|
ل لابد ان يكون الموضوع .......... حتي يتم تثبيته
الي الاستاذ طارق
طلبت تثبيت منهج الصف الاول الثانوي و لم تلتفت الي الطلب هل لابد و ان يكون الموضوع مكرر و اي كلام حتي يتم تثبيته |
ياريت التثبيت يامستر طارق حتى تعم الفائدة
|
برجاء التثبت فهناك موضوعات اقل اهمية وتم تثبيتها
و هذا الموضوع هام والاستاز بذل فية جهد مشكور |
و الله يا مستر طارق انا مستغرب و ياريت ترد علي سؤالي ليه اغلب الموضوعات الهامه الرائعة المفيدة لابنائنا الطلاب و خلينا صرحه للكثير من المدرسين علي المنتدي مبتتثبتش و اغلب الحجات اللي بتثبت سوري في الفظ حجات تافه عديمة الفائده و ده معناه ان مفيش حجات حلوه بتتثبت لا بصراحه فيه و لكن فيه كتير عديم الاهمية:-
اقتراح ليه حضرتك كمشرف متعملتش تصويت للمدرسين فقط علي الموضوعات الهامه لاسبوع ماضي و اكبر مواضيع يتفق عليها الساده الزملاء تثبته و لا انت شايف ان ده ممكن يقلل من مكانتك كمشرف و لازم حضرتك فقط اللي بتثبت لوحدك سيدنا محمد صلي الله عليه و سلم كان بيستشير اصحابة هل هذا كان ينزل من قدره و شكرا علي اتساع صدركم. |
اللهم لا حول و لا قوة إلا بالله
نعوذ بالله من شرور أنفسنا و من سيئات أعمالنا بداية انا لست المشرف الوحيد ثانيا انا كنت مريض طيلة العشرة أيام الماضية التي قام فيها الأستاذ حمزة جزاه الله خيرا بوضع الشروحات الجميلة لذلك لم اطلع عليها جميعا .. و كنت ادخل تقريبا نصف ساعة أو أقل كل يومين و كنت ببص بصرعة أشوف لو فيه مشاكل اقدر احلها أو خلاف بسيط بين الزملاء الفاضل ثالثا انا دخلت احد مشاركتك يا مستر حمزة و كنت شارح احد الوحدات (اعنقد الثامنة) و بتشتكي ان الملف الل رفعته ناقص صفحتين و على طول رغم مرضي عملت اتصالاتي و بحثت عن الصفحتين و بعدين حولتهم سكانر و بعدين حملتهم ليك رابعا الأستاذ الشاذلي جزاه الله خيرا بيقول ان المواضيع المثبتة تافهة و عديمة الفائدة !!! ارجو ذكر موضوع واحد من الموضوعات التافهة التي تم تثبيتها (اعتقد لفظ تافهة لا يليق و لا يصح) و صدقني لو ليا موضوعات مثبتة في لغالب مش ببقى انا اللي مثبتها أو انا بس بعد طلب الزملاء زي المنهج الجديد اللي رفعته كاملا (كتاب الطالب و التدريبات و مرشد المعلم) لو عايز اشيل التثبيت من عليها انا ماعنديش مانع. خامسا مسألة التصويت دي انا موافق عليها تماما و اعتقد اني قلت ان مش انا الوحيد اللي بثبت المواضيع أخيرا: كلمة صغيرة لحبيبي مستر محمد حمزة اعتقد لو حضرتك بعتلي في رسالة خاصة كل اللي ات عايزه ما كتش هتأخر عليك و اعتقد عندنا اجتماع بكرة الاثنين 21/7/2008 العاشرة مساء ممكن نقول فيه اللي عايزينه ارجو أكون وضحت الصورة |
عزيزي مستر طارق الاختلاف في الراي لا يفسد للود قضية
