|
مش لاحق اذاكر
الموضوع دة قريته وحبيت انقله ليكم هو لطالب هندسه فطبعا هو ممكن يكو نمطبقه بطريقه مختلفه بس اتمنى تستفادو من مضمونه
أنا مش لاحق أذاكر شكلى هسقط السنة دى ده الكلام اللى هيتقال قريب أو اتقال بالفعل من ناس كتير مننا المهم التوبيك ده هيتكلم عن فن الأنجاز وازاى نجيب من الاخر ونحافظ على تقديرنا أو ننجح صافى حتى لو ما ذاكرناش حاجة حتى الان سامع واحد بيقوللى مش كنت تقول الكلام الحلو من أول السنة http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif أقولكم لأ عشان ما أعلمش الناس الفشل من اول السنة بس دلوقتى أحنا فى مرحلة اللى حصل حصل وعايزين ندرك ما يمكن أدراكه http://www.eg123.com/forum/images/smilies/smile.gif http://www.eg123.com/forum/images/smilies/smile.gif أنا بس عاوز تبقى هادى بس حامى يعنى ايه أحنا هنطبخ http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif لأ مش كده أنا باتلكم بجد عاوزك هاادى عشان تفكر بهدوء وحكمة وتعرف تدير الأزمة اللى أنت فيها دى بحكمة وعقل مش عاطفة ازاى برضه يعنى تركز كده وتقعد مع نفسك بمنتهى الهدوء ومعاك ورقة وقلم و تفكر ازاى تحل الأزمة دى من غير ما تولول زى اللى مات لها حد http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif طب اعملها ازاى اسأل نفسك هو الهدوء والعصبية هتعمل لك حاجة http://www.eg123.com/forum/images/smilies/confused.gif مثلا لو اتعصبت واترفزت هيلاقونى كده فينجحونى خلاص يبقى لازم تهدا وتفكر بالمنطق أصل العصبية والتوتر بيلغى العقل وبيقلبها عواطف وامينة رزق والكلام ده http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif واعرف ان مجرد لغيت عقلك يبقى خلاص راحت عليك صدقنى http://www.eg123.com/forum/images/smilies/smile.gif http://www.eg123.com/forum/images/smilies/smile.gif http://www.eg123.com/forum/images/smilies/smile.gif طب وحامى حامى يعنى دمك حار وسخن كده ومستعد تعمل أى حاجة عشان ما تسقطش بس ما تغشش طبعاً http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif يعنى مش ميت كده و..طيب و...حاضر وان شاء الله هابقى اعمل ولما ربنا يسهل لأ قوم اتحرك دلوقتى خد خطوة مستنى ايه ايوه حالاً ما حدش ضامن ايه اللى ممكن يجرا طب اعملها ازاى سخن نفسك ازاى قول لنفسك أنتى مستنية ايه انى اسقط ! لااا لو على موتى يا نهار ابيض اضيع سنة من عمرى عشان شهر مش راضى اذاكره يعنى مش عايز اذاكر شهر دلوقتى فعشان كده قررت اقعد السنة الجاية كلها اذاكرها لأ ناصح يا واد بجد http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif والسنة الجاية قول نفس الكلام وخليك قاعد على طول اقولك قضى حياتك فى الكلية وما تتتخرجش منها ايه التفكير اليائس السلبى ده أنت عارف تسقط يعنى ايه http://www.eg123.com/forum/images/smilies/g.gif أدام ربنا لما تقصر فى طلب العلم اللى هو فرض عليك ويسألك أنت ليه ما نفعتش بعلمك المسلمين ساعتها هتقوله كنت باسقط أدام نفسك هتلوم نفسك طول عمرك وهتتكسر كسرة ممكن تدمر حياتك بعد كده أدام أبوك وأمك ياااه يا خسارة تعبنا فى تربيتك واملنا فيك يا ابنى والفلوس اللى اتصرفت عليك أنت دايما كاسر نفسنا كده ومخيب ظننا فيك والله يبقى اخس عليك اخس أدام أخواتك الصغيرين ده فلان ده بالنسبة لنا قدوتنا والأخ الكبير اللى كلنا نفسنا نبقى زيه المهندس فلان ....الساقط أدام صحابك كلهم فرحانين بنتيجتهم وأنت مكسوف بتدارى منهم مش عارف تقول لهم ايه صحابك هيسبقوك بسنة وانت لسه فى مكانك يا كسوفك من نفسك يا اخى ادام قريبك وجيرانك ايه ده فلان سقط يا خسارة ليه كده وأحنا كنا بنتباهى بالمهندس فلان وبنحبه كلنا ليه كده هو حصل له ايه وأنت برر بقى يا حلو http://www.eg123.com/forum/images/smilies/rolleyes.gif http://www.eg123.com/forum/images/smilies/rolleyes.gif فى شهادتك كل ما تقدم فى شركة كويسة عشان تشتغل ولا حاجة تلاقى وصمة عار كده اسمها دبلر سنة ولا دور تانى وصمة عار فى حقك هتفضل تندم عليها طول عمرك هو انا باعمل ايه أنا بفوقك وبحسسك بالخطر اللى أنت فيه عشان تنتفض وتنفض عن الكسل واللا مبالاة ديه على فكرة فى ناس ولا فارق معاها كل الكلام ده ولا يمثلها أى شئ ساعتها أقوله أنت خسارة تعيش بجد روح موت أحسن لك ايه ده مش ممكن ده يبقى انسان مات أصلاً والمفروض نصلى عليه صلاة الجنازة |
طيب نكمل الأول تعالوا نرسى حبة حاجات مهمة جداً جداً 1-لا لليأس اياك وحذارى واوعى تيأس يا عم دى ضلمت أوى برضه ما تيأسش أنا مش ملاحق أذاكر القديم ولا الجديد برضه مش هيأس وصاحبك يقولك يا عم فكك خربانة خربانة لأ على جثتى لو حسيبتها بالعقل هتلاقيها مستحيلة مش هحسبها بالعقل ولا اقولك هاتحدى المستحيل تعرف تبقى كده بالروح دى بالعزيمة دى والهمة دى لو مش بتعرف اتعلم بلاش تدى نفسك سكة للتراجع لأن نفسك هتستسهل وتكبر وعمرها ما هتاخد الطريق الصعب طريق الرجالة اللى ما بييأسوش فى أحلك الظروف نابليون قال أنا لا اعترف بكلمة مستحيل فى قاموس اللغة تعرف تقولها زيه كده وبفونت كبير كده ما فيش مستحيل ثم تيأس ليه وربنا موجود إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ }يوسف87 مش ربنا ده اللى بأيده كل حاجة بايده يخليك اول دفعتك كمان مش مجرد تنجح بقوله كُن فَيَكُونُ }البقرة117 يبقى تيأس ليه كان فى كلمة جميلة أوى حد من الأعضاء كان بيكتبها فى توقيعه بتقول اذا ضاقت بك الدنيا فلا تقل: يارب عندي هم كبير .... ولكن قل: ياهم لي رب كبير يبقى تدعى الملك وتاخد بالاسباب وتتوكل عليه وما لكش دعوة بالباقى مش هو اللى قال {فَسُبْحَانَ الَّذِي بِيَدِهِ مَلَكُوتُ كُلِّ شَيْءٍ وَإِلَيْهِ تُرْجَعُونَ }يس83 وقال ايضاً ومَن يَتَوَكَّلْ عَلَى اللَّهِ فَهُوَ حَسْبُهُ حسبه يعنى يكفيه يعنى اعمل اللى عليك وسيب الباقى عليه ثم فى نقطة كمان كان واحد صاحبى دايما يقولهالى الانسان منذ بدأ التوبة فهو ليه فرصته