|
الركن العام بقي..........
دلوقتي في حاجه انا شايفاها مضايقاني واكيد مضايقه كتير منكم افتكر من شهر تقريبا كنت بدخل الركن العام الاقي فيه مواضيع هادفه ليها مغزي او ع الاقل بيكون ده مكانها الصح متهيالي دلوقتي الوضع اتغير بدخل الركن العام مره موضوع ديني ومره موضوع رياضي ومره مشكله ومره ومره ومره طيب دلوقتي دي المشكله انا الركن العام بقي ميييييييييغه مش لاقيه لفظ اعبر بيه غير كده بجد مش ليه وصف غير كده انا عارفه ان دي فترة انتخابات وجاري تعيين مشرفين جداد بس ممكن المشرفين الاداريين ياخدوا بالهم او ع الاقل المشرفين القدام طيب دي المشكله طيب نشوف اسبابها عشان منغلطش نفس الغلطه تاني الغلطه مننا كلنا وهقوولكو ليه انت يا عضو لما مش بتدخل غير الركن العام ومش بترد غير فيه خليت عضو جديد لما شاف كده قاللك اكتب موضوعي في الركن العام عشان كله يشوفه ويرد انت يا مشرف غلطان انك شفت في مره موضوع ومنقلتوش لمكانه الصح لانك بكده اديت فرصه لغيره ولغيره يحط موضوع مش في مكانه طبعا استاذ عصام ربنا يكون في عونه ومش هقدر اعتب عليه طيب دي المشكله واسبابها طيب والحل الحل فيك وفيا وفي غيرك انت مسؤل وانا مسؤله وكلنا مسؤلين طيب وهنعمل ايه لو عضو يبقي تبلغ عن اي موضوع تشوفه مش في مكانه لو مشرف يبقي متترددش وتنقل الموضوع لمكانه المناسب متهيالي كده نبقي حلينا المشكله وكمان لاوم نبقي متابعين كل اقسام المنتدي الركن العام ميفرقش عن غيره وانت لو في مره قلت يعني هي جات علي موضوعي ماكله بيحط مواضيه مش ليها علاقه يبقي غلطت غلطه كبيره اوي انا جبتلكم بعض النماذج للمواضيع اللي لازم تتنقل من الركن العام اسيبكم مع بعض النماذج حتي المستوي خايفه منه ومكانه اجتماعيات طالب مرتضي منصور مكانه القسم الرايضي الشاطر بس يخش والخايب لا شايفه انه مش ليه لزمه اصلا بس ع العموم يتنقل للقسم التعليمي ضغطة زر واختر عدد ركعات صلاتك مكانه حي علي الفلاح اسم محمد يحتل المرتبه الاولي لمواليد فرنسا مكانه حي علي الفلاح جمد قلبك قبل ما تدخل ليه هتعرف بعدين موضوع مش ليه اي لزمه بس لو شايفين انه ليه يبقي جرس الفسحه مشكله معقده للغايه لو سمحتم ممكن تدخلوا مكانه اجتماعيات طالب دي مش كله المواضيع بس دي نماذج للمواضيع اتمني سرعة التصرف من المشرفين كان ممكن اعمل الموضوع في العام بس عشان مابقاش انا بشارك في الميغه دي تحياتي ومستنيه الرد من المشرفين بس معلش مستعجله فمقدرتش احط اللينكات ممكن ابقي احطهالكم وقت تاني ان شاء الله اتمني اشوف رد |
صح والله يازوزو
بس لو تلاحظى ان المواضيع كلها بتاعت الاعضاء الجداد فهما اكيد مش عارفين الاماكن ولسة مش اخدوا عالمنتدى ولا كدة بصراحة ومن غير زعل الغلط غلطة المشرفين ناس كتير اوى منهم مش بيكونوا متواجدين باستمرار فطبعا المواضيع بتتحط ومحدش باخد باله منها |
بجد ثاانكس جدااا ع الموضوع
كان نفسى اعمل موضوع زيه المواضيع بأى معظمها مكرر و منقول و فى مواضيع كتيييير مش ليها لازمة و كله ع الركن العام لان الاعضاء مش بتدخل الا ع الركن العام و بصراحة الجداد و القدام اى حد لما بيفكر يعمل موضوع بيبأى اكيد فى الركن العام دا انا حتى و انا داخلة التوبيك دا قلت اكيد برضو فى الركن العام كويس انك حطيتيه هنا يا زوزو و مستنيين رد |
فعلا عندك حق يا سندريلا
بس فعلا انتى لو لاحظتى زى ماقالت ملك اليمين ان الاغلبيه الى بيعملوا كدا اعضاء جداد لكن هى المشكله بردوا ان الاعضاء دول لما بيحظوا مواضيع على اساس الى احنا حطينوا ( الاعضاء الى عارفين الموقع وبقالهم كتير فيه) لكن زى مقولتى المشكله مش هتتحل الا لما احنا نحط المواضيع فى مكانها والمشرفين لما يشوفوا مواضوع يبنقلوا وكويس انك عملتى الموضوع وكان مكانه هنا وشكرا على التوبيك الجميل لانه فعلا مهم جدا |
اقتباس:
بس لما الاعضاء الجداد يلاقو عضو قديم بيطتب موضوع في غير مكانه يبقي اكيد هيعمل زيه شكرا لمرورك يا قمر |
اقتباس:
مش سبقتيني في عيد ميلاد اسدات :p اتمني نشوف حاجه فعليه عشان نحافظ ع المنتدي |
اقتباس:
بس انا فعلا شايفه حركة نقل كبيره في العام الله المستعان |
وان شاء الله على بكرة الركن العام هيرجع زى الاول
|
اقتباس:
يا ريت يبقي المنتدي كله مش الركن العام بس |
اقتباس:
وحقيقي ساعتها تستحق كل الشكر والتقدير |
انتى عندك حق بجد انا ليه موضوع من المواضيع اللى انتى كاتباها فوق
وانا اسفة بجد |
اقتباس:
كلنا بنغلط يا جميل بس المهم مش نكرر تاني شكرا لمرورك حبيبتي |
والله يا زوزو معاكى حق انا يمكن لما اتكلم فى الموضوع ده يبقى انا كده بقتحه تانى بس لازم يتفتح لانى مش شايفة اى تغيير فى الركن العام انا لما جيت كنت فى الاول فى قسم اخبار التنسيق وبعد كده شدنى اوى الركن العام كانت مواضيعه هادفة وقوية تلاقى النصيحة تلاقى كل حاجة تستفيدى منها انما دلوقت !!!!!! يقى صعب اوى مواضيع مكررة !! مواضيع مش مكانها !! مواضيع تافهة !! وردود غبية وساعات بتكون مش كويسة يارييت يبقى فى حل يمكن .... محمد السادات مستر مصطفى فتحى مس جنة مس رانيا مستر محمد سرور مستر عصام دول بس اللى اعرفهم وبشوف مشاركتهم الفعالة فى تطوير القسم ده واسلام(المرشد) بقى ادارى وانا عارفة انه برده عاوز تغيير يارييت اشوف تغيير فعلا يا اسلام يمكن .. انت اللى تبدا بالتغيير او التطوير (اللى كلوا بيتكلم عليه ... بس بدون تنفيذ) يارييت فعلا القسم ده وكل الاقسام ترجع زى ماكانت |
انا اسفه يا باشا موش هعمل تاني كده واوعدك هاخد بالي انا عملتها تلات مرات او اربعه تقريبا بس بعد كده اتعدلت في رعايه الله وربنا يعينكم
|
اقتباس:
فى امان الله |
| جميع الأوقات بتوقيت GMT +2. الساعة الآن 10:30 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.