|
(((___•.¸¸.•الحب ثم الحب ثم الحب•.¸¸.•___)))
http://www3.0zz0.com/2008/07/02/14/576178199.gif والصلاة والسلام على خاتم المرسلين سيدنا محمد وعلى اله واصحابه اجمعين دلوقتى انا شايف تقريبا فى كل صفحة من صفحات (الركن العام) موضوع عن (الحب) وسبحان الله الكلام متشابه والمشاكل هى المشاكل فحبيت اننا نتكلم كلنا مع بعض فى الموضوع الى شايف انه خطير صراحة :rolleyes: وهاتعرفوا دلوقتى ليه بقول عليه كدة وساتحدث فى الموضوع على هيئة نقاط عشان الى يحب يشارك برأيه يعرف يجزأ الكلام كويس اولا اول حاجة خطيرة جدا فى الموضوع اننا نيجى نتكلم عن الحب او بمعنى اصح العلاقة بين الرجل والمرأة نلاقى ناس تتحدث (دون علم) على خير الخلق صلى الله عليه وسلم نلاقى مثلا رد يقولنا مالنبى عمل كذا وكذا والنبى كان بيحب السيدة خديجة وكانت المقربة الى قلبه الكلام دة هو فعلا الى خطير لماذا لاننا نقوم جايبين كلمة غلط وخطيرة جدا فى وسط كلام صح يعنى نقول النبى فعل وفعل وهو لم يفعل ذلك حقيقة ثم نأتى فى وسط الكلام ونقول النبى كان بيحب السيدة خديجة رضى الله عنها وهذا طبعا مما ليس فيه شك ولكن احببت ان اوضح كيف تزوج النبى صلى الله عليه وسلم من خديجة وكيف كانت علاقتهم قبل الزواج دى الاجابة باختصار اقتباس:
مع العلم ان هذا الزواج كان قبل البعثة بس احنا شايفين حصل ازاى ثانيا دلوقتى ليه اصلا بنبقى عاوزين القلب يحب غصب عنه !!!!!! ايوة فعلا غصب عنه دلوقتى الاغانى ما شاء الله انتشرت بشكل كبير جدا وكل واحد بيسمعها عارف هو بيسمع فيها ايه ودون الكلام عن حرمانيتها او كرهتها بس نتكلم عن حاجة مهمة دلوقتى ليه مثلا اشوف واحدة فيها كام صفة مثلا عاجبانى اقوم اسرع الى سماع الاغانى واتخيل انى كلام تلك الاغنية من عقلى لتلك البنت اظن كتير فاهمين انا قصدى ايه ثالثا فيه قلب وفيه ابليس! كما ذكر القران فى صورة الناس (من شر الوسواس الخناس) اى ان الشيطان يكون على قلب العبد (محيط به) فاذا ذكر الله خنس اى اختفى وهكذا دائما ليه مش بنقف مع قلبنا وقفة صادقة نعرف منها اذا كان دة حب ولا اعجاب انا ليا واحد صاحبى بيحب بقاله 5 سنين لما كنت بقوله دى مثلا عاجبانى دى مثلا كويسة قالى كلمة وزنتها فى عقلى قالى انت ممكن تعجب بدى عشان مثلا متدينة وبعدين تنساها وتعجب بدى عشان محترمة وبعدين تنساها وتعجب بدى عشان متفوقة وهادية مثلا وبعدين تنساها بس انت تحطها فى قلبك كأنها ذكرى بس الى انت قولتهولى دة كله اعجاب وولا مرة كان حب انما الى هاتحبها هاتحس فعلا بشعور غريب ومهما عملت مش هاتشعر بيه لو شفت اى واحدة غيرها اظن ان كلامى فى النقطة دى واضح نيجى للنقطة التالتة صفات فتاة احلامك وصفات فتى احلامك طبعا كل واحد حاطط الكلمة دى فى دماغه بس ممكن الصفات دى تكون فى اكتر من واحدة ساعتها ان بتحسس قلبك بالتشتيت النقطة الرابعة فيه فرق كبير بين انك تكلم واحدة مثلا على الايميل على انها اختك وبين انك تكلم مثلا بنت عمك على انها صديقتك ومش عاوز حد يفهمنى غلط فى النقطة دى بالذات اقصد قلبك تحس انه ارتاح مثلا لدى وتكون مثلا بينكم صلة قرابة او بتكلمها