كيفية عمل تظلمات واعادة تصحيح الورقة
 

بدأ صباح يوم الأربعاء فتح باب التظلمات لطلاب الثانوية العامة الراغبين فى الاطلاع على أوراق اجاباتهم فى أى مادة للتأكد من رصد كافة الدرجات لهم.

وقال الدكتور رضا أبو سريع وكيل أول وزارة التربية والتعليم الثلاثاء الماضي إن نفس الاجراءات المتبعة فى الأعوام الماضية سيتم اتباعها هذا العام، وهى قيام الطالب الراغب فى التظلم بالتقدم بعمل حوالة بمائة جنيه باسم صندوق دعم الأنشطة التعليمية والتوجه للكنترول التابع له لتحديد موعد للاطلاع على صورة لكراسة إجابة المادة التى تظلم فيها.

وأضاف أن باب التظلم مفتوح لمدة 60 يوما، مشيرا إلى أن جميع الطلاب يمكنهم من الثلاثاء التوجه لمدارسهم لاستخراج نتائجهم بالنسبة لطلاب المرحلة الأولى أو سحب ملفاتهم بالنسبة لطلاب المرحلة الثانية للالتحاق بمكتب تنسيق القبول بالجامعات.

وأوضح ابو سريع أنه بالنسبة للطلاب الذين لهم دور ثان فى المرحلتين ستجرى امتحاناتهم فى شهر أغسطس2008 وأن الادارة العامة للامتحانات ستصدر بعد يومين الجداول والمواعيد الخاصة الدور الثانى.

;,كويس اوي عشان بفكر اعمل تظلم في الاحصاء والاقتصاد انا حالل كويس اوي واخد 44.5 ليييييييييييه

بس مش التظلم ب 100 جنيه صح ؟

شكرا يا جميل ع الخبر

ياترى إيه نظام التظلم ده وإيه اللي بيحصل بالظبط

ممكن تقولوليا

يا ريت انا من الغربية و لو عايز اتظلم فى مادة الفرنساوى اعمل اية و اروح فين و امتا

يا جماعه وهتعملوا تظلم وبعدين
هتستفادوا ايييه
ملهاش لازمه اصلا
ولو عندك درجات استحاله يدوهالك ابدا
ولو رفعت قضيه عليهم باذن الله ممكن تكسبها بعد كام سنة يعني هتكون خلصت الجامعه اصلا
هما عمرهم ما هيعترفوا بالغلط
هما عايزنك بس تدفع الميه وخلاص
ياما ناس عملو كدا ....ايه الى حصل يعني ..والله ماعرفوا يجيبوا منهم نص درجه حتى

لا يا جماع بجد اللي حاسس انو ليه درجات مييأسش و يروح يعمل تظلم انا اختي عملت في الفرنساوي و سنتها عطولها درجة و فرقت معاها جدا و تعتبر اللي دخلتها صيدلة اسكدنرية و عن نفسي انا رحت قدمت عشان اعمل تظلم في االاقتصاد والاحصاء بس لسه بعد يومين ادعولي وربنا يوفقنا كلنا يا رب و كل واحد يدخل الكلية اللي ليه خير فيها ان شاء الله

المحتاج لدرجة
 

انا رايح بكرة ان شاء الله انا جبت فى الفيزياء 40ادعولى انا يفرق بينى وبين الطب 1 درجة

اللى عنده نصيحة يقولى

حكاية التظلمات نصب
وولو لقيت سؤال متجاوب عليه صح وواخد فيه صفر لن يعطوك الدرجه
يقولك اكتب ملاحظاتك وبعدين ورقة الملاحظات اللي بتكتبها تلاقيهم تاني يوم مولعين فيها في الزباله
المهم المية جنيه اللي بتلهفهم الوزاره
وانا بعيني رأسي رايت الولد حل 5 اسئله صح في الكيمياء واخد في كل جزء منهم صفر
وقال ايه مفيش اعادة تصحيح الموجود اجمع الدرجه وبس مفيش الا نقول حسينا الله ونعم الوكيل في المصححين والوزير وكل العالم الظالمه دي

ياياجماعه ابني السنه اللي فاتت كان عايز درجه ويدخل هندسه
كشفت ع الفيزيا وجدت درجه ونصف لم يتم جمعهم قالو هنبلغ مكتب التنسيق
لالا حياه لمن تنادي دخل معهد العالي للتكنولوجيا ببنها

فعلا لاحياة لمن تنادى مفيش حد عنده ضمير فى اى حاجه وانا نفسى ادخل هندسه بس انا جايبه 90 السنه دى وامتحان الرياضه كان زى الزفت وبرضه اتظلمت فى الرياضه وحسبنا الله ونعم الوكيل

شكرااااااااااااااااااااااااااااااااااااااااااااااا ا

ياجماعة لو فيه واحد ناقص درجة وعمل تظلم حياخذ حاجة ولا ايه