يا جماعة ارجوكم.ممكن شرح مفصل للمعادلة
 

لو سمحتم ..
عايز حد يشرحلي كل حاجة عن المعادلة اللي ممكن عن طريقها دخول كلية الهندسة.

ايه يا جماعة محدش يعرف حاجة عنالماعهد اللي بتعمل معادلة و تدخل هندسة و تجارة الخ...
يا ريت يا جماعة اللي يعرف يقول بسرعة عشان احدد موقفي هدخل المعاهد دي و لا ادخل اي كلية و السلام..

في ناس بيقولولي اني لو دخلت معهد فني صناعي (سنتين) بعد الثانوية العامة و اجيب فيه تقدير معين و ادخل امتحان معادلة فيخرجني على تانية هندسة..
و لو دخلت معهد تجاري (سنتين) هيدخلني على تجارة بعد امتحان المعادلة...
و بيقولو ممكن افضل اعيد امتحان المعادلة لغاية ما احصل هندسة..
بس طبعا انا مش ممكن ادبس نفسي في معهد و اسيب الكليات عشان كلام مش واثق فيه عشان كده بسألكم لو حد يعرف عنها حاجة..

و متشكر جدا للناس اللي بترد على استفساراتي و اولهم hkk-happy

السلام عليكم ورحمة الله وبركاته اولا مفيش حاجة بطلع على تانية هندسة لازم يدخل اعدادى بس الاول يااخ محمد انت ثانوى عام ولا صنايع علشان اقدر افيدك

بص يامحمد انا عرفت انك علمى رياضة والثانوية العامة ماينفعش يعملو معادلة كلية الهندسة لازم تبقى صنايع لان المعادلة فكرتها انهم بيدولك الحاجات اللى اللى مخدهاش بتاع الصنايع زى الرياضة والفيزياء والميكانيكا وانجليزى بس لو جاب 50 فى الميه يدخل الكلية والحاجات دى وشكرااااااااااااااااااااااااااااااااااا ليك
بس لو انت عاوز تخش ان شاء الله كلية هندسة يبقى قدامك حاجتين ياما تدخل خاص وده مالوش لازمة او تدخل معهد فنى صناعى تجيب 86 االلى هو فوق الامتياز بدرجة تدخل اعدادى هندسة والمعهد ده مجموعه تراكمى ياعنى لو جبت فى السنتين امتياز هتدخل اللى انت عاوزه وربنا معاك يارب ويكرمك

طيب يامحمود ينفع حد من علمي علوم يدخل المعهد ده :o

مش عارف والله ياسلمى بس اكيد ينفع انا فيه اصلا وممكن اسالك لو الموضوع فى دماغك وربنا يوفقك يارب

بص هو فعلا معهد المطرية كده وانا رروحت وسألت هناك وفيه ناس اعرفهم عملوا كده فعلا ودلوقتى فى هندسة ولو داخل المعهد قوللى

للاسف انا تقريبا فرصتي راحت لأني مكتبتهوش في الرغبات اصلا.
و بعدين هو امله كبير و لا ممكن الواحد يتدبس فيه و يبقى معاه دبلوم فوق المتوسط بدل ما كان هيبقى معاه مؤهل عالي؟
يعني الامتحانات زي الثانوية العامة كده ولا ايه؟
و بعدين ان انا مكتبتهوش في الرغبات يبفى خلاص كده ولا ممكن؟
مستني الاجابة يا shimagad_91 من فضلك

لا عادى يا محمد فوكس لو ماكتبتوش فى الرغبات ممكن تحول ليه وبعد كده مفيش حاجة زى الثانوية العامة ولا اللى حصلنا فى ثانوية عامة وانت لو داخل المعهد واخدها جد من الاول و بتفكر ان دى اخر فرصة ليك هاتجيب تقدير ان شاء الله ولو عايز اى حاجة فى الموضوع ده قوللى لانى اعرف ناس كتيرة جابوا تقدير وحوللوا منه مش بس على هندسة لاوعلى فنون تطبيقية وفنون جميلة وتربية نوعية

يا جماعه انا متخرجه من معهد فنى صناعى دفعه 2008 وجايبه التقدير العام جيد جدا ممكن اعرف منكم ينفع اعمل معادله الهندسه دى ولا ايه اصل فى ناس قلولى لازم اكون جايبه جيد او مقبول بالله عليكم انقذونى هتخدوا ثواب والله على ردكم عليا مستنيه رد

واضح ان مفيش حد عنده معلومه مفيده تنفع غيره فى وقت محنته متشكره على واجب الضيافه

انتي ما تستنيش روحي اسألي في كلية الهندسة جامعة القاهرة على طول اكيد هم اللي يفيدوكي