|
طب اسنان ..صيدلة..علاج طبيعى..؟؟؟
السلام عليكم و رحمة الله
دلوقتى يا جماعة الحمد لله انا جبت مجموع كويس يدخلنى اللى انا عايزاه بس انا مش عارفة اختار اى انا كان نفسى فى صيدلة و بعدين سمعت انها (قديمة) و طب اسنان احلى و من ناحية تانية معظم الناس بيقولولى طب بيطرى احلى حاجة فى علمى و ليه مستقبل كويس اكتر من صيدلة و مع انى مش مقتنعة ببطرى بس انا شايفة ان مستقبله كويس لان لسة النهاردة واحد متخرج من بيطرى و اشتغل فى نفس الاسبوع و بعدين علاج طبيعى انا شايفة انه جاااامد جدااا بصراحة انا شايفة نفسى فى صيدلة او علاج طبيعى و الناس كلها عمالة تقوللى بيطرى او اسنان دلوقتى الناس العلمى اللى هنا هتختارو اى و ليه؟؟؟ و يا جماعة عايزة اقول مش شرط حد جاب مجموع كويس يدخله طب سنان يبأى يستخصره فى صيدلة او بيطرى التفكير دا غغغلللططط المهم المستقبل و الشغل بعد الكلية و لو حد يعرف عن تجربة يعنى ايه من دول اللى مستقبله احسن فى الشغل يا ريت ينفعنى انا بجد خايفة كتير لان مستقبلى كله معتمد على قرار و انا خايفة اخده غلط يا ريت حد يساعدنى |
بجد يا جماعة يا ريت حد يرررررردددد علييياااااا
|
انا لو مكانك هختار صيدله
خصوصا انك بنت وانا اسمع عن مثل فلاحى بيقول (البنت المؤدبه بتخش صيدله) هههههههههه طبعا كله كلام فارغ بس انا بصراحه شايف ان صيدله اريحلك |
والله انا فى نفس الحيرة اللى انتى فيها بجد ومستخصرة مجموعى فى صيدلة والكل بيقولى هتدخلى صيدلة وبعدين تطلعى بياااااااعة صراحة انا كنت بحب صيدلة مووووووووووووت وكان ليا فيها احلام كتير بس دلوقتى ميالة لطب ممش علشان انا بحبوا بس علشان هو الاعلى وده بكل صراحة
|
انا لو مكانك هاختار صيدلة بس انا عمري ما هكون مكانك ربنا معاكي اعملي استخارة
|
.........بصي يا ستي..
أنا أعرف إن شغل الصيادلة سهل و مريح ..بعكس أسنان : متعب و بيعمل غالبا مشاكل في الضهر و معداته مكلفة ( إلا لو كنتي هتجيبي كرسي حلاق !!!) ..و مش سهل فتح عيادة ..أما علاج طبيعي فجميلة و ليها مستقبل .. المهم اعملي استخارة و شوفي هتستريحي لإيه ... و 100000000000 مبروك عالمجموع الكبير !! |
انا جايب 98 % ومش عارف اقدم اية بردو كلهم بيقولولي اكتب طب بشري اول رغبة وانا نفسي اكمل علم كيمياءي
فياريت اللي ليه تجربة او معرفة يقولي |
صلي صلاة الاستخارة وهي الحاجة الوحيدة اللي حتفيدك
ولقد قمت بكتابة ما يتعلق بها في قسم جرس الفسحة خدي الدعاء وشوفي طريقتها وصليها وبإذن الله ربنا حيقدملك اللي في الخير لدينك ودنيتك |
بصى هو انا مجربتش لانى لسة فى ثانوى بس ليا اخت فى صيدلة وتانية فى اسنان وتالتة فى علاج طبيعى
بيتهيالى مستقبل العلاج الطبيعى احسن بس اسالى عنه كتير الاول والصيدلة بيقولوا شغلها سهل بس الاسنان برضك مستقبلها بيبقى حلو طالما فى امكانك تدخلى اى حاجة منهم ومحتارة ومش مقررة اعملى استخارة |
اقتباس:
ميرسى لردك اقتباس:
بجد التفكير دا غلط انا فى امل مجموعى يدخلنى طب و مع كدا عمرى ما فكرت فيه لانى عارفة انى مش همشى فى طب و كتير اوى بيطردو من سنة اولى انا كانت غلطتى انى كنت هكمل ماث و تحت الضغط كملت احياء لان اهلى استخسرو المجموع بجد انا لسة ندمانة انى مش هدخل الكلية اللى طول عمرى بحلم بيها و مش هعمل الغلطة دى تانى بجد انتى شوفى انتى عايزة تدخلى اى المستقبل احسن من اى لقب و بعدين اى بياعة دى اللى بيتخرجو من صيدلة دلوقتى بتفوق بيشتغلو فى شركات ادوية و ليهم شغل جااامد جدااا حكاية بياعة دى مش صح شوفى انتى بتحبى اى و كملى فيه لانك هتنجحى فيه دى مجرد وجهة نظر و ميرسى لردك اقتباس:
ان شاء الله تدخل هندسة و انا فعلا هصلى استخارة ميرسى لردك اقتباس:
الله يبارك فيكى يا قمر هى طب اسنان بردو كويسة و مش صعبة كتير يعنى و بينى و بينك شكلى كدا هختارها تحت الضغط الزفت اللى انا فيه بس انا لاقية نفسى فى صيدلة اكتر و بردو علاج طبيعى داخل راسى ان شاء الله هصلى استخارة و ميرسى لردك اقتباس:
بس لو مش مقتنع بالفكرة يبأى متخليش حد يأثر فى قرارك و يا ريت تصلى استخارة و بالتوفيق اقتباس:
و ميرسى كتييييييير |
اقتباس:
دا انتى كدا متظبتة 3 اخوات و كل اخت فى كلية ما شاء الله بس انا كنت عايزة اعرف صيدلة احلى ولا علاج طبيعى لان هو دا اللى محيرنى م الاول |
بصى حضرتك
دة كلام طبيبة اسنان اقتباس:
|
بالنسبة للصيدلة والعلاج الطبيعى
انا شايف ان صيدلة احسن بكتير ومستقبلها حلو جدا دة طبعا بعد الاستخارة |
أسنان الرجالة فيها بيبقوا أنجح بصورة كبيرة ... لأن دكتور الأسنان بيعتمد بشكل كبير على قوته البدينة ... يعني بيفضل طول اليوم واقف على رجليه و كدة و بتبقى المهنة مرهقة بدنياً اكتر منها عقلياً ....
|
اقتباس:
اقتباس:
اقتباس:
ميرسى كتييييير للاضافة القيمة و طب اسنان فعلا جمييييلة جدااا بس انا بردو مقتنعة ان انا مش همشى فيها و صيدلة ممكن تكون اصعب فى الدراسة بس اكيد اسهل فى الشغل يبأى انا ان شاء الله صيدلة او علاج طبيعى ..و انا شايفة ان علاج طبيعى فرصتها فى الشغل احسن لان الدفعة اقل من صيدلة بس الله اعلم ان شاء الله هصلى استخارة ميرسى للرد و بالتوفيق |
| جميع الأوقات بتوقيت GMT +2. الساعة الآن 01:25 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.