|
سلااااااااااااااام يا من أحببتكم...........
السلام عليكم و رحمة الله و بركاته
ازيكم يا أخواتى عاملين ايه ؟يارب تكونوا كلكم بخير .......ومباااااااااااااااااارك لكل طلبة الثانوية و عقبال يارب ماتدخلو الكلية اللى انتو عايزينها و تستفيدوا منها و تفيدوا فيها صراحة يا جماعة انا بجد مش عارفة أقولكم ايه بس انا كنت مترددة جداااااااااااا انى اعمل الموضوع ....بس المهم يعنى انا باذن الله بكرة اخر يوم ليا معاكم و بجد هتوحشونى جداااااااااااااااااااااااا جدااااااااااااااااااااااا ........بس انا عاملة الموضوع ده عشان اطلب منكم طلب او اتنين بجد يا جماعة انا مش عايزاكم تنسونى لانى و الله ماهنسى اى حد فيكم و ياريت اى حد زعل منى فى اى حاجة ياريت ينساها لانى و الله حتى لو زعلت حد مش ببقى قاصدة و بجد بقول لكل بنت عرفتها ع المنتدى وهما عارفين نفسهم كويس جداااااااااااااااا و الله العظيم انا بجد اكتر حاجة حببتنى فى النت انتو و بجد كلكو اخواتى و عايزة اقول لزوزو ماتزعليش منى و الله انا حاولت بس ماقدرتش وبقول لنسمة :نسمة ادامهم كلهم بقولك الرابطة اوعى تنسيها دى امانتى ليكى ادام الكل و ربنا شاهد اوكى ياقلبى و بقول للبنات اللى انضمو لى فى الرابطة بجد انتو ادتونى امل كبير جدااااااااااا و والله استفدت منكم جدااااااااااااااااااااا و ربنا يحفظكم يارب و يحميكم و يعينكم ع خدمة الدين و انا مكملة معاكم يا جماعة و باذن الله نقدر نعمل حاجة بس من ع الميل و اى بنت عايزة ايميلى تقول لنسمة_ملك اليمين_و هى هتدهولها واى حاجة ياجماعة عايزينها نسمة موجودة و نسمة برده هتبقى تبلغكم باجتماعتنا فى الموضوع فياريت يا جماعة تبقو تتابعو الموضوع بالله عليكم و رجاء اخير ياريت تشدو حيلكم النتيجة طلعت و ماحدش يزعل ع حاجة اللى ربنا كاتبله حاجة هيدخلها لو مين وقف ادامه.......ربنا يوفقكم كلكم يارب و طبعا بقول لكل اللى ع المنتدى سواء بنات او ولاد يارب كلكم تكونوا حاجة تشرف بلدكم و تقدرو تنصرو دينكم و تدافعوا عن رسولكم و ياريت يا جماعة تبقو بجد اخوات و مش تقفو لعض ع اى كلمة لان الاخوات عمرهم مابيعملو كده :) مش عارفة انا حاسة انى عايزة اقولكم حاجات كتير بس مش قادرة بجد عامة اتمنى انكم مش تنسونى و تبقو تدعولى أستودعكم الله الذى لا تضيع عنده الودائع |
مش هنساكى ابدا انتى فى قلبى يا قمر
|
والله مش عارفه اقوللك ايه بجد
مش عارفه المنتدي هيبقي شكله ايه من غيرك بس انا اكتر واحده حسيت بيكي عشان كده مش عايزه اضغط عليكي تاني بس رجاء اخير صلي استخاره وشوفي ربنا ريادلك الخير في ايه شموخ فراقك لينا اصعب عليا كتير من صدمة امبارح صدقيني يمكن امبارح لما شفت النتيجه حسيت احساس غريب بس معيطش كتير لو تصدقيني دموعي نزلت دلوقتي اكتر مانزلت امبارح ع المصيبه اللي ربنا ابتلاني بيها مش هقولك غير ربنا يكتبلك الخير مكان ما تكوني ومتزعليش ع النتيجه كلنا كده واكيد ربنا رايدلك الخير في مكان غير طب قدر الله وماشاء فعل واللي مهون عليا شويهه انك معانا ع الميل مش هتسيبينا اوعي تفكري في يوم تنسينيبجد حبيتك من كل قلبي صحيح ربنا مرزقنيش باخت لكن كنتي اختي واكتر صدقيني ربنا يجمعني بيكي في الدنيا وان ربنا مارادش يبقي في الفردوس الاعلي ان شاء الله |
ايه ده انتى عايزة تسيبى المنتدى
بجد لو سيبتيه مش هايبقى ليه طعم ارجوكى فكرى تانى |
اقتباس:
|
اقتباس:
ربنا يخليكى ليا يارب و انتى و الله ماتعرفى معزتك عندى والنتيجة انا بجد مش زعلانة عليها نهائى اللى ربنا كاتبهولى هشوفه و انا واثقة فى ربنا الحمد لله وانا مااقدرش انساكى ماحدش ينسى اخته هتوحشنى مواضيعك يا زوزو :( |
اقتباس:
صدقونى يا جماعة و الله انا حبتكم جداااااااااااااا و عشان كده هسيبكم بس و الله مش هنساكم و ياريت مش تنسونى |
انا حاولت معاكي كتير
بس ما دام دا قرارك وانا عارفة انك عاقلة يبقى هو القرار الصح ربنا يوفقك يا صديقتي الغالية ونفضل دايما اصدقاء |
السلام عليكي اختاه
هل لنا أن نعرف ما هو السبب على عدم دخولك الموقع مرة اخرى |
اقتباس:
|
ربنا يوفقكم كلكم و صدقونى كنت بحس انى بين صحابى و انا قاعدة على المنتدى
انا علمى رياضة و الحمد لله المجموع مقدرش أقول عليه حلو بس هو فوق ال 90 % بس أعمل ايه هو ده قدرى و مش هنساكى ابدا يا شموخ |
اقتباس:
بس بجد انا من كتر الخناقات اللى بتحصل فى المنتدى بجد نفسيتى تعبت انا من ساعة مادخلت ع المنتدى و انا بتعامل معاكم كلكم انكم اخواتى و كذا مرة يتخانقو سوا و نقول يا جماعة احنا اخوات و برده مافيش فايدة بقى كله بيقف لكله ع الكلمة كاننا عايزين نحبط و نحرج بعض و خلاص مش عارفة انا بتاثر بكده يمكن نلس كتير منكم مش هتشوفو سبب بس انا بجد بتعب نفسيا من كده ببقى شايفة اخواتى بيتخانقو و بيجرحو فى بعض فعشان ماحدش يتهز فى نظرى و عشان برده انا نفسيتى مش ناقصة بجد يعنى ده اسهل الصعاب ربنا يوفقكم كلكم و شكرااااااااااااا جداااااااااااااا ع رد حضرتك |
اقتباس:
|
مع السلامة يا حبيبتى وربنا يوفقك فى حياتك العلمية والعملية.
|
اقتباس:
و يارب ربنا يوفقك و يديك كل اللى تتمنيه و يجعلك الخير فيه وربنا يجمعنا فى الفردوس الاعلى ..........قولو امين |
| جميع الأوقات بتوقيت GMT +2. الساعة الآن 05:49 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.