بشكل معين ساعتها تقوم انت على طول حاطط فى دماغك انه حب وهو ليس كذلك الانسان اجتماعى بطبعه يحب حد يسمعله يحب حد يحلله مشاكله بس مش معنى كدة ان قلبك هايميل للى بيكلمك بسهولة وفيه نقطة كدة عابرة مش بياخد باله منها الكثير ايتين فى كتاب الله الاولى بتقول عن الزواج وكلنا عارفينها ((وجعل بينكم مودة ورحمة) مين الى جعل الله عز وجل طب نيجى لاية تانية مش مرتبطة بموضوع الزواج خالص ((وألف بين قلوبهم لو أنفقت ما في الأرض جميعا ما ألفت بين قلوبهم ولكن الله ألف بينهم)). سايفين التعبير يا جماعة لو انفقت ما فى الارض جميعا ما الفت بين قلوبهم طب ناخد بالنا بقى من الاية الى قبليها الله هو الذى الف بين قلوب الانصار واوضح الله انه موضوع يصعب جدا على الانسان ان يفعله بمعنى انه يصعب جدا انى االف بين قلب اتنين لان القلوب بين اصبعى من اصابع الرحمن يقلبها كيف يشاء ولكن! الله الف بين قلوب الانصار وايضا الله قادر على جعل المودة والرحمة بين قلوب المتزوجين عشان كدة الى القلب بيحيه بجد بيشعر من داخل قلبه بحاجة غريبة النقطة الخيرة كتير بيسألوا سؤال بيحسوا بينهم وبين نفسهم انه اجابته مستحيلة السؤال الى انت وانتى بتحبها تقدر مش تمشى معاها طب انا بحس ساعات انه حرام ويمكن عقلى موقن بذلك بس بردة بحس انى مش قادر وفى نفس الوقت بقول لو اختى بتمشى مع واحد ادامى مثلا انا بردة هاقولها انتى زييى زيك لا طبعا امال ايه الموضوع كله اننا مفروض نسال ربنا قبل ما نعمل اى حاجة ودة طبعا بيفرق من ايمان واحد لاخر يعنى مثلا خلوا بالكم فى المثال دة كلنا بندخل الخلاء طبعا اكيد بس هل حد بيحس انه محروج من ربنا! اعتقد الاجابة لا طب ليه سيدنا ابى بكر الصديق كان يتقنع عند دخوله الخلاء لانه كان بيخجل ان يرا الله وجهه وهو على هذة الصورة! طبعا الناس هاتستغرب طب دة ليه دة لان كل ما الايمان بيعلى بتبقى اقرب لربنا فبمعنى العامى بتاعنا بتتحرج جدا انها تفعل اى حاجة ممكن تحس انها تغضب ربنا وكمان لما الايمان يعلى عن كدة بتبدى بقى مرحلة الاحسان وهى ان تعبد الله كانك تراه فان لم تكن تراه فانه يراك يعنى انت ممكن ترضى واحد غيرك لو عملها يحس ان قلبه ها يتخلع زى ما مثلا انت ممكن تتكلم بسهولة عن واحد فى غيابه وماتحسش اصلا بحاجة واحد تانى تطلع منه الكلمة دى كدة غلط ويفضل يأنب نفسه انا ليه قولت الكلمة دى ومش يرتاح غير لما يروح يتأسف للى قالها عليه فى غيابه عشان ما يبقاش فيه ذنب عليه منتظر ردودكم وارائكم وكل كلامى عادى يؤخذ منه ويرد فى امان الله |
عادى ماهو شغل جيلنا الشاغل بقى الحب
مع اى مش بحب الحب الى فى الفترة دية بحس انه اهدار للمشاعر وجرح للقلب وجرح فوق جرح يعمل عاهة مستديمة تكون نتيجتها علاقة اسرية فاشلة مفهاش ذرة حب ليا رد تانى بس مش دلوقتى لما اقرأ الموضوع كويس |
اقتباس:
مستنى ردكم |
بجد كلام حضرتك جامد بس هقولك علي حاجه انا شاب عملي شويه رغم كدا القوي المحركه ليا هي الحب ...اه انا حبيت كتير وشوفت كتير وقابلت دي ودي ...لكن رغم كل ده مش بنسي اول حب في حياتي ومش هقدر انساه لو حتي بعد مييييييت سنه ..
|
بصراحة يا dr.saeed كلام جميل جدا
جيل اليومين دول مش لاقى حد يسمعله او حد حتى يعيش جوه قلبه وتفكيره انا نفسى شوفت تجارب حصلت قدام عينى سواء من قريبتى او صحبتى او حد زمايلى اللى معايا بيتاهوا باللى اسمه حب وياريتهم يكون فى حياء لاء حاسة زى ما يكونوا فرحانين باللى بيعملوه وانا من وجهه نظرى الحب الحقيقى فعلا بيكون بعد الارتباط الشرعى يعنى مثلا نفترض قدرا واحدة حبت واح فى الكلية وبتموت فيه وهو كذلك واكيد ممكن يحصل كلام بس حقيقى لو هى محترمة وعندها اخلاق وعزة نفس حتى لو حتموت عليه وهو حس بكدة ولازم يكون فى ارتباط شرعى يبقى هو ده الحب الللى بيدوم لاخر العمر اما لو حصل مقابلات او كلام غرام والبنت سمحت لنفسها كدة حتى لو معرفتش حد قبل كدة يبقى ده مش حيدوم عشان بعد كدة الثقة حتنعدم اما حكاية الاغانى فربنا يهديهم بجد لان الاغانى هى اللى بتفتح سكة الشاب او البنت بانهم يقووا مشاعرهم وممكن تروح لحرام مشكور جدا على الموضوع |
جزاكم الله خيرا كثيرا يادكتور سعيد
حضرتك اتكلمت فى موضوع هام وحيوي بالنسبة لفئة واسعة من جيلنا اللى عجبنى ان حضرتك مكنتش زى بقية الناس بمعنى ان ناس بتقول ان مفيش حب غير حب الله ورسوله والزوجة والأولاد وما الى ذلك وغيره يبقى حرام وناس تانية فتحاها على البحري ولكن حضرتك لم تنكر حب ما قبل الزواج وف نفس الوقت لم تبيحه اباحة تامة ولكن بينت شروطه وضوابطه اعتقد ان الموضوع مهم وضرورى وجزاكم الله خيرا |
اقتباس:
بس هقولك علي حاجه انا شاب عملي شويه رغم كدا القوي المحركه ليا هي الحب ...[/QUOTE] مفروض تكون القوى المحركة لاى انسان هى دينه اه انا حبيت كتير وشوفت كتير وقابلت دي ودي ...لكن رغم كل ده مش بنسي اول حب في حياتي ومش هقدر انساه لو حتي بعد مييييييت سنه ..[/QUOTE] ربنا معاك |
اقتباس:
الذى يبين عقليتك فى امان الله |
والله انا من وجهة نظرى
اننا مشكلتنا دماغنا فاضية بطريقة مستفزة فعايزين نشغلها فهنشغلها بايه يعنى مافيش غيره الحب فمثلا لو حصل اى موقف بسيط جدا بين بنت و ولد ولاحظو انا قلت بسيط الاتنين _الا اللى فعلا يعرف يفرق ويعرف يستخدم عقله_الانين هيحسو انهم بيحبو بعض ليه بقى؟؟؟؟؟؟؟ نرجع بالذاكرة شوية : نلاقى ان الافلام العربى هيا اللى رسخت ده ليه؟ كانزمان كل ما واحد _اللى هو بطل الفيلم_يقابل واحدة_اللى هيا بطلة الفيلم_لازم يحبو بعض لازم السيناريو بيقول كده ودى كانت طبيعة الافلام العربى واحنا كلنا الا نسبة قليلة جدااااااااااااا حتى اللى مش بيشوف الافلام دى دلوقتى بس واحنا صغيرين شفناها فاللى رسخ فى عقل البنت ان اى ولد تقابله و يحصل معاه موقف انها تحبه و حتى لومش حبته دلوقتى يبقى بعدين _بعدين ده اللى هو اخر الفيلم باذن الله_ سبب تانى الاغانى _ هيا الاغانى حرام بس يعنى ماعلينا مش موضوعنا_ البنت ياعينى بتسمع اغنية المغنية فلانة اللى حبيبها مش حاسس بيها و ياعينى البنت اتاثرت اوى بالاغنية فحست انها عايزة تبقى المغنية دى عايزة تعيش احساسها فى اللحظة دى عايزة تبقى البنت اللى حبيبها معذبها طيب خلصت الاغنية دى تيجى اغنية البنت اللى حبيبها اخيرا بدا يحس بيها فى اللحظة دى اقل موقف الولد يعمله البنت دى تحس انه بيحبها و اخيرا بدا يحس بيها فى سبب تانى برده اللى هو احنا غالبا حياتنا اصلا مليانة حاجات متعبة فمافيش ادام الشباب و البنات فى السن ده اللى هو بيسموه المراهقة غير انهم يتكلموا عن الحب لان ده اللى هيريحهم _من وجهة نظرهم_ نيجى بقى لنقطة تانية اوتالتة او رابعة ....... عدوا انتو:D المهم الرومانسية تيجى مثلا تسال اى حد بنت او ولد فى سننا ده يعنى ايه رومانسية يقولك دليلها المهم انك تعيط ع فيلم تيتانك و لا تعليق:) متهيالى بقى الحل اننا نعرف نحكم عقلنا و اننا نفكر فى الحاجات اللى فعلا مهمة لانهم زى مابيقولو الفاضى يعمل قاضى و ع فكرة يا جماعة انا يمكن اتكلمت عن البنتاكتر بس اى حاجة قلتها و العكس صحيح معلش بقى كتبت كتير بس ع فكرة لوافتكرت حاجة تانى هرد تانى:D بس بجد موضوع جميل يا دكتور جزاك الله خير |
اقتباس:
وشكرا للمتابعة وانا ماقدرشى انكر الحب لان ربنا قال وجعل بينكم مودة ورحمة يعنى بين الزوجين فيه مودة ورحمة من الله جل جلاله انت عارف انا امبارح كنت بكلم واحد صاحبى بقوله انت كل يوم تكلمنى تقولى الجماعة بتوعى ودة معروفة ان الصبيان بيقولوها على البنت الى بتتكلم معاهم قولتله يا عم انت بالظبط عندك كام جماعة ماعتش فاهملك حاجة قالى كتير طبعا لانهم عاوزين يعيشوا فى دور الحب خلاص اعيشه شوية بس فى الاخر ولا واحدة فيهم مقتنع بيها لانى مارضاش تكون زوجتى كدة ! اظن كدة الرؤية وضحت |
اقتباس:
فى امان الله |
السلام عليكم ورحمة الله
شكرا لك اخي الكريم لطرح هذا الموضوع وبصراحة برغم كترة المواضيع اللي بتتكلم عن الحب ووجع القلب دا الا ان موضوعك يمكن من اكتر المواضيع اللي صممت اني ارد عليها لانك عارضة بطريقة كويسة ومتطرق لاكتر من موضوع في نفس الوقت بالنسبة للنقطة الاولى طبعا مفيش كلام ان الرسول صلى الله عليه وسلم منزه عن الخطأ ومبرأ من كل عيب محدش يقدر يقول غير كدا طبعا وانت جبت دليل اكيد لذلك فالنقطة دي قفل فيها الكلام بالنسبة بقى للنقطة التانية واننا عايزين القلب يحب عصب عنه متنساش اننا في الفترة دي الدنيا بتبقى ملخبطة معانا وخصوصا فترة الجامع لان بعد ما الجنسين ابتعدوا عن بعض فترة كبيرة هيرجعوا يتجمعوا تاني في الكلية وهيضطروا انهم يتعاملوا مع بعض فأي بنت يكلمها ولد بشوية ذوق كدا وهو حاطط وشه في الارض تشتغل هيا بقى اعجاب وحب وهيافة وتقول اصله محترم ومؤدب دا حتى مبصش في وشي وهو بيتكلم وتكون طبعا ناسية او جاهلة ان دا السلاح اللي بيستخدمه اغلب الشباب علشان يوقعوا البنت المحترمة ونيجي بقى للاغاني انا الحمد لله بطلتها وربنا يثبتني انا واللي قرر يبطلها بس تفتكر احنا اللي عملنا الاغاني ولا هي اللي عملتنا؟؟؟ بمعنى تاني هل الاغاني وكلامها هو اللي فتح عيون الشباب على الحب والكلام دا؟ ولا الشباب هما اللي عملوا الاغاني يعبروا بيها عن حبهم واللي انا بسميه (قلة عقل) النقطة التالتة بقى وحوارات الحب والاعجاب دي انا بصراحة مش فاهمة اخرتها ايه؟؟ هو ايه الفرق بين الحب والاعجاب ما انت لو بتحب هتفكر في اللي بتحبه ولو معجب بحد برضه هتفكر فيه وهتفرح لما تشوفه وشغل الاطفال دا يبقى الكلام في النقطة دي التفسير الوحيد ليه ان الشاب او الفتاه المراهقة مش عارفين يحددوا مشاعرهم و ولا هما عايزين ايه موضوع الايميلات دا بقى انا بصراحة بشعر بالاسف الشديد جدا جداااااااااااااااا منه انا بصراحة مش مقتنعة بأييييييييييييييييييي كلام بين ولد وبنت ع الشات اللي هو الايميل يعني.........لان دي خلوة الا بقى لو في الضرورة القصوى والكلام يكون في مجرى واحد ومجرد ما تنتهي الضرورة دي يبقى خلاص ستوب بقى ومفيش حاجة اسمها اخوات ولا زمايل انتو مش اخوات مفيش حديث او نص بيقول كدا الاخوات يا اما اخوات النسب يا اما اخوات الرضاعة مفيش نوع تالت يبقى خلاص نتقي الله ونحدد افعالنا جدا اما حكاية فتى الاحلام وفتاة الاحلام دي فدا نصيب كل واحد ربنا مقدرهوله فيا ريت نسيبها لظروفها انما انا هقول اننا نفسي في حد يتقي الله ولو هو بيتقي الله كله هيبقى كويس بعد كدا ان شاء الله اتمنى ان مكونش طولت على حضرتك والسلام عليكم سبحانك اللهم وبحمدك اشهد ان لا اله الا انت استغفرك واتوب اليك |
اقتباس:
ممكن بردة هو كمان بيكون عايش فى دور الحب على فكرة ويمكن هو بردة ما يكونشى حب بس هو حاطه حب وخلاص وانا لما قولت كلمة غصب عنه يعنمة قصدى فى حتة مهمة ان الواحد او الواحدة يكون حاطط فى دماغه البحث عن فتاة الاحلام وهو لسة داخل الجامعة ودة طبعا لاسباب كتير اقتباس:
كلمة سيدنا ابو بكر فى وصفه للاغانى (مزمار الشيطان) وفيه ناس كتير الشيطان بيسخر قلوبهم لمصلحته لان قلوبهم بعيدة تماما عن ربنا اقتباس:
الفرق كبير جدا بين الحب والاعجاب وعلى فكرة ما يبقاش كلامنا كله فى نقطة واحدة لان ممكن اشعرمثلا بحب واحدة واتقدملها وهنا مش هايكون فيه غضب لربنا فهمتينى؟ مش كلامى كله على الهبل الى بنشوفه فى الجامعات دة اصلا مش محتاجين نتكلم عنه لانه ظاهر جدا اقتباس:
ياريت نطلق الكلام الصحيح فى المكان الصحيح كلمة خلوة ذكرت فى السنة واظن معناها واضح انما اتنين بيلموا بعض كتابة بس ودة فى محافظة ودى فى محافظة تانية تبقى كلمة خلوة دى بعيدة جدا يمكن يكون رأيى اقتباس:
بنحكم بيه ظروفها ازاى؟ الموضوع مش هابقى ماشى الاقى مرة واحدة بقيت فى بيت ناس بقولهم انا عاوز بنتكم ربنا جعل لكل شىء سبب اقتباس:
واى مداخلة اخرى مستنيكى اتكلمى براحتك انا عامل الموضوع للمناقشة اولا وكل يؤخذ منه ويرد الا صاحب هذا القبر صلى الله عليه وسلم وعليكم السلام ورحمة الله وبركاته |
عفوا اخي الكريم
طيب يعني انت شايف ان واحد يكلم واحدة ع الايميل ولو هو في قارة وهي في قارة تانية ان دا حلال؟؟؟؟ عموما انا مش بقول كلام من عندي في حكاية حلال وحرام دي حفظك الله وحفظنا وكل شباب المسلمين |
انا مش عارفة ارد اقول اية بس موضوع اكثر من رائع
وشكرا جدا للاستفادة انا فعلا كنت محتاجة حد يفدنى بالكلام دة ربنا يهدينا جميعا ونرجع لربنا فى كل حاجة موضوع حلو جداااااااااااا بجد شكرا جدا ليك جزاك الله كل خير |
| جميع الأوقات بتوقيت GMT +2. الساعة الآن 11:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.