|
انا هسيب المنتدى (قرار لا رجعة فيه )
سلام عليكم صدقونى انا هسيب المنتدى موضوع بنشوفه كل يوم (راحل بلا عودة ) معظم الاعضاء اول ما يدخلو المنتدى بيتفاعلو مع بعض بالمواضيع بالمشاركات بالردود وبعد فترة ومع اول مشكلة يقرر انه يسيب المنتدى ( زى ما بنشوف ) طب ليه تسيب المنتدى واجهتك مشكلة مع حد واجه المشكلة انت كمان وزى ما احد الاعضاء بيقول وجود المشاكل فى المنتدى دليل على وجود المناقشات واختلاف الاراء الهروب من المشاكل دليل على الضعف والاستسلام وعدم القدرة على مسايرة الامور الهروب من المشكلة مش هو الحل لا واجه مشكلتك وحاول توصل لحل واذا كانت المشكلة ناتجة عن اختلاف الاراء حاول تقنع الطرف الاخر بوجهة نظرك ان كنت الصح ولو حسيت انك غلط تقبل الامر واعترف بانك على خطأ والاعتراف بالحق فضيلة اذا كانت المشكلة ناتجة عن ان احد المشرفين فارض السيطرة وبيستخدم صلاحياته ضد المصلحة العامة اكيد هتلاقى اداريين هيحلو مشكلتك وهيوقفو المشرف عند حده يا جماعة تعالو نحل مشاكلنا عايزين نقول لا للاستسلام لا للهروب بلاش نشوف كل يوم ( انا هسيب المنتدى ) ياريت نحل مشاكلنا ومنهربش من مواجهتها ومنسيبش المنتدى لمجرد مشكلة يمكن حلها وصدقونى عمرى ما هسيب المنتدى ودمتم |
يعنى المفروض نعمله ايه
لو قلناله الباب يفوت جمل مش حل و لو قلناله معلش قعد برده مش نافع وهو فى ده او ده مضايق صراحه انا فعلا زهقت اووووووووووف |
اه فعلا في هوجه كده في المنتدي بقالها كام يوم
3\4 المواضيع اللي بدخلها بتكون لعضو هيسيب المنتدي وانا كنت منهم في يوم من الايام بس فعلا لقيت الهروب مش حل ربنا هيسألني يوم القايمه لما انا شفت سلبيات في المنتدي وكان بايدي اصلحها مصلحتهاش ليه اتمني المنتدي رجع زي اول يوم دخلته فيه تحياتي |
اقتباس:
لازم نسايسه ونحاول نحل له مشكلته لانه بيبقا فى حالة نفسية مضطربة لا داعى للزهق :D هتشوفى من دا كتير ربنا يهدينا |
اقتباس:
لازم نسايسه ونحاول نحل له مشكلته لانه بيبقا فى حالة نفسية مضطربة لا داعى للزهق :D هتشوفى من دا كتير ربنا يهدينا |
thank u good topic
|
ياريت الكل يتقبل الده فعلا ومانشفش ده كتييييير ومانشفهوش خالص
ونحول نستحمل بعض يا جماعه ربنا يهدينا جميعا شكرا ليك يا محمد علي الموضوع |
الله يسمحه بئا جمال عبد الناصر هو اول واحد فتح الباب فى الموضوع ده فى خطبة التنحى لما قال لقد قررت ان اتنحى نهائيا ورسميا عن اى دور سياسى وان انزل الى الجماهير لودى دورى كواحد منهم طبعا لا انا ولا انتا ولا اى عضو عمره هيكون عبد الناصر علشان كده اللى عايز يمشى يتفضل بالسلامة ومش هتخرج وراءه الاعضاء تطلبه بالعدول عن رأيه عالم فاضية :D |
مش معقول اللى بيحصل ده اللى عايز يمشى مش لازم يعمل الدوشة دى مع احترامى للكل ياتقول السبب يا اما تمشى من سكات مش ماشى وخلاص
|
اقتباس:
معظم اللى بيقولو هسيب المنتدى بيقولوها وهما مش عايزيين يسيبوه كل اللى محتاجينه كلمة محبة واخوة ترجع لهم الثقة فى نفسهم وزى ما بتقولى الهروب من المشكلة مش حل اكيد هتتحاسبى على كل حاجة ومن راى منكم منكرا فليغيره اتمنى انا ايضا ذلك وشكرا على المرور وبلاش تكتبى موضوع ( هترك المنتدى ) من تانى:D |
اقتباس:
|
اقتباس:
اقتباس:
ان شاء الله مش هنشوف دا تانى لازم نتحمل بعض لاننا اخوات والاخ لازم يستحمل اخوه شكرا على مرورك انا اسمى محمـــــود :D |
بص يا محمود أنا عاوز أعرفك حاجه مهمه جداااااً المنتدى مش هيقف على عصو أو إتنين أو حتى ألف ولا على مشرف ولا إدارى ولا حتى مدير المنتدى شىء مستمر كل يوم أعضاء جديد والتهارده إنت عضو بكره تبقى مشرف بعده هتبقى خارج المنتدى الدنيا هتاخدك متتوقعش من واحد الإستمرار الأبدى المشكله كلها إحنا اللى هنخسر لما عضو يمشى هنخسر صحبته وهو هيخسر بيته وأهله الثانى لكن المنتدى عمره ما هيقف لكن أنا عمرى بعد كده ما هقول لواحد إفضل لأنه لو حبنا زى ما حبناه عمره ما هيرحل إحنا هونا عليه يبقى هو كمان هيهون علينا ولو قال إننا ظلمناه يبقى جبان ومشى وهو سايب حقه لأن أكيد مش كلنا ظلمه أكيد فيه حد فينا ممكن يجبله حقه |
اقتباس:
جمال عبد الناصر انت هتقولى فتح باب التنحى والاعضاء بيحاولو انهم يسلكو نفس الطريق :D عمرنا ما هنكون عبد الناصر هو بيتنحى عن الرئاسة والزعامة احنا هنتنحى عن ايه انا معاك بعد كدا هنقوله بالسلامة وداعا للمحايلة والمدادية هنحاول نحل له مشكلته مقتنعش يبقا بالسلامة والفاضى يعمل .................... شكرا يا اسلام وبلاش تتكلم فى السياسة:D |
المنتدى ده حاجه اساسيه فى يومى لازم ادخل عليه
اكيد اى شخص هيسيب المنتدى هيخسر حجات كتير ده انا بلاقى فى المنتدى راحه بال واصحاب مش موجودين جنبنا |
| جميع الأوقات بتوقيت GMT +2. الساعة الآن 01:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.