زملائي الأعزاء أخبار المنهج إيه؟
 

ا

السلام عليكم
أنا عاملة الموضوع ده علشان كلنا ندخل نقول وصلنا لفين في المنهج + كل واحد يقول إتعامل مع المنهج الجديد إزاي
أنا عن نفسي وصلت لمسكويه في الفلسفة
والإستقراء في المنطق
ولسة بحضر في المنهج الجديد
ياريت كل واحد من اللي شرح الجزئيات الجديدة يقولنا تجربته
ومن خلال قرائتي للفارابي والغزالي لاقيت إن أرائهم رائعة بس تكرار لمسكويه اللي هو تكرار لأرسطو بإختلاف إن الغزالي كان مميز جدا في ارائه
أما التفكير الناقد هو سلس في البداية أما السؤال العملي لسة محتاج دراسة
تقبلوا تحياتي

انا انهيت الفارابى والغزالى ونصف التنفكير الناقد والطلاب يشتكون الصياغة الصعبة لهذه الاجزاء

ماشاء الله ربنا يوفقك ويوفقنا
ويعين الطلبة علي المنهج ده

انا خلصت الفاربي
و منطق

انا خلصت مسكويه فى الفلسفة وفاضل حصة واحدة وأخلص التفكير الناقد فى المنطق وموضوع الأخلاق عند الