بوابة الثانوية العامة المصرية

بوابة الثانوية العامة المصرية (https://www.thanwya.com/vb/index.php)
-   أرشيف المنتدى (https://www.thanwya.com/vb/forumdisplay.php?f=513)
-   -   قانون البس (https://www.thanwya.com/vb/showthread.php?t=56165)

دكتور عادل عيد 19-07-2008 11:00 AM

قانون البس
 
قانون البَسّ

بس هس..... هس بس
كله يسكت بالقانون
كله يبقى كلامه همس
ده الصراخ نوع م الجنون
اختشى شويه وحس
واكتم الاصوات يا دون
عيش فى صمتك وانغمس
سد ودنك والعيون
واللى حيذيع او يبث
اى كلمه فى ميكروفون
القانون حيقولو هس
واحتمال يدخل سجون
يعنى رايك ينطمس
يندفن مهمن يكون
لو تقولو حتنحبس
او ح يرموك فى الاتون
يبقى احسن تنكبس
الا عمرك راح يهون
يعنى اسكت واتوكس
عيش فى حزنك والشجون
كل فى نفسك وانفرس
واحسد الطير ع الغصون
واسكت احسن تنهرس
تنعصر زى اللمون
ده انت يوم ما ح تنقرص
يومك اسود م الزتون
بالجزم رح تندهس
يشنقوك لو بالظنون
ويتاووك وتندفس
لا القانون ولا يحزنون
ده التاريخ لو يندرس
تعرف انت ايش تكون
قاعده عامه بتتورث
شئ ومعروف من قرون
كله يسكت ينخرس
حكمه من ايام امون

دكتور
عادل عيد

هنا الفقي 20-07-2008 01:10 AM

روعة روعة روعة جداااااااااااااااااااااااااااااااااااااااااا منتهى الجمال ماشاء الله يعني انا مش عارفة اختار كلمة اعلق عليها هي كلها على بعضها هايلة وانا اقل من اني اعلق عليها

بندق__2007 20-07-2008 03:16 AM

جامدة جدا جدا جدا

بجد حلوة اوى يا دكتور

تسلم ايدك

اوركيديا 20-07-2008 08:47 AM

فعلا جميله ومعبره عن الواقع
ربنا يديك و تملالنا المنتدى باشعارك بس
ياريت تكون متفاءله شويه مش زى دى
فى رعايه الله

بورسعيدى 25-07-2008 03:55 AM

ايه الجمال ده

ممتعه بجد

عاشت اديك

بنت ازهريه 26-07-2008 06:50 PM

حلوه بجد
شكرا يادكتور


جميع الأوقات بتوقيت GMT +2. الساعة الآن 10:19 PM.

Powered by vBulletin® Version 3.8.11
Copyright ©2000 - 2025, Jelsoft Enterprises Ltd.