|
ابقى سلملى على التصحيح!!!!!!!
السلام عليكم ورحمة الله وبركاته أزيكم ياجماعة عاملين ايه؟ طبعا النتيجة ظهرت وبنحب نهنى كل الناجحين ويارب يلتحقوا بالكليات اللى عايزنها ألف مبروك ليكم كلكم ياجماعة طبعا ياجماعة كلكم شوفتوا درجاتكم وفى ناس توقعت درجتها دى وناس تانية لا المهم ياجماعة انا عايز اناقش معاكم مش التصيح للإمتحانات أنا مش عارف والله ياجماعة المدرسين دول بيصححوا ازاى انا بس هقول مثال حصلى أنا شوفت نموذج اجابة التاريخ وتوقعت ليه ان مش هقل عن 45 للأسف لقيت النتيجة 39 بس الحمدلله الدرجات التانية شالت المجموع طبعا مفيش مقارنة خالص مش عارف بقى هما بيصححوا بناء على ايه بس اعتقد فى ناس كتير ادبحت فى موضوع التصيح ده والله اعلى واعلم أترك لكم المناقشة والسلام عليكم ورحمة الله وبركاته مع تحيات أحمد2025 |
ان 33 فيزيا
35 رياضة 2 و 42 اقتصاد حاجة عظيمة جدا جدا |
اصعب حاجة انك تحس بالظلم في التصحيح
انا يوم امتحان الفيزيا لما راجعت الاجابات قولت ممكن اجيب 40 ده بالخسف يعنى ومش هقل عن كدة ده كمان ان مجيبتش اكتر تخيلو جبت كام 30.5 انا اتجننت اول ما شوفت الدرجة دى بجد ده ظلم جامد اوى وبعدين هما ملغوش أسئلة ولا وزعو درجات لو كانو عملو كدة كنت استحالة اجيب الدرجة دى..........انا بجد مش عارفة يعنى هما بيصححوا ازاى :( |
و عليكم السلام و رحمة الله و بركاتة
طبعاً فى ناس كتير بتتظلم فى التصحيح
بس اللى اشد من الظلم السكوت عليه لو متاكد ان انت اتظلمت اعمل اعادة تصحيح ورقة |
انا كمان كنت متاكد اني في الكيمياء على الاقل 42 ولكن للاسف صدمت بالدرجة 31 اعتقد انهم ماصححوش لي سؤال بالكامل حسبنا الله ونعم الوكيل في كل المسئولين عن الثانوية كلهم بما فيهم واضعي الامتحانات والمصححين والمراجعين وكل واحد وضع يده على ورقي
|
انت عندك حق التاريخ كله تصحيحه صعب جدا انا برضو جبت فيه 42.5 بس الحمد لله زيك برضو بالظبط الدرجات التانية شالت المجموع
والله مكنتش متوقعة كدا خالص. |
زى انا كنت متوقع هجيب 45 في الفيزياء
وفعلا جبتها ...يارتني كنت توقعت 50 D: |
ازيكم فعلا الموضوع ده مهم جدا
ومنتشر جدا جدا انا اعن نفسى حصلى كنت جايبة فى الفيزياء 47 وراجعت نموذج الاجابة مع المدرس والمفروض اجيب 49 ده لما يعنى يصححوا بالحرف وكشفت على ورقة اجابتى فعلا والحمد لله لقيت سؤال صح عندى هو مسالة وارقام وصح ولقيت المصحح ربنا يسامحه بقى عطينى صفر من 3 والمفروض ليا 2 من 3 والله اللى مضايقنى انى شوفت حقى ومعرفتش اخده لان الورقة راحت تتصحح تانى وماخدتش حاجة طبعا وكنت جايبة 97 والمفروض اجيب 97.5 واروح صيدلة بس للاسف رحت طب بيطرى والحمد لله على كل حال وربنا يسامح المصححين ويهديهم ويعرفو ان ممكن ده يحصل فى ولادهم |
اقتباس:
اقتباس:
مش ممكن يارحمة الله يكون فى عونك اقتباس:
اقتباس:
بصى هما بيصححوا زى الكوسة يلا معلش خيرها فى غيرها بصى بقى للكلية والحمدلله على كل شىء اقتباس:
اقتباس:
اعمل اعادة تصحيح وأنا عارف انى مش هاخد درجات طيب ال100ج اجيب بيها بنطلون جينز للكلية احسن والله العظيم مش هيدونا درجات ولو ادوا هتبقى واحد فى المليون شكرا على مرورك اقتباس:
حسبنا الله ونعم الوكيل ربنا يسمحهم بقى شكرا على المرور |
مش عارف تصحيح ايه الى يقعد اقل من اسبوعين
يمكن كان معاهم انسان آلى ولا حاجه علشان يخلصوا فى الوقت القليل دا |
اقتباس:
اقتباس:
الحمدلله على كل شىء مرحلة وراحت لحلها وداعا ايتها الثانوية شكرا على مرورك اقتباس:
اقتباس:
قشطة عليك ألف مبررررررروووووووووك ياكيمو عقبال الكلية ان شاء الله اقتباس:
اقتباس:
انا محبتش برضه اكتب على اعادة التصحيح علشان انا متأكد ان مفيش حد هياخد درجات بس أنت ادبحتى منهم لله شكرا على مرورك |
ههه.أنا بقى غيركم
هه انا مكنتش براجع الامتحان أبدا بعد الخروج..ولكن كنت بتوقع حسب ..كمية الاسئلة ..إلى جاوبت فيها ..بثقة توقعت فى العربي 27 جبت 29 توقعت في الفزيا 45 جبت 47 :cool: توقعت في الرياضيات 35 جبت 40.5[ربنا ستر] :rolleyes: و الانجليزي ..23 جبت 24.5 المهم بالنسبة لموضوع الخطأ فى التصحيح ..أولا لو حالل حل نموزجي مستحييييييييييييييييييييل ..متخدش اتلدرجة كاملة لكن الكلامم بيكون فى الاسئلة اللى تستحق نص ..أو تلت أرباع الدرجة ..أو التلت ..مممكن مصحح ..يظلمك فيها غير ان حدود ..الخطأ مش بيتعدي 2.أو درجة صحيح ده ممكن يغير وجهة حياتك وفيه شيء كمان ان تركيزك فى الامتحان بيكون اقل من تركزيزك فى الخارج يعني ممكن حاجات تفتكر انك حلتها صح وانت حلتها غلط وبالنسبة ..لمادة زي التاريخ ..ممكن تكون الاجابات المقالية غير كاملة ..أحيانا وغير ان محدش بيراجعها بعد الامتحان مراجعة تامة زي ما كتبها فى الامتحان وده بيسبب برده انك تفتكر انك حليت احسن مما حليت وهكذا |
تصحيح ايه الى انتوا بنكلموا عليه ؟
مافيش حاجه اسمها تصحيح ده انقرض الحمد لله خربوها واعدوا على تلها وهو ده الى هما عايزينه ان المجاميع تنزل والجامعات الخاصه تشتغل حسبى الله ونعم الوكيل |
طبعا عندكوا حق التصحيح فيه ظلم كبير جدا جدا بس انا ربنا كرمنى و التصحيح بصراحه كان فى مصلحتى انا كنت مفكر انى هجيب فى الفيزيا 40 او اقل جبت 43 و رياضه 2 كنت متوقع انى هجيب برضه 41 او 40 جبت 44 و قفلت الاقتصاد و الاحصا جبت 50 بس دى توقعتها و عامة انا 94.7 السنتين ع بعض
|
حسبى الله ونعم الوكيل
انا نقصت فى الفيزياء 10 درجات:confused: مع انى مراجعة و شايفة نموذج الاجابة انا كده مش هلحق الكلية اللى كنت بتمناها |
| جميع الأوقات بتوقيت GMT +2. الساعة الآن 04:55 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.