بوابة الثانوية العامة المصرية

يا استاذ اذا كنت فعلا محتاجها اشترى الكتاب .. لإن فوق كل ده إنك تاخدها من النت ببلاش و هى بتتباع - مع الكتاب - بفلوس فده شىء ضد الملكية الفكرية .. إذا كنت عايز نصيحتى متقبلوش على نفسك ، للأسف حقوق الطبع و النشر و موضوع الملكية الفكرية ده شىء ثقافته غير منتشره عندنا كعرب ، ببساطه اعتبر للحظه إن حضرتك مؤلف و امبارح تم نشر كتابك فى الأسواق بسعر 5 جنيه ، أنا جيت اشتريت الكتاب ، و بطريقة ما - و لتكن الScanner مثلا - نسخت الكتاب عىل الكمبيوتر و نشرته على النت .. ايه اللى حيحص ، معظم اللى عايز كتابك حينزله بالمجان من على النت مش حيشتريه ، يعنى لا قدر الله خراب بيوت. افرض إن 20 بس هما اللى نزلوا الكتاب من على النت ، شوف أنا ساعتها خسرتك فلوس أد اي - 20 ×5 = 100 جنيه .

و قيس الأمر ده على كل شىء منسوخ من غير حق ، من غير سماح من المؤلف نفسه - زى أى برنامج كمبيوتر ب(ك)راك أو س(ي)ريال أو أى شىء زى كده.

باختصار اللى عايز أقوله لحضرتك مفيش حد ابدا يرضى بخسارة زى دى على نفسه ، ليه ترضيها لغيرك؟