لو سمحتم ..عايزه اعرف خطوات عمل التظلم من الالف الى الياء
 

السلام عليكم ورحمه الله وبركاته

ازيكم اعضاء المنتدى ..انا عايزه اعرف ازاى اعمل تظلم ..بس ياريت حد يشرحلى براحه

عشان انا مارحتش اعمله قبل كده ...ياريت اى طالب عمله او اى مستر او اى حد يعرف

اى حاجه يقولى

بس ارجوكم بسرعه قبل فوات الاوان

اولا بتروحى تدفعى 100 جنية فى اى فرع للبنك الاهلى

باسم صندوق دعم و تمويل المشروعات التعليمية و بتاخدى وصل بكده

و بعد كده تروحى ل لجنة النظام و المراقبة التابع لها مدرستك

انا فى مدرسة السعيدية فى الجيزة و لجنة النظام بتاعتى مدرسة السنية فى السيدة زينب

المهم ممكن تسالى فى المدرسة عنها

و بتروح للجنة بالوصل ده و بيديكى ورقة تكتبى فيها اسمك و رقم الجلوس و عايزة تعملى تظلم فى ايه

بياخدها و يديكى ورقة يقولك تعالى يوم كذا غالبا بعد اسبوعين علشان تشوفى كراسة اجابتك

بيديكى صورة من كراسة اجابتك و معاها ورقة تكتبى فيها الملاحظات

بتشوفى مثلا الحته ده منقصك عليه او غلط و هى اصلا صح او المجمع غلط كده

تكتبى بقى فى الورقة مثلا يرجى مراجعة الجزئية كذا من سؤال كذا حيث انها صح و الحوار ده

هياخدوها منك و لو ليكى حاجة هيتبعت لك جواب على عنوانك و تروحى تاخدى تعديل بالنتيجة و هتاخدى ال 100 جنية
بس بعد مواااااااال

ارجو اكون افدتك

ربنا يكرمك يا رب ..ويدوم عليك التفوق وجزاك الله خير