|
أرجوكم قولولى فرنساوى ولا ألمانى ؟
السلام عليكم ومبروك النجاح يا جماعة أنا داخل أولى ثانوى لسه ومحتار أخد فرنساوى ولا ألمانى أصل ليا أصحاب كتير هيخدو ألمانى برضه بس ياريت أعرف ايه الفرق بينهم وايه الميزة يعنى غير حكاية الامتحانات بتيجى سهلة يعنى وشكرااااااااااااااااااااااا
|
لو عايز نصيحتي انا اقولك فرنساوي
اولا لانها عالميا اللغه التانيه بعد الانجلش ثانيا انا شايف انه سهل وسهل انك تجيب فيه خمسين بس دي لو عندك احساس ف اللغه دي مش بتبقي عند اي ناس علي فكره في ناس لما تقرا اي جمله غلط بتحس بيها ودي ف اي لغه عموما الالماني علي ما اسمع اصعب من الفرنساوي ابالنسبه للامتحانات للاسف الالماني بيبقي اسهل بكتير من الفرنساوي فهي عمليه نسبيه مفيش حاجه هتبقي صعبه ان شاء الله بالمذاكرها انا كنت فرنساوي علي فكره جبت 49 بس عشان حاجه تافهه وربنا يوفقك ،، |
ألمانى وتوكل على الله
|
الفرنساوى افضل بكتير
على فكرة منهجه غاية فى السهولة انا درسته فى اعدادي وباذن الله هكمله فى ثانوي والمدرسين عندنا نصحونا من واحنا فى ابتدائي ناخد فرنساوى لانه اسهل وبيتلم بس محتاج تركيز بالنسبة للالماني انا مدرستوش بس اسمع انه اصعب وربنا يوفقك |
الالمانى دة تحفة بمعنى الكلمة
|
خالوا بالكوا من حاجة مهمة لو أختارت ألماني و دخلت كلية حقوق حيبقى عليك أجباري أنك تمتحن الفرنساوي بتاع ثانوية عامة في المواعيد المحددة لها في شهر 6 ضمن أمتحانات الثانوية العامة وده في أي سنه في الأربع سنين بتوع كلية حقوق ومش حيدوك شهادة التخرج غير لما تمتحن وتنجح في الفرنساوي بتاع ثانوية عامه
أما لو خدت فرنساوي في ثانوية عامة فا مش حتمتحنه تاني |
الماني اسهل وتصحيحه افضل واحد صاحبي والله كان عنده غلطة وجاب 50
ودي المادة الوحيدة اللي انا جبت فيها 50 صحابي في الفرنساوي كانوا مقفليين الامتحان ونقصوااا ادخل الماني وتوكل على الله |
هتسمع نصيحتى فرنساوى
لالالالالا هو اللى نزل مجموعى السنة دى وصحابى كلهم قفلوا الالمانى ربنا معاك ويوفقك |
ايه اللخبطة دي لخبطوووا دماغ الراجل بص مفيش مدرسيين الماني كتير بس هي ماده سهلة جدااا بس المهم المدرس يكون عنده خبرة ولكن معظم مدرسين الالماني مش كتير وكمان لسه متخرجين اما الفرنساوي امتحانتها بتيجي صعبة شوية بس المدرسين كتير والحقيقة الالماني اسهل من الفرنساوي بس احسلنك خذ فرنساوي
|
المانى طبعا
انا كنت ف اولى ثانوى فرنساوى وحولت ع تانية المانى وجبت 49 ونص ايام ما جالنا الامتحان من اصعب ما يكون وناس كتير قفلته سنتها كمان الفرنساوى كل سنة يوقع ناس بالهبل وكمان الالمانى فى الدراسة اسهل وبياخد مجهود اقل انا بدرس فرنساوى من 4 ابتدائي دى مادة منظر بس لكن الالمانى بجد ممتع جدا وسهل جدا جدا جدا جدااااااااااااااااااا ولو ع الكلية انت فى سنة تالته مش هتبقي فاكر اساسا حاجة من الفرنساوى اللى انت درسته الا قليل اوى المانى وتوكل ع الله لو بتدور ع مجموع يعنى ،، اسأل اى حد كان واخد المانى هيقولك كده . واتمنى اكون افدتك ..،، |
french tab3an la2noh fa3lan n a7la we mo3tarf beeeh
we bgd wallahi lo3'ah ra23ah |
| جميع الأوقات بتوقيت GMT +2. الساعة الآن 01:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.