يخربيت السخان ......ديما جايب لنا المشاكل
 

خير اللهم اجعله خير كان عندنا السخان بايظ وكان كل ما بابا يجيب حد يصلحه يبوظ تانى وفى يوم بابا لقى واحد بيقولوا عليه كويس بابا قال يجيبه يصلح السخان بتعنا اتفق مع الراجل والراجل(حسن) قال هيجى بعد العشاء المهم الراجل جه وصلح السخان فى وقت بسيط جدا لدرجه اننا استغربنا اوى وبعدين دخل مع بابا الانتريه وقدمناله الحاجه السقعه وانا واخواتى وماما قعدين بره فى الصاله والراجل بيتكلم مع بابا
بابا :انا ظهرى والله وجعنى اوى اصلى لسه جاى من الصيد (بابا حريف صيد وعلطول بيطلع هو وصحابه يصطادوا)
حسن:الف سلامه والله انا بموت فى الصيد انتا بتروح بالليل ولا بالنهار ؟
بابا : بالنهاراصل الليل ملوش امان
حسن : كلامك صحيح انا هحكيلك موقف
اعد حسن يحكى واحنا سمعينه واحنا فى الصاله بره
حسن : مره طلعت انا واصحابى بالليل نصطاد وبعدين لقيت واحد صحبى عمال يصرخ ويقول الحقونى رحنا لقينا (بسم الله الرحمن الرحيم) جن لابس اسود وبيقول انتو جين هنا بتعملوا ايه ده بيتى وانتو جين تقلقونى فى نومى اومت قولتله احنا مش بنخاف وبص وراك هههههههههه خاف الجبان ومشى جرى
بابا : ايه مش فاهم حاجه هو مشى ليه؟؟؟؟؟؟؟؟؟
حسن : اصله خاف من الى معايا
بابا: معاك ايه
حسن : ايه يا عم معايا السبعه الى مخاويهم
بابا : مخاويهم ؟؟؟؟؟؟؟؟؟
وفجاه عم الصمت على المكان للحظات وقطع حسن الصمت قائلا لبابا
حسن: مش مصدق ولا ايه

بابا :......................
حسن : طب اجيب واحد منهم دلوقتى علشان تصدق
بابا: لا لا لا مصدق بس مش كتير سبعه يا حسن
حسن: كتير ايه ده انا عندى بنتى مخاويه تسعه حتى الولد ابن بنتى بيشوف
بابا : بيشوف ايه يا حسن
حسن: جن عادى يعنى
طب انا هحكيلك حاجه
مره الولد ابن بنتى كان ماشى معايا فى الشارع وعمال يقولى جدوا يا جدوا شوف مين الى ماشى معانا ده الحاج احمد قولتله بس يا حبيبى هتفضحنا فى وسط الناس
بابا : مين الحاج احمد
حسن: واحد من السبعه
وبعدين حسن مشى وقضينا ليله من الرعب حتى الاوضه الى كان قاعد فيها بقينا خايفين ندخلها
وبابا بقا يهدى فينا ويقولنا ده كدب وانا مش مصدق
يا ترى من وجهه نظرك الراجل ده كداب ولا صادق؟

سبعة يامفتري
اكيييييييد ولاده هيجيبوا مية المية
وعموما كداب ولا مش كداب متفرقش اي حاجة

اقولك حاجه اسألي السخان

والله الموضوع ده محيرني لأنه عالم غامض لايمكن تحكم فيه العقل بصورة مطلقة
مرة كنت في الفيلا بتاعتنا في البلد في القرية
وواحد خبط على الباب وقال فيه تعبان عندكم في الفيلا
طبعا كلنا ذهلنا ومصدقناش لكن قلنا نشوف اللي هيحصل
دخل وقال بعهد سيدي الرفاعي....والعهد.....
المهم التعبان سفر بصوت عالي وطلعه من المنور
برضه مصدقتتش قلت يمكن سحر
فجبت الكاميرا واخذت له صورة قلت لو سحر هيظهر حبل أو عصاية...
لكن برضه طلع تعبان

كداب اكييد

انا من رايى انه كان بيهزر مش اكتر