|
السيسى رئيسى
د. جيهان القاضى تكتب: السيسى رئيسى ^^^^^^^^^^^^^^^^^^^^^^^ أنا تعبت من الإخوان .. كرهت تشويهم للإسلام والمسلمين منذ صغرى وأنا أنتظر 6 أكتوبر، علشان الأجازة فقط، كنت أتعب من احتفالات مبارك اللى حولت النصر لمبارك ونستنا الحرب نفسها، لم يكن داخلنا فرحة بالنصر ولو كان مبارك استمر كنا شككنا فى النصر نفسه. لما جاءت ثورة 25 يناير فرحنا لكن الإخوان سرقوا فرحتنا منهم لله، لم أنتخب مرسى فى المرتين، انتخبت أحمد شفيق كنت حاسه إنه رجل الساعة، قوى، وشجاع، بس لما كنت بصرح برأيى كنت أُتهم أنى فلول فلول فلول، استوقفتنى الكلمة كثيرا، يعنى إيه فلول، أنا لا عايزه مبارك ولا فلوله لحظة واحدة. لو درسنا التاريخ كويس لا أجد للإخوان تصنيف غير أنهم ماسونيين، الدين ده حاجة بينى وبين ربى، مين إداهم الحق أنهم يتكلموا بالدين وتشبيه مرسى بالرسول ويكفرون الناس اللى مش على مزاجهم، إيه الجبروت والعنجهية دى، أنا اتربيت فى مدارس فرنسية درسولى مسلمون ومسيحيون ويهود وبدون ملة، أكثر شخص ساعدنى فى حياتى كان قسيس ميسيحى فى مدرسة الجيزويت، كان يمدنى بالكتب وأنا أعد الماجستير والدكتوراه، وكنت أعتبره أب حقيقى لى، عمرى ما حسيت بالتعصب الدينى إلا مع الإخوان. أنا نزلت بأولادى يوم 30 يونيه يوم النفير العام، أول مرة أفرح يوم 3 يونيه، حسيت إن ده هو النصر الحقيقى، معقول مصر رفعت رأسها، انتصرت على الماسونيين الجدد أتباع أوباما وماكين، تحيا مصر ويحيا السيسى، سلام مربع للرجالة، أنا عايزه انتخابات رئاسية وبرلمانية فى يوم واحد وبلاش مجلس الشورى، تعبت من المظاهر الكدابة، عايزه محاكمات عسكرية، عايزه حق كل شهيد وحق كل أم اتحرق قلبها على ابنها عايزه أحس بالأمان عايزه بلدى بدون إخوان بدون مرشد بدون تنظيم عالمى، مش عايزه أسمع اسم قطر أو تركيا، تعبت من عدم شعورى بالأمان، تعبت من أزمات المرور اللى وراها الإخوان، مش عايزه البرادعى ولا عمرو موسى ولا أبو الفتوح ولا صباحى، مش شايفه حد غير الفريق السيسى ومش عايزه حد غير السيسى، الرجل المحترم قليل الكلام، اللى خلانى أرفع رأسى لفوق وأفتخر أنى مصرية، أنا بحبك يا مصر ونفسى تكونى أد الدنيا يا أم الدنيا. http://www.youm7.com/News.asp?NewsID...0#.UnqnXTeEiCk |
مشكور على الخبر
نعم كنت مثلها وفوضت ولكنى الان ضد الانقلاب ورئيس مصر هو السيد الدكتور محمد مرسى رئيس جمهوريه مصر العربيه المنتخب بانتخابات نزيهه هذا رئيس مصر ولكن من عين ورقى من لواء لفريق ليس برئيس الا اذا اتيت به صناديق نزيهه هذا قانون الشعب الحر |
صديقي العزيز/ العمدة أخشي أن الشعب الحر .. هو من أقارب الجيش الحر .. وعلي كده كل واحد حر في رأيه .. ومش معني إنك غيرت .. كله هايعمل زيك .. وإتفقنا سابقا وفقا لكلام رئيسك المعزول .. أن الشعب مصدر السلطات منحها لمرسي ولما أثبت فشلا ذريعا .. سينشر في موسوعة جينز .. وهناك أندية محترفة فشل تعرض عليه الإحتراف بها ..قام الشعب بسحب ماأعطاه له يوما وإنت كنت واحد من إللي سحبوا منه التفويض ..وأعطوه لمن يستحق تحياتي لحضرتك |
مرسى الرئيس الشرعى للبلاد
وغداً القفص لن يسع الأنقلابيين ولن ولن يكون السيسى رئيس للأحرار |
لما نشوف برنامج الفريق الأول السيسي نقرر
لكن بكل المقاييس وتحت أى ظروف أنا لا أعترف بمرسى ابدأ رئيس فشل فى إدارة البلد وكل انتماؤه لأهله وعشيرته دا رأى شخصى |
اقتباس:
والإنقلابية هى فلولية مفوضة .. يعنى فلولية نشطة يارب تغيرى رأيك وتكتبى مقاله حلوه زى كده فى الإخوان بس من غير ما تتهمى الإنقلابيين فى دينهم :d شكراً على نقل المقال |
لا إله إلا أنت سبحانك إني كنت من الظالمين |
السيسى رئيسى
طيب ما هو السيسى الان هو رئيس مصر الحالى ؟؟؟ ما هى انجازاته .... اقتصادنا اصبح قائم وفقط على الشحاته قطاع السياحه شبه مدمر الاستثمارات شبه معدومه |
الشحاتة إحدي المفاهيم التي أصلها صاحبنا إللي عنوانه الأن زنزانة 5 برج العرب أما عن السياحة فحدث ولاحرج .. لابد من هدم الأصنام ( هبل العظيم أبو الهول) إرتداء تمثال أم كلثوم للنقاب خشية الفتنة .. هذا هو تفكير جماعة المعزول فمن أين ستأتي السياحة .. لكن الشهادة لله هو حاول بدليل منح تراخيص كباريهات شارع الهرم 3 سنوات بعد أن كانت تجدد سنويا .. أما الإستثمارات فكيف ؟؟؟؟؟ وكل لحظة مظاهرة هنا وقطع طريق هناك .. وإفتعال أزمات من أصحاب الصوابع الأربع .. لكن بإذن الله سينصلح الحال .. عندما يصبح السيسي رئيسنا الشرعي |
مصر تدخل عالم الكانون بتاع زمان
واليوم اشترينا وابور الجاز اللى بيهب زى الفلول فى وشنا ماحنا لازم نشوف مصر اللى قال عليها الأنقلابى طوابير أنابيب البوتجاز تملأ شوارع وقرى مصر فى مسيرات مهيبه لتأييد الأنقلابيين المهم ( إخوان مايحكمشى ) ونحن فداك أيها الزعيم المفدى آخر نكته كما قيل أن الأخوان سبب سقوط الأندلس وزير التموين: أزمة البوتاجاز مفتعلة من قبل "الإخوان المسلمين" |
علي ذكري أنابيب البوتاجاز لمست اليوم إنفراجه في الأزمة حيث يتم التوزيع بالبطاقات أنا أتحدث عن الغربية .. وأقسم علي مارأته عيني الكلام بالتأكيد ليس لأتباع المرشد .. متوحدي الفكرة |
القمع وتقييد الحريات والاعتقالات ورجوع الدوله البوليسيه والاكاذيب الاعلامية ..... يصلح للدول الاشتراكيه الشموليه اما اقتصاديات السوق والنظام الرأسمالى لا ينسجم الا مع النظم الديموقراطيه ... الا مع الحريات ... مزيد من الحريات ... وكلمة حق قالها احمد السيد النجار ... ان عام حكم مرسى هو الافضل فى تاريخنا فى مجال الحريات ... وان النمو الاقتصادى لن يتحقق الا بعودة الشرعيه السياحه لن تأتى فى ظل حظر التجوال وقانون الطوارئ وسلطه مغتصبه وقــتل وقمع .... هل من المعقول ان يتم القبض على السائحين بسبب خرق حظر التجوال .... ليس هذا فحسب بل قتــلهم وتعـــذيبهم لو حكم السيسى مصر ...... سيحافظ على مقعد مصر الدائم كدوله متخلفه ... المقعد الذى حافظ عليه اسلافه من العسكر طيلة ستون عاما |
أضعف الإيمان كان هناك مقعدا .. أضاعته جهل وتخلف وحماقة من حكموا عاما .. فمابالنا لو طال بهم الأمد .. نعاني وسنعاني جراء هذا العام من التراجع علي كل المستوبات التي أرادوا أن يسير الشعب المصري كما يسيرون أفرادهم .. بالسمع والطاعة .. ولاتفكير .. وكأنهم المنزلون من السماء .. فما إستحقوا إلا ماآلت إليه أمورهم .. وإمتلك الشعب كلمته .. وفوض من أراد له أن يحكمه .. ليس بمسيرات الجماعة .. ولا بمواد تموينية تافهه .. إقتصوها من حصص الناس .. ووزعوها علي من أرادوا شراء أصواتهم .. مستغلين حاجة وعوز الشعب في عام أسود .. باعوا أو كادوا يبعوننا .. ولكننا ضحكنا أخيرا فضحكنا كثيرا |
مع مرسى
انتبه مصر ترجع للخلف و للخلف دائما |
الحمد لله .. الذي أنقذنا .. من تلك النكبة بس سجن برج العرب .. هايتراجع بالتبعية بسبب نزلاؤه ... إللي منورينه |
| جميع الأوقات بتوقيت GMT +2. الساعة الآن 04:35 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.