و انا اقسم بالله لم اقصد اي اهانه او تجريح و اكيد كلكم اساتذتي و حضرتك استاذ ليا و لكن انا كل اللي اقصده ان فيه موضوعات غير مثبته و لكنها افضل من موضوعات اخري مثبته و بعدين انت فهمت اني بقصد مواضيعك و انا مقولتش كده انا و الله اتكلمت عمتا علي اغلب المواضيع و بعدين المهم بقي يعني لو انا عاوز اثبت اي موضوع ليا ابعتلك علي الخاص انا شايف ان مستر حمزه معملش حاجه غلط لما طرح الموضوع علي الملأ و انا عاتب علي حضرتك في الكلمه دي ان لو كان الاستاذ حمزه بعتلك علي الخاص كنت هتعملوا اللي انت عاوزه. و اهم حاجه دلوقتي :- الف الف مليون سلامه علي حضرتك و انشاء الله تقوملينا بالسلامه. واكيد انا مبنكرش مجهود العظيم في المواضيع الجملة اللي انت جبتها و ثبتها زاي المنهج الجديد كله. و خد بالك انك مذكرتش من المواضيع المثبته غير كتاب المدرسه و الويرك بوك و كتاب المعلم. و لكن اولا و اخيرا انا لم اقصد التجريح في احد و لا اقصد تجريحك باي شكل من الاشكال و انا لو شايف ان الموضوع مينفعش يتعرض كنت بعتلك علي الخاص . و شكرا |
ألف حمدلله على سلامتك استاذنا العزيز وبارك الله فيك
|
أولا :ألف سلامة يا مستر طارق
ثانيا : بالأمانة الأخ حمزة تعب جدا ولازم يكافأ على مجهوده ثالثا : سؤال مش عارف مين اللى هيردلى عليه . ما هى المقاييس التى يتم فيها تثبيت المنواضيع هل هى قرارات عشوائية ؟. هل بتأخذ بالأقدمية ؟. أم الموضوع سمك ....لبن ..... تمر هندى رابعا: أنا لا أعتقد أن هناك متابعة من المشرفيين على المواضيع المثبتة لأن هناك بعض المواضيع التى تم تثبيها ما يقرب من سنة وصاحبها لم يدخل لمتابعة الموضوع حتى على الأقل لم يجدد الموضوع "دون ذكر إسمه". وتم حذف موضوع لم يكمل الأسبوع "دون ذكر إسم صاحبه". خامسا : مش معنى إن الموضوع مثبت أن يكون مثبت طول العمر فلابد أن يكون هناك تجديد على الأكثر لمدة شهر وليس طول السنة الدراسية ساسا : أرجو كتابة قوانين واضحة وثابتة للمواضيع المثبة علشان نكون عارفينها |
انتوا عملتوا الاجتماع بدرى ؟
الاستاذ طارق ....... حمدا لله على سلامتك
اسمح لى بالطلعة دى ...... ما دمتم مصرين على فتح الكلام اولا بدون زعل واللى يزعل يبقى يشتمنى فى صفحة خاصة كالعادة الاساتذة زعلانة علشان فى مواضيع مثبتة لا تستحق التثبيت....... وحضرتك قلت ان مش لوحدك اللى بتثبت مين تانى اللى بيثبت وهم فين المنتديات الترفيهية افضل مننا بكتير ... عندهم حق تغيير المشرفين عند التقصير اما التعليمية لا ... حكومية وبعدين بدون زعل الاستاذ حمزة طلب التثبيت لموضوعه وموضوعه لا يستحق التثبيت ...... فيه زعل ؟ مش ده كوكتيل يا استاذ حمزة ولا انا مش واخد بالى ..... يعنى مش كله شغل خاص بك وكمان فيه وحدات متكروتة وفيها استعجال ........ يعنى لا يستحق التثبيت غير كده الموضوعات المتثبتة فى اولى ثانوى عايزة تعديل بس سهلة ان شاء الله على اعتبار ان الفترة اللى فاتت كانت الاساتذة تتبادل الاعمال ...... يعنى محدش كان ناوى يفيد الطلبة ! واوعى حد يقوللى انه كان ناوى يفيد الطلبة ..... هما فين الطلبة؟ ده لسه فيه طلبة مش عارفة هما داخلين ثانوية ولا لا . وبلاش اكمل علشان لو كملت ناس كتيرة هتزعل وقسم انجليزى ميقدرش يزعل حد غيرى ؟ يا راجل هو فيه كده ؟ كان نفسى اكمل بس للاسف مفيش حرية رأى ..... |
اساذ بدوي
نظرة ثانيه علي الموضوع تجد انها غير مكروته و مبذول فيها جهد خارق و المصادر موجودة و ممكن حضرتك ترجع لها و هي اكثر من مصدر انصح حضرتك بال .............................. |
دة رد الاستاذ بدوي بعد ان طلبت التثبيت
اقتباس:
و دة رده فا اثناء طلب التثبيت عايز اقول رائع عايز اقول ممتاز عايز اقول ان المجهود حلو جدا وجزاك الله خيرا بس برده عايز اعرف ايه حكاية القصة دى The boy and the wolf اصل حضرتك تهمنى بصراحة واحنا فى قصة واحدة اللى هيه المنتدى |
يا أستاذ حمزة و أستاذ بدوي
ارجو ان نتعامل دائما بالحكمة و لموعظة الحسنة و نبتعد عن كل ما يجعل الشيطان ينزغ بيننا يا أستاذ بدوي شكلي كده هاعاقبك لأن الموضوع كان اتهام لي (بس طبعا بشكل مهذب) ايه اللي دخلك في الموضوع.. هنضطر نطرد ع السلم و نقفل الباب و مش هنفتحلك. (شفت باعرف اهزر زيك ازاي) ربنا يبارك لكم جميعا |
عزيزنا و مرشدنا الاستاذ طارق
ألف حمد الله علي السلامة أولا اتمني من سيادتكم السماح لي بالمشاركة بالرأي في هذا الموضوع يا أستاذ بدوي و معلش خليك معانا يا استاذ طارق لقد قام مستر حمزة بتجميع اعمال المدرسيين معا حتي يتم الافادة للجميع و أكيد ده استغرق منه وقت طويل جدا فاذا ارادنا التثبيت ممكن نكتب من باقة من أعمال نخبة من المدرسيين و إضافة شكر للاستاذ حمزة علي مجهوده الرائع و ايضا دوره الفعال في منتدي الصف الاول الثانوي و يا عم بدوي حلمك علينا (لا مؤاخذة يا استاذ حمزة اصل احنا واخدين علي بعض شوية) أما انت بقي يا استاذ حمزة اصلك ما تعرفش مستر بدوي كويس ده المشاكس بتعنا و دمه زي العسل يعني مابيتزعلش منه هو كان قصده بس يشاكسك و كمان فيه حاجة تانية هو يقصدها (الشغل لما يكون بنظام ثابت بيبقي اوضح و مفهوم اكثر مش تقليل من العمل و لا حاجة و خلي بالك ان اللي بيهاجمك ده اكبر ســــــــــــــارق و اكيد حيسرق الشغل و يسمية(بطلوا سرقة الجزء الثالث ههههههههههههه) و اخيرا (منتدي اللغة الانجليزية روحة حلوة بالنخبة اللي فيه -----يا ريت نحافظ علي بعض) |
يعنى ايه يا استاذ طارق ؟
اقتباس:
و هوه حضرتك لسه هتعرفنى النهاردة ؟ وبعدين مفيش بينى وبين استاذ حمزة اى خلاف وعلى فكرة هوه كان متضايق اصلا قبل ما اكتب اى حاجة مش شايف رأس الموضوع ....... ماشى يا حمزة ..... انا اللى دفعت المشاريب ... ماشى يا عم |
الي الاخوه الاعزاء هتفرحوا فيكم المنتديات الاخري عيب كده
|
| جميع الأوقات بتوقيت GMT +2. الساعة الآن 04:55 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.