|
رئاسة مصر الان
رئاسة مصر الان حمل كبير ياريت الاخوان تقول بالفم المليان اللى عايز يشيل يشيل دا لو مصلحة البلد كانت فى البال و الحسبان انما للاسف انكشفوا قدام الشعب وحكموا على نفسهم بالاعدام وأصبحوا فى خبر كان ومعدش عندهم الا الشباب بيصدروهم فى كل مكان انما اسود رابعة رجعوا تانى اللومان الكل لازم يفهم أن الرئيس مش منصب والسلام ولو حتى كان جاى بالانتخاب الرئيس اللى بجد اللى يقدر يطلع البلد لقدام والشعب معدش يصبر على حد ودا نهاية الكلام مش رئيس عايش فى الوهم والاحلام وقال بيقف على كتفه الحمام وقال بيصلى بالرسول امام رئيس استبن وجوده كان زى عدمه ويمكن عدمه احسن كمان وعيب على مصر ان يحكمها رقم 6 فى جماعة الاخوان وكلمة اخيرة للرئيس اللى جاى لازم يعرف ان الشعب خلاص عرف السكة وممكن فى لحظة يحصله نفس اللى حصل لمرسى وللاخوان الايام دول والشعب معدش طيب ولا غلبان راح زمن مبارك مع مبارك ودلوقتى احنا فى عصر الغليان ولازم يعرف ان البلد مش بتاعت حد والثورة طوفان الشاعر عبد الحميد بدوى |
اقتباس:
سلمت يداك تحياتي |
| جميع الأوقات بتوقيت GMT +2. الساعة الآن 03:21 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.