الأول على الجمهورية شايل مواد
 

يا جماعه الثانويه العامة محطة فى حياة الانسان بتحدد هيمشى فى انهو طريق لكن مش بتحدد ان كان هيكون ناجح ولا لأ
لو تفتكروا من سنتين اأول على الجمهورية كان القاسم موسى ده زميلى فى طب عين شمس
عندنا فى سنه تانيه أربع مواد هو شال الأربع مواد كلهم وجايب درجات أسوأ مما تتخيلوا
طب كونه الأول على الثانويه العامه هيفيده بايه اذا كان ياخد السنه فى سنتين
ربنا معاه بس ده مثال للكل الى هيدخل كلية كويسة ميسترخيش والى هيدخل كلية مش أوى يعرف ان تفوقه فيها ممكن يخليه حاجه جامدة جدا

ربنا معانا

غريبه صحيح الثانويه العامه مش مقياس
بس مش للدرجادى
اكييييييييييييييييد هو اللى قصر
بس الاوائل عامه متميزين محدش يقدر ينكر
والحمد لله على كل حاجه
فى رعايه الله

لا يختلف عليها اتنين

والى هيدخل كلية مش أوى يعرف ان تفوقه فيها ممكن يخليه حاجه جامدة جدا

حكمة جامده جداااا

ازيك يافيثاغورس
فينك وفين اراضيك ياراجل

ياريت اشوفك دائما

انا موجود والله بس الكلية صعة جدا وقليل لما بدخل على النت فى الدراسه
المهم ازى حضرتك واحشنى والله وكل الأعضاء القدام

ربنا معانا ولسه فى امل فى الله اولا طبعا وليسه لما نشوف التنسيق
مافيش حد يعرف تنيسق الكليات من كام السنه ده

ربنا يوفقكم كلكم

معاك حق ...الثانوية العامة بترسم خطوط عريضة للمستقبل بس مش بتحدد انت ماشى ازاى
وعن تجربة شخصية ..الكلية مختلفة تماما عن الثانوية العامة فى كل شىء من اول اسلوب التدريس لحد اسلوب الامتحان وبالتالى الثانوية مش مقياس دقيق نقدر نعتمد عليه

ده كان ردى بس نسيت اعمل تسجيل خروج لعمرو

بجد كلامك رفع من معنوياتى الى حد ما .....

صح كلامك صح وفى ناس بيبقى مستواها قليل فى ثانوية عامة ويلحقوا كليات طب بالعافية بس بيجيب فيها تقديرات
هو كلام طبعا واقعى بس مش للى استهتر وبص لفوق لحاجة متعبلهاش

والله ياجماعة المجموع بتاع الثانوية مش مقياس بالنسبة للكلية
الكلية دنيا تانية
شكرا ع الموضوع

كلامك صح جدا
عمر ما كانت نتيجة الامتحانات هي المقياس للتفوق
فمثلا ممكن يكون انسان متفوق جدا ولكن ايام الامتحانات حصلت ظروف لاي سبب ادت الي عدم تركيزه او عدم تادية الامتحان او بعضه
وممكن يكون انسان مستواه عادي بس الظروف كانت في صالحه يعني امة الامتحانات كانت سهلة او انه عرف يغش
وبالتالي هيجيب درجة عالية
فالافضل ان نحكم على المستوى من خلال متوسط نتيجة السنوات السابقة
او من خلال طريقة التفكير والنقاش ومدى الفهم