كاملة يعنى أنا يا رب كنت مقصر جداً بس دلوقتى أن تبت خلاص ليك فرصتك من الأول تانى مهما كنت مقصر وبعيد ايوه مهما كنت مقصر وبعيد ثم نقطة كمان ربنا بيحاسب على العمل مش النتائج مثال سيدنا نوح دعا قومه 950 سنة وأصح الروايات بتقول ان عدد من اسلم معه 13 http://www.eg123.com/forum/images/smilies/confused.gif http://www.eg123.com/forum/images/smilies/confused.gif اه تخيلوا كل 80 سنة بيسلم واحد هل ربنا هيسأل سيدنا نوح ليه الناس دى ما اسلمتش هاه http://www.eg123.com/forum/images/smilies/g.gif لأ النتائج دى بتاعت ربنا بس ربنا هيحاسبه انت بلّغتهم ولا لأ مش هم استجابوا ولا لأ حد فاهم حاجة http://www.eg123.com/forum/images/smilies/g.gif http://www.eg123.com/forum/images/smilies/g.gif أنت كطالب ربنا هيسألك أنت ليه قصرت وما ذاكرتش مش هيسألك على النتائج عشان كده لما حد من صحابى كان يقوللى أنا نزلت مثلا او.. أو... أول حاجة كنت اسألهاله هل أنت قصرت ؟؟؟؟؟ فلو قالى لأ بقوله خلاص ما دام عملت اللى عليك ادام ربنا وثق إِنَّا لَا نُضِيعُ أَجْرَ مَنْ أَحْسَنَ عَمَلاً }الكهف30 ده للمصممين ييئسوا بعد كل ده http://www.eg123.com/forum/images/smilies/frown.gif http://www.eg123.com/forum/images/smilies/frown.gif لأ ما فيش فايدة كده كده لازم أشيل المادة الفلانية لأنها ميتة ميتة منى طب خلاص ما دام لا مفر منها انجح فى الباقى عشان تخفف الحمل عليك مش تسقط سنة كاملة طب لو سقطت سنة كاملة ؟؟ حاول تقلل عدد المواد اللى هتشيلها عشان تبقى الدراسة خفيفة وتقوى نفسك فى كورسات الانجليزى والكومبيوتر ويبقى كده السنة اللى انت نزلتها استفدت منها وما ضاعتش منك فاهمنى |
تانى حاجة لازم تعرفها وتحطها فى بالك 2-أنت غير أى حدّ بمعنى أنك قصرت واتدلعت وعشان كده اتاخرت فى مذاكرتك صح http://www.eg123.com/forum/images/smilies/rolleyes.gif معلش يبقى تستحمل وتبقى راجل استحمل ايه تستحمل قلة النوم والسهر والمجهود الرهيب اللى لازم تبذله فى مذاكرتك عشان تعوض اللى فاتك يووه وأنا ايه اللى يجبرنى على كده من غير خوتة ولا وجع دماغ أنت اللى غلطت ولازم تتحمل نتيجة غلطك مش حد تانى ثم معلش واستحملنى شوية يعنى انت قصرت وقلنا ماشى فى فرصة تانية كمان عاوز تقصر فيها ايه ده يعنى ازاى تحقق هدفك من غير ما تتعب ايه ما كانش حد غلب وكان كله نام فى بيته وحقق اهدافه يقول تعالى {أَمْ لِلْإِنسَانِ مَا تَمَنَّى }النجم24 معايا ولا ايه http://www.eg123.com/forum/images/smilies/rolleyes.gif http://www.eg123.com/forum/images/smilies/rolleyes.gif ما تزعلش أما اشد فى الكلام الانسان ساعات بيحتاج حد يفوقه بس أنا باقولك كده عشان ما تكسلش وتدلع لما تلاقى ناس من اللى بيذاكروا من أول السنة مريحين وانت بتذاكر أكتر منهم طبيعى أنت عندك خلل فلازم تعوضه كما قال الشاعر دع عنك عزمى يا من كان يعدلنى...