تم ترقيتي من معلم إلى معلم مساعد !!!!!!
 

هااااااااااااااااااااااااااااااااااااااااااااااااا ااااااااااااام جدااااااااااااااااااااااااا

لو سمحت يا جماعة أنا اتعينت في يناير 2012 أوائل خريجين في التربية والتعليم، على أساس أني معلم، ولكن في شهر 7 / 2013 تم تغيير المسمى الوظيفي بالنسبة لي وأصبحت معلم مساعد، يعني الناس بتطلع لفوق وأنا بانزل لتحت، مش فاهم حاجة، هو أنا بس إلى حصل معايا كده؟
طب في حد من الأوائل حصل معاه نفس الحكاية دي؟
هو الواحد بينزل في الدرجة الوظيفية في مصر ولا يبطلع لفوق؟
يرتهم عينوني وزير بعد كده ينزلوني حتة حتة زي ما هما عاوزين؟
أنا خلاص رميت طوبتي وفوضت أمري لله.
من فضلكم حد يرد عليا قبل ما يحصلي حاجة

:028ja7:

حضرتك متعين على الدرجة الثالثة التخصصية على القانون 47 للعاملين بالدوله ووظيفتك الحالية اخصائي تدريس ثالث وعلشان مفيش حاجه في قانون الكادر والتربية والتعليم كلها اسمها اخصائي تدريس ثالث التنظيم والادارة طلع كتاب دوري بيقول ان حضرتك تتعامل معاملة المعلم المساعد من حيث الدخول للكادر علشان تتحول من القانون 47 للقانون 155 الخاص بالكادر ولو حضرتك متابع موقع الاكاديميه هتلاقيهم بيطلبوا مثلا عايزين المعلم المساعد حتى تاريخ كذا و كل من قضى على الدرجة الثالثة عامين .

أنا أعمل في إدارة العمرانية التعليمية، ولي زميلة من أوائل الخريجين أيضا لكن في إدارة جنوب الجيزة

وهي ما زالت معلمة وليست معلمة مساعدة، فلماذا تم تغيير المسمى الوظيفي بالنسبة لي

وهل هذا يؤثر على الترقي فيما بعد ؟؟؟؟

مفيش اي حد يا أخي يقدر يكون معلم من غير كادر وراجع قرار تعيينك هتلاقي مكتوب فيه اخصائي تدريس ثالث وبالنسبة للترقيه ولا يأثر خالص حضرتك متعين على الدرجة الثالثة من التنظيم والادارة وانتهت القصه بالنسبه لحضرتك وكل القصه ان علشان حضرتك تكون معلم لازم تخش الكادر علشان تقدر تصر بدل الاعتماد بتاعه وما تقلقشي من اي حاجه ده كله شغل ورق واجرائات مش اكثر ووضعك القانوني سليم مليون في الميه ومفيش تأثير من اي ناحيه في وضعك سواء دلوقتي او بعدين


وده رابط الكتاب الدوري

http://www.caoa.gov.eg/NR/rdonlyres/...%82%D9%854.pdf

طيب بالنسبة لدخول الكادر، فقد حضرت منذ أيام دورة تدريبية تكميلية لتدريب المعلم المساعد، هذه الدورة تابعة للإدارة، وقيل لي : إن هذه الدورة بديل لامتحان الكادر، فهل هذا الكلام صحيح؟؟؟

يعني أنا كدة هادخل الكادر مباشرة بسبب حضوري لهذه الدورة، والتي كانت عبارة عن تسعة أيام؟

ويا ترى متي سأدخل الكادر، في شهر يناير 2014 بعد ما أكون كملت سنتين؟ أم لازم يكون الدخول للكادر في شهر 7 - 2014 ؟
أجبني جزاك الله خيرا، فقد أثلجت صدري بإجابتك، وربنا يطمن قلبك دائما :d

ايون الدوره دي كده بديل للكادر

وان شاء هتدخل الكادر بعد ما تكمل سنتين ومش لازم يكون الدخول في شهر 7/2014

ولكن سؤال انت خريج تربوي ولا لأ

للأسف مش هينفع تخش كادر من غير التربوي
وطبقاً لكلام الوزير دي تغني عن التربوي بس يا رب تتنفذ
ولكن في العموم سواء كده او كده انت وضعك القانوني سليم يعني سواء دخلت الكادر في 2014 او حتى 2015 ولا تفرق معاك لأنك على درجه ماليه ومش مستنيها بعد ما تبقى معلم زي المعلم المساعد العادي يعني لو دخلت الكادر بكره زي ما تدخله كمان 3 سنين حتى ليه لان تاريخ الدرجة المالية بتاعك واحد اللي هو تاريخ تعيينك الفرق الوحيد هنا هو فرق مادي في بدل الكادر مش اكتر

شكرا للاخوة الزملاء على اهتمامهم