رسالة عاجلة الى الاستاذ/سعيد والاستاذ/مصطفى محمود
 

انا مدرس فى الازهر مسابقة 2009 وجالى جواب استدعاء للجيش بس الجواب جالى بتاريخ قديم بتاريخ15/9/2013 وللاسف انا معرفتش بيه الا يوم 9/10/2013 ومش عارف اتصرف ازاى وكمان سمعت ان المدرسين مش ليهم استدعاء الكلام ده صح لو تكرمتم عرفونى اتصرف ازاى

لاتقلق اخى الفاضل من الاسباب الرئيسيه لاستدعاء الجيش معرفه المدة الزمنيه التى يستغرقها الاستدعاء
لحشد اكبر عدد من المجندنين وعليك الذهاب الى مكان الاستدعاء وشرح ماحدث بالضبط
وسوف يكتب المسئول عن ذلك ويتم استدعائك مرة اخرى فى اقرب وقت
لكن هناك نقطه اريد فهمها هل استلم اهلك الجواب ولم تعرف به غير بعد الموعد
ام وصل اليك الخطاب بعد موعد الاستدعاء ؟؟؟

شكرا استاذ/سعيد
 

اولا جزاكم الله خيرا على الرد والاهتمام ....ثانيا ردا على سؤال حضرتك انا الجواب مستلمتوش الا من يومين بس هو اساسا وصلنى متاخر بعد حوالى25 يوم وده بسبب ان القسم اللى انا تابع ليه اتحرق فى احداث فض الاعتصام الاخيره وهو ده سبب تاخير جواب الاستدعاء ....ايه راى حضرتك اتصرف ازاى ......وايه صحت المعلومة اللى بتقول المدرسين ملهمش استدعاء للجيش

عادى جدا تذهب الى مكان الاستدعاء وتخبرهم بالذى ذكرته بالضبط وهو بيسجل عنده المعلومه
وسوف يتم استدعاءك فى اقرب وقت
كان زمان المدرس لايوجد له استدعاء نظرا لاقتصار التدريس فى هذا الوقت على خريج كليه التربيه
ومعاهد دبلومات المعلمين وقله عددهم
لكن بعد ذلك اصبح التدريس لكل الخريجين وكل المؤهلات ومن هنا زاد عددهم
وتم حبس هذا القانون فى الادراج حسب علمى
وفقك الله

انا يتم استدعائى تقريبا كل عامين وحضرت مرتين للاستدعاء وكان يكون هناك نفس الحالات المشابهه كل ما عليك ان تثبت انك استلمت الجواب متاخر ويتم ذلك بمحضر رسمى من قسم الشرطه وتذهب به الى وحدتك وسيقوم قائد الوحده بمخاطبة مكتب التجنيد التابع انت له بان المستدعى قدم نفسه الى الوحده بعد انتهاء فتره من مده الاستدعاء مثلا او بعد انتهاء مدة الاستدعاء الكليه ومعه مذكره من قسم الشرطه تفيد بعدم تقصيره او اهماله وسيتم احتساب مدة الاستدعاء الخاصه بك مثل باقى زملائك واذا لم تفعل ذلك فانك الان سوف يتم عمل قضية هروب من الاستدعاء وسيتم ادراج اسمك على قوائم الممنوعين من السفر كل ما عليك ان تثبت ان جواب الاستدعاء وصل اليك متاخر لان ممكن فرد الشرطه الموكل بذلك يسلم لك الجواب ويثبت انك استلمته فى الموعد المحدد لذلك وبذلك يطبق عليك قضية هروب من فتره الاستدعاء

شكرا يا مستر على الاهتمام
 

بس ممكن اسال حضرتك سؤال هو انا لو ذهبت للوحده الايام دى للوحدة وكانت فترة الاستدعاء انتهت وزملائى خلصوا ومشيوا هيخلونى اكملها لوحدى ام لا

لابد ان تاخذ معاك شهادة من قسم الشرطه اولا وتتوجه الى مكتب التجنيد التابع له فى منطقتك وهم سيقومو بعمل اللازم

جزاكم الله خيرا

انا جالى استدعاء مرتين 2006و2008والحمدلله ربنا وفقنى ولغتهم بقرار شطب كل ماعليك هو عمل افادة من معهدك بالاحتياج الشديد لك نظرا لعجز التخصص او اى شئ يخص التدريس على ان يذكر فى الافادة تاريخ التعيين ورقم القرار ثم تقوم باعتماد الافادة من وكيل الوزارة بمنطقتك بخاتم شعار الجمهورية ثم تطلب من شئون العاملين بمنطقتك صورة من قرار تعيينك وتعتمدها صورة طبق الاصل ثم تتوكل على الله وتذهب الى القاهرة التنظيم والادارة للقوات المسلحة اسفل كوبرى الفنجري امام وزارة الكهرباء والطاقة وتقدم اوراقك للموظف المختص هناك وسوف تنتظر ساعتين على الاقل ثم يعطيك الموظف قرار خاص بشطبك او تأجيل الاستدعاء لمرة اخرى ثم تقوم باعطاء الجواب او القرار لمكتب التجنيد الخاص بالقسم التابع له وربنا يوفقك

المدرسين ليس لهم استدعاء فى الجيش بس حضرتك تعيين 2009 يعنى ممكن تكون لسة متثبتش

شكرا استاذ اسامة ويااستاذ هانى
 

بس المشكلة انى انا مسابقة2009 يعنى لسه متعاقد الى الان ممكن يا استاذ هانى ينفع معايا الموضوع ده وفيه ناس بيقولوا لى قدم شهاده مرضيه بالفترة دى وخلاص ايه راى حضرتك فى الموضوع ده

اولا : عليك بتقديم نفسك الى الوحده فورا على اي وضع
ثانيا : بالنسبه لقائد الوحدة سيتم احتساب الفترة غياب وبتنزل فى الاوامر وده موفوض للقائد ممكن تروح بعد زملائك بيوم او يومين علشان ميسويش اللى حضر من اول يوم والثلاث ايام الاوائل بيعتبروا فترة استقبال .
ثالثا : فىناس كتير بتيجى قبل فترة الاستدعاء بيوم وبيومين وعلى حسب القائد ممكن يخليهم كل الايام اللى ما حضروهاش وساعات بيكبر دماغه علشان محدش يخوته كل شويه ويقول المستدعين وبيروحهم بعد الناس اللى جات اول ايام الاستقبال
رابعا : بالنسبه للمدرسين كان زمان ملهمش استدعاء اما اليوم مثبت او غيره كبه بيروح بالقرار 113 ماعدا مدرسى الجامعات اى المعيد او المدرس المساعد
خامسا : لو قعدت بتبقه شوية زهق فى حضروا طابور الصبح بس وانته ماوراكش حاجه طول النهار اما فترة الاستدعاء بتبقه امر تدريبات وطابور وسلاح وغيره بس اهم حاجه تسلم نفسك علشان تبقى نفذت مدة الاستدعاء علشان مايعوقش فيما بعد فى السفر حتى لو مسافر عمرة او حج وكله الكلام اللى بقلهولك من واقع الحقيقه علشان شفته قدامى
سادسا : تروح وتيجى بالف سلامه وعينان لاتمسهم النار عين بكت من خشية الله وعين باتت تحرس فى سبيل الله فصحح النيه واتوكل على الله