لو كنت تعلم ما بى كنت تعذرنى موقف معبر قال رجل للتابعى الجليل الفضيل بن عياض عظنى فقال الفضيل كم عمرك قال 60 سنة قال الفضيل منذ ستين سنة وأنت تسير إلى الله يوشك أن تصل فتأثر الرجل وقال إنا لله وإنا اليه راجعون قال الفضيل أتدرى ما معناها قال نعم إننا سنرجع لربنا قال الفضيل ومن علم انه لله راجع علم انه بين يدى الله موقوف ومن علم انه موقوف علم أنه مسؤول ومن علم انه مسؤول فليعد لكل سؤال جواب فقال الرجل لا اله الا الله وما العمل قال الفضيل وده اللى أنا عاوز اخده من الموقف أصلح فيما بقى يغفر لك ما قد مضى وإن اسأت فيما بقى أُخذت بما مضى وما بقى هاه شايف اخر جملة دى بروزها فى مخك ورددها لحد ما تحفظها وهى دى اللى عاوز اقولهالك فى المذاكرة برضه طيب المفروض كده انت استعديت لأنك تبذل اقصى جهدك ومن غير يأس ومهما كانت الظروف والمعوقات البوست الجاى مهم جدا جدا فابقوا معنا |
أنا عملت ده فى بوست لوحده عشان ده مهم جداً جداً 3-وقتك من ذهب أحنا اتفقنا أن أنت غير أى حد وبالتالى وقتك غير وقت أى حدّ بمعنى خليك بخيل بوقتك لأقصى درجة ممكنة يعنى ما فيش تضييع وقت ما فيش قعدات رجالة لأ خلاص أنت مش فاضى ولا تليفزيون ولا نت إلا بمواعيد معينة تحطها لنفسك يا أخى خليك مشغول فى حاجة مهمة ولو مرة فى حياتك هاتعيش برنس كده طول عمرك http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif خلى شعارك زيى النبى صلى الله عليه وسلم لما أُمر بالدعوة وقالت له السيدة خديجة يا رسول الله أفلا تنام فقال لها مضى زمن النوم يا خديجة تعرف تبقى بالهمة دى كده طيب نتكلم عن حبة نصايح جميلة أوى تفيدك فى موضوع تنظيم الوقت أولاً إذا لم تكن لك خطة واضحة كنت جزء من خطط الاخرين حد فاهم حاجة http://www.eg123.com/forum/images/smilies/rolleyes.gif http://www.eg123.com/forum/images/smilies/rolleyes.gif يعنى ببساطة كده لو أنت مش مخطط ليومك ازاى يمشى وحاطط لكل حاجة وقتها هتلاقى وقتك بيتسرق منك واحد خدك فى مشوار ما أنتاش عارف ليه http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif رغم انك مش فاضى أو واحد فاضى مش وراه حاجة خرجّك معاه وضيع وقتك وأنت مزنوق أصلا من الاخر هتبقى زبون جامد أوى http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif أى حد عاوزك فى أى وقت وأى حاجة هيلاقيك فاضى لأنك مش مخطط ليومك أوعى حد يفهم من كده أنك ما تساعدش حد وخليك أنانى لأ مش ده قصدى اخدم وساعد الناس وكل حاجة بس تكون حاطط ده فى جدولك وعندك أولويات وعارف أنت بتعمل ايه مش سايب الأمور تمشى بظروفها كده يعنى واحد صاحبى فى تجارة مثلا عاوزنى اخرج معاه وانا هسقط السنة يبقى طبعا اعتذر له واروح ذاكر وابقوا اشبعوا من بعض فى الاجازة ثانياً استغل الأوقات البينية لو بصيت على يومك هتلاقى ضايع منه جزأ كبير أوى فى حاجات مالهاش لزمة زيى ساعتين مواصلات ومش عارف ساعة قاعد مستنى الغدا وساعة قاعد ما باعملش حاجة ونصف ساعة رغى فى التليفون وساعة مع صحابى بعد الصلاة واقفين بنحكى أو قاعد فاضى لأن محاضرة اتلغت كل الأوقات دى لو جمعتها واستغليتها صح هتلاقى عمر جديد اتضاف لعمرك تنجز فيه حاجات كتير طب استغل الأوقات دى ازاى خد معاك محاضرات من المتأخر عليك اقرأها فى المواصلات مثلاً عارف مش مذاكرة بس قراءة كده بتركيز عشان تدخلك فى الموضوع ولما تروح تعرف تذاكرها أسهل كتير أو ممكن تستغل محاضرة فاضية أو فى البريك حد يشرح لك اللى فايتك أو تسأل معيد وهكذا تذكر أنت مش زيى أى حدّ ووقتك ضيق جداً فلازم تتصرف وتخلق لنفسك وقت تذاكر فيه زيادة عن الناس كلها واحد بيقوللى ده مستحيل أنا كده هحس أنى عامل زيى الماكينة أولا أنت اللى جيبته لنفسك فما تعترضش واشتغل من سكات ثانيا لو استغليت وقتك كويس هتلاقى وقت ترفه عن نفسك وتعمل اللى نفسك فيه رغم كونك مزنوق بس أنت جرب ثالثاً غيرك عرف وانت مش أقل منهم هاحكيلكم عن واحد صاحبى كان معقدنى فى موضوع الوقت ده ده واحد اتخرج من قسم اتصالات من سنتين كده اسمه أحمد الشوربجى الراجل ده كان مندوب دفعة 3 اتصالات ومن المواقف الطريفة أن الدفعة اختارته الطالب المثالى والعميد سمير شاهين كان بيكرمه عشان هو الطالب المثالى وفى نفس الوقت كان حارمه من دخول امتحان عشان تيار اسلامى وكده يعنى بيكرمه مرة وبيعاقبه مرة http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif المهم أحمد ده كان مشكلة بكل المقاييس ليه 1 كان طالب فى اتصالات قسم المذاكرة واتخرج جيد جداً مع مرتبة الشرف رغم كونه 2 شايل شغل فى أسرة المنار للصبح وكل يوم كان يروح بالليل من الكلية 3 كان أصلا مش حابب يخش هندسة لانه بيحب التجارة فكان عامل مشاريع وهو طالب ومنهم مشروع مزرعة فراخ وخسر جامد لما حصل موضوع انفلونزا الطيور خسر فيه فى حدود 18000 جنيه 4 ده غير انه كان مندوب دفعته أنا كنت باتعقد منه واقوله يا أحمد مش لاقى وقت فيقوللى استغل الاوقات البينية ويقوللى مثلا أنه هو قرب يختم سلسلة كتب فى ظلال القران اللى هم قرب 4000 صفحة ما بين الاذان والاقامة يوميا بيقرأ حبة من الكتاب http://www.eg123.com/forum/images/smilies/eek.gif http://www.eg123.com/forum/images/smilies/eek.gif وكان يتفق مع ناس على مواعيد الساعة مثلا 3:23 بالدقايق http://www.eg123.com/forum/images/smilies/eek.gif http://www.eg123.com/forum/images/smilies/eek.gif لأ والأدهى من كده اصبروا بس يقوللى استغل وقت المواصلات واقرأ الورد القرآنى بتاعك فى المواصلات اقوله لأ ده مستحيل لأنى ببقى تعبان ومش مركز ثم ببقى واقف وزحمة وحر وقرف تخيلوا قاللى ايه قاللى بتبقى واقف كده ورافع ايدك لفوق وماسك فى حاجة فى المواصلات صح قلتله اه قاللى خلاص شدّ جسمك وأنت واقف ومرن عضلاتك وبكده تبقى عملت الورد الرياضى بتاع يومك أنا ذهلت وبصيت له كده وقلتله أنت أكيد بتهزر صح لأ لأ باتكلم جدّ http://www.eg123.com/forum/images/smilies/eek.gif http://www.eg123.com/forum/images/smilies/eek.gif http://www.eg123.com/forum/images/smilies/eek.gif والله حسسنى أنى ولا حاجة فعلاً هو مش حسسنى ده هى دى الحقيقة اهدى بس أنا مش باقولك ابقى زيه بس حاول تبقى بعض منه على قد ما تقدر |
ونكمل حاجة تانية فى موضوع الوقت إن العمل يتمدد ليشمل الوقت المتاح له يعنى لو قعدت تنجز حاجة معينة من غير ما تحط سقف هاتخلص امتى ممكن تلاقى نفسك قعدت فيه اليوم كله فدايما اى نشاط هاتعمله سواء مذاكرة او مشوار او او اسأل نفسك دايما امتى هتخلص حاجة كمان رتب اولوياتك اهو الوقت الحرج ده تلجأ فيه لربنا وتذاكر بس ووقف كل حاجة تانية و لو هاتعمل حاجة غير دول خليك فاكر ان دول اولوياتك دايما تأكد قبل ما تعمل اى عمل من 3 حاجات 1-انه خاص بيك وما ينفعش يعمله غيرك 2-انه مهم بالنسبة لك 3-هل انت بتعمله بأقصى كفاءة ممكنة ولا لأ ليه ده أصل الواحد ساعات يفضل يعمل الحاجة وبعد كده يكتشف أن كان ممكن غيره يعملها أو انها مش مهمة وتضييع منك وقت كتير تعالوا ننقل لنقطة تانية البوست الجاى |
طيب كده المفروض انك نفسياً مستعد وأدرت يومك كويس من ناحية الوقت محتاج تظبط النوم بقى ياه النوم ده حكايته معايا حكاية زمان كنت فاكر أن النوم ده سلطان لو جه ما يتقاومش لازم أنام لكن بفضل الله ثم صحبة صالحة قدروا يكسروا ويزعزوا الاعتقاد ده عندى أقولهم يا جماعة مش قادر لازم أنام يقولولى عارفين بس ما فيش نوم إن شاء الله اجى أنام على نفسى وأنا قاعد ألاقى اللى بيصحينى وبيقولى أقف عشان ما تنامش كنت انام و أنا واقف http://www.eg123.com/forum/images/smilies/biggrin.gifhttp://www.eg123.com/forum/images/smilies/biggrin.gifa أعمل ايه مش قادر http://www.eg123.com/forum/images/smilies/biggrin.gif فيصحونى برضه المهم فضلت فى العذاب ده بتاع تلات أيام كل يوم أنام ساعتين وفى أجازة لحد أما اتخنقت http://www.eg123.com/forum/images/smilies/frown.gif مش ممكن ده عذاب كده ده أنا فى الدراسة ما عملتهاش http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gifa بس سبحان الله ما قدّرتش اللى اتعمل معايا ده إلا بعدها لما لقيت نفسى باقدر أجاهد نفسى فى النوم واتحكم فيه كمان وانام وقت ما احب وأصحى وقت ما أحب وأنام ربع ساعة وأقوم أتاريهم كانوا بيربونى اتحكم فى نفسى فى موضوع النوم فعلا بادعيلهم صحابى دول ربنا يكرمهم واكتشفت حاجة حلوة أوى أن النوم ده عامل زيى الصيام فى رمضان ازاى وأنت صايم بتلاقى يجيى عليك وقت الذروة ال Peak وميت من الجوع تلاقى نفسك بعدها بنصف ساعة شبعت تانى ايه اللى حصل جسمك بيتعامل بيحرق دهون من عندك عشان تشبع وكذلك النوم بعد فترة الذروة بنصف ساعة بتفوق تانى وتقدر تتعامل تانى جدعنتك أنك تثبت وقت الذروة وما تقعش أو تروح تغسل وشك وهكذا طب انت بتحكى لنا ده ليه عشان اقولكم أن ما فيش مستحيل وأن كل حاجة فى حياتك تقدر تتحكم فيها ان شاء الله حتى النوم طب ازاى اغلب النوم لازم يكون عندك دافع يخليك تقاوم النوم عشانه مش تقاوم النوم لمجرد المقاومة http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gifa يعنى وراك حاجات كتير ومش لاحق ليلة ميدتيرم مثلاً http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gifa وهكذا.....بس لازم تحط دافع قوى عشان مجاهدة النوم صعبة وعاوزة رجالة طب أنام كام ساعة والله لو حاولت توازن بين الحاجات اللى بنقول عليها دى مش هتلاقى وقت تنام أصلاً بس هاتعمل ايه لازم تنام طبعاً بيقولوا الطبيعى من 6-8 ساعات يومياً وأصحاب الهمم 4 ساعات بس زيى مين تيودور هرتزل اول يهودى سعى لتأسيس دولة اسرائيل كان بينام اربع ساعات بس وفيما غير ذلك عمل دؤوب لأقامة الدولة العبرية وتوماس اديسون المخترع الأمريكى الشهير برضه 3-4 ساعات سيدنا النبى صلى الله عليه وسلم لما أشفقت عليه السيدة خديجة وقالت له أفلا تنام يا رسول الله قال لها مضى زمن النوم يا خديجة سيدنا عُمر كان يقول متى أنام إن نمت بالليل أضعت حق ربى وإن نمت بالنهار أضعت حق الرعية هاه يا مسلم يا تقتدى بنبيك يا تغير من أهل الكفر وهمتهم العالية |
النووووووووووووووووووووووم فى قاعدة لذيذة فى موضوع النوم بتقول لو نمت زيادة عن المعدل الطبيعى بتاعك بتبدأ تعدّ من جديد أزاى يعنى يعنى لو أنت بتنام كل يوم 6 ساعات وجيت فى مرة ونمت 6 ساعات ونصف هتقوم مهمد وجسمك مكسر كأنك نمت نصف ساعة بس اللى بينى وبينك أنك تجرب وتشوف http://www.eg123.com/forum/images/smilies/wink.gif http://www.eg123.com/forum/images/smilies/wink.gif موقف طريف واحد صاحبى بيقوللى فى مرة أنه نام 16 ساعة متواصلة فأنا صُعقت وقولتله نعم ازاى قالى أنا هافهمك النظرية أصلى لما بنام كتير باتعب من كتر النوم فبحتاج أريح فبنام تانى http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gifa حد فهم حاجة هو ده اللى اقصده رغم أنه كان بيهذر بس بيتكلم صح طب ازاى اعود نفسى أنام قليل شوف أنت بتنام كام وتصحى بعدها فايق أو بمعنى تانى بتحتاج كام ساعة نوم وبعدها جسمك بيقوم لوحده من غير مجاهدة منك بس نقول 8 ساعات خلاص تعالى تانى يوم ونام 7 ساعات ونصف واقعد عليها 3 أيام اه هتبقى مصدع فى الأول ومش قادر بس طبيعى http://www.eg123.com/forum/images/smilies/smile.gif http://www.eg123.com/forum/images/smilies/smile.gif التغيير مش سهل محتاج تضحية ورجولة بس مجرد تتعود على كده حاول تجيب سبعة وهكذا لحد ما توصل لرينج من 4-6 ساعات ممتازين جدا بس أنتا هاتهم صدقونى الواجبات أكتر بكتير من الأوقات عشان كده كتر النوم تضييع وقت والله وتهميد للجسم |
فن الانجاز http://www.eg123.com/forum/images/smilies/wink.gif http://www.eg123.com/forum/images/smilies/rolleyes.gif http://www.eg123.com/forum/images/smilies/wink.gif الأول لازم تعرف راسك من رجليك يعنى تكتب كل المواد فى ورقة كده وتحت كل مادة فاضلك فيها ايه ما اتذاكرش من القديم وانسى الجديد اللى لسه هيتاخد خالص عشان لو فكرت فيه دلوقتى هتتعب وهتتعقد ومش هتلاحق واعمل ورقة تانية فيها الجديد اللى هتاخده وأنت مش هتذاكره دلوقتى خالص عشان تبقى ماشى بنظام وعارف أنت مذاكر ايه وسايب ايه ثانياً ابدأ وزع المواد على الوقت اللى فاضلك بالاسابيع يعنى مثلا قول الاسبوع ده هاكون انجزت فى مواد كذا وكذا وكذا هنا يجى سؤال امشى مادة مادة ولا أنوّع ؟؟؟ أنا من رأيى تنوع عشان حتة الملل ثم لأن ساعات دماغك بتقفل من مادة فيها حفظ مثلاً فساعتها الأحسن ليك تنقل على مادة فيها حل وتفكير ورياضة مثلاً أو العكس المهم لو ما نوعتش هتوصل للملل وبالتالى معدل انجازك هيبقى بطئ وبكده مش هتلحق تخلص وأنت محتاج كل ثانية http://www.eg123.com/forum/images/smilies/rolleyes.gif http://www.eg123.com/forum/images/smilies/rolleyes.gif طيب اثبّت اللى مذاكره قبل كده من المادة بالمراجعة ولا اخد الجديد اللى ما ذاكرتهوش أولى ؟؟؟؟ لأ طبعاً ابدأ بالجديد اللى خدته وما ذاكرتوش لكذا سبب 1- لو اتزنقت ودخل الامتحان القديم ممكن تراجعه بمجرد النظر لومذاكره كويس وناسيه ولو مذاكره بس مش كويس هتنجز فيه بعكس الجديد اللى محتاج مجهود كبير عشان تقدر تذاكره لأول مرة 2- لأن أنت بتبدأ سخن فابدأ بالتقيل عشان لو بدأت بالسهل اللى انت مذاكره قبل كده هتهمد ولما تيجى للجديد اللى هو اتقل هتكسل 3-لأنك ممكن تتزنق وما تلحقش تذاكر الجديد وثبتت مذاكرتك للقديم كويس ودخلت قفلت القديم فى الامتحان والجديد ما حطيتش فيه قلم طبعا الدكتور عمره ما هيديك على حلك للجزأ اللى ذاكرته أكتر من الدرجة المخصصة للجزأ اللى انت حليته وبكده ممكن تسقط رغم كونك متمكن جداً من الجزأ اللى أنت ذاكرته كويس ساعتها اقولك يا فرحتى http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif 4-لو اتزنقت وما لحقتش تخلص الجديد ودخلت الامتحان من غير ما تذاكر حاجات هتتوتر جدا فى الامتحان وممكن تبوظ الدنيا كلها أنما لو اتزنقت مع القديم ممكن تقرأه بس وتلخص القوانين وتنجز 5-ممكن لو أنت فقرى شويةhttp://www.eg123.com/forum/images/smilies/biggrin.gif ييجى الجزأ اللى أنت ذاكرته صعب جداً وما تعرفش تحط فيه قلم والجزأ الجديد اللى انت اتزنقت وما لحقتش تخلصه سهل وساعتها يا حلو هتتظبط http://www.eg123.com/forum/images/smilies/biggrin.gif http://www.eg123.com/forum/images/smilies/biggrin.gif الخلاصة نظم اللى وراك ونوّع وانت بتذاكر وابدأ بالجديد اللى أول مرة تذاكره كدة يكون انتهى واتمنى يكون افدكم زى ما افدنى |
رائع رائع رائع
ما شاء الله والله استفدت جاامد اووى .. جزاكى الله خيراا |
شكراا جدااا على الموضوع الرائع ده :)
|
رائع رائع وفعلا جه فى الوقت المناسب
|
جميييييييييييييييييييييييل
|
اجمل موضوع بجد راااااااااااائع فدنى جدا
|
مووووووووووووووووووضوع رووووووووووووووووووووووووووووووووووووووعة
|
| جميع الأوقات بتوقيت GMT +2. الساعة الآن 09:08 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.