|
تضامنا مع "طروب خالد_ الطالبه التي الغيت امتحاناتها بسبب شجاعتها
الطالبه طروب خالد التي تم الغاء امتحاناتها في الثانويه العامه المرحله الثانيه بسبب تصويرها لحالة غش في لجنة الامتحان ومحاولتها لكشف الفوضى والفساد في نظام التعليم المصري بوجه خاص ونظام ..... بوجه عام ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ على قناة المحور طلع سيادة المسؤل المهم اللي اسمه خالد سعد المستشار الصحفي لوزير التربيه وخالوا بالكوا من كلمة التربيه والتعليم ,يرد على الطالبه على الهوا وبيقول ان الكليب ده متفبرك ودي مش لجنة امتحان اصلا,بس بصراحه معتز اداهملوا تمام ويعني الراجل ماعرفش يرد وقعد يتلجلج وخدها من قصيرها وقفل , وعمار يا مص ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ت ومدير موقع الثانوية العامة الاستاذ اشرف السيد فى نفس الحلقة بردة رد عليهم وقالهم الواقعة بالظبط الله ينور يا استاذنا يا انفراداتك بس دة حرام يا جماعة ....خير تعمل شر تلقى |
احنا كلنا معترفين بشجاعته وانها كشفت حاجة بسيطة من اللى بيحصل بس احنا ممكن نعملها ايه لو الموضوع هيتعرض ع اى مسئول انا بضم صوتى لصوت كل واحد مبيحبش الكوسة زيى
ربنا ع الظلم والمفترى |
يعنى انت متوقع يحصل ايه للبنت غير كده يا محمد
وزاره مضروبه باللى فيها اللى بيحصل ده مسخره |
ربنا يكون ف عونها
اكيد ربنا هيعوضها خير باذن الله |
دي بت هبلة وعبيطة و مبتفهمش
مش عشان كشفت الغش لا لان ممنوع تدخل بموبايل اللجنة وده مكتوب على ظهر رقم الجلوس فمعني انها فاتحه الموبايل وبتصور يبقى كانت بتغش هي كمان وامتحانها يتلغي هي والبنت التانية والبنتين اللي كانوا بيبصوا لبعض واللجنة كلها تدخل لجنة خاصة تصحيح وكل المراقبين ورئيس اللجنة يتحولوا للتحقيق ده من الناحية الفنية |
على فكره انا فى اللجنة بتاعتى فى امتحان الميتوزى الرفيع برده ناس اتصلوا بالمدرسين من اللجنة و ده بيحصل كتير بس عشان كل حاجه بايظه فى البلد واولاها التعليم فمينفعش حد يتكلم
|
تضامنا معاها او مع غيرها انا عن نفسى ارفض تماما اللى هيا عملته اصلها مش بتصور حاجة جديدة دى حاجة من زمان من اساسيات التعليم فى مصر (غش اخر العام ) طب والمسئول هيعمل ايه اكيد الانكار حليفه كل اللى هيا استفادته ان امتحانها اتلغى وضاع سنة من عمرها لانها مش بتحب الكوسة والبلد كلها ماشية بالكوسة يبقا كدا هيا بتتدخل فى سياسة البلد:D وكما قال السادات (لو نهر النيل بقا كله صلصة مش هيقضى الكوسة اللى فى مصر ) ودمتم |
طيب صحيح اية اللي خلى طروب تدخل اللجنة ومعاها موبايل يعني ...احتمال كانت بتغش هي كمان
ثانيا الاستاذ خالد سعد قال كلام انا مفهمتوش..ان دي مش لجنة امتحان اصلا..ممكن الكلام دة يكون صح برده |
انا سعيدة جدا بشجاعتها بس من ناحية اخرى ازاى هى تصور فى لجنة الامتحان الصراحة انا لو مكانها اساسا ما ادخلش بالموبايل مع ان فى لجنتى كان فى بنات كتيرة بتدخل بالموبايل وكان المراقبين ما بيعرفوش الابعد نص الوقت واحتمال ما بيشفهوش اساسا بس عايزة اقول حاجة كمان هى فى الاخر مش حتستفاد حاجة لا بالعكس دى هى اضطرت علشان كشفت الحقيقة
وانا اعرف ان الساكت عن الحق شيطان اخرس لكن فى بلدنا فهو ملاك طاهر كل واحد فينا بيشوف الغلط وبيسكت وبيقول يلا نفسى وان كان بيحاول انه يكشف الحقيقة بيضيع مستقبله وحسبلى الله ونعم الوكيل فى دى بلد |
اناا من مكانى هنا فى محافظة الشرقية اعلن ان جميع طوائف لثانوية العامة والصنايع والدبلومات والتجارة والزراعة تعلن تضامنها مع طروب خالد
مع تحيات رئاسة الطائفة |
والله بفضل الله احنا اتصلنا بالبرنامج واثبتنا بالدليل ان كان في تحقيقات وكان في حالة غش وان المراقبين فعلا اتحولوا للتحقيق بعد ثبوت حالة الغش
ولازم طروب ترفع قضية بسرعة |
| جميع الأوقات بتوقيت GMT +2. الساعة الآن 02:07 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.