسيب احلامنا تعدي كدا ومجهود سنتين؟؟؟ معتقدش ان حد يوافق
2_نجتمع كلنا ونطالب باعاده الامتحان ونعيد كل المشوار اللي فات؟؟اعتقد ان ممكن ناس توافق بس ياجماعه الموضوع دا صعب شويا وفي ناس معدتش تستحمل تعيد نفس الفيلم دا ...بس ممكن

3_ايه رايكم نطالب بعمل تحسين؟؟ التحسين دا كان نظام موجود من كام سنه فالثانويه العامه وكان مثلا بعد النتيجه لما تظهر لو واحد معجبوش درجته فماده معينه يحق له ان يدخل مع امتحانات الدور التاني ويحصل علي ميه فالميه من الدرجه مش خمسين فالميه زي اللي بيعيدوا وكان الواحد يقدر يعمل التحسين دا كزا مره لحد ما يجيب الدرجه اللي عاوزاها هو كان نظام فاشل من وجه نظري بس صراحه دا احسن حل من وجه نظري في حالتنا دي يعني مثلا يتعمل مع امتحان الدور التاني دا امتحان التحسين بس يكون مره واحده بس مش كزا مره فالماده الواحده ودا بصراحه حل وسط الي جاب مجموع وراضي بيه خلاص واللي شايف نفسه كان يستحق اكتر من مجموعه وانه يقدر يحسن يدخل وكدا نبقي عملنا حريه للي عايز يعيد واللي مش عايز يعيد وكدا نبقي حلينا جزء كبير من المشكله؟؟بجد يا جماعه نفسي تشاركوني وتردوا عليا وتقولوا رايكم ايه اوعوا تقولو الوقت اتاخر والنتيجه كمان كام يوم دا مستقبل مستقبلي ومستقبلكم لازم نقول راينا احنا اللي ننحد مصيرنا مش هما يجبرونا ليه واحد او واحده بيحلم انه يكون دكتور او مهندس ويبقي اخره كليه مش مستواه ولا حببها؟؟لازم كلنا نقول راينا ونتفق ؟؟؟واللي عنده اقتراح يقوله ونتشارك ..احنا ممكن نغير حاجه ..مش ممكن دا كيد..ياجماعه لازم نبقي كلنا مع بعض ونقول لا للكوسه..لان الكوسه متنفعش فموضوع المستقبل..مستيه ارائكم..وياريت ان الاداره تعمل استفتاء علي الموقع عن حل للمشكله دي..ربنا معانا

احلي اقتراح التالت اللي هو التحسين عشان الواحد بيضمن انه مش هيخسر حاجه بس طبعا مش هيتنفذ

دا مستقبل..مينفعش يأس
 

بلاش استسلام..بس يعني تجربه..اهي محاوله..اعتبروها تسليه او تنفيس عن الكبت..لحد النتيجه

احنا زعماء الجيل..ضحايا الثانويه القاتله
 

طيب ماهو التحسين بيبقي بعد النتيجه ..ايه المشكله..؟؟ في فايده وفوايد..قول يا باسط

اللى راح راح
الإمتحانات اصلا كانت زبالة
وحكومة................
شكرا ع الموضوع

طيب ما الزباله تعديها وترميها ورا ضهرك..ونبدا علي نضيف....الفرصه تأتي مروه واحده

سوري مره واحده..one chance

لا تحسين ايه في الحر ده اللي حصل حصل وخليكوا متفألين ومش مهم الثانوي المهم اللي بعد الثانوي

يا جماعه اللى حصل حصل اللى انكتب انكتب

خلاص اجلس واقعد واستنى النتيجه

يا ريت يطبقوا نظام التحسين بس بتقول لمين ماحدش هيسمعنا
اذا كانت الطلبة قالت الامتحانات صعبة و الوزير قال الامتحانات فى مستوى الطاب المتوسط
بجد اتلخبطت و شكيت فى نفسى قلت يمكن انا اللى كنت مقصرة فى المذاكرة

بس يا ريت يطبقوا نظام التحسين بس يكون اختيارى

ايه ده حسنوا ياجماعة لو مكانكم احسن

انا والله بحترم ارائكم بس وانا والله مستنيا قدري بس بفكر ان لقدر الله لو مجبتش مجموع يدخلني الكليه اللي عاوزاها اكيد ساعاتها هقول ياريت يجي الامتحان تاني وانا اقطعه مش احله بس ..مش متخيله التعب دا كله يروح عالفاضي...عالعموم ربنا معايا ومعاكم ...محدش بقي يعرف النتيجه امتي بالظبط؟؟؟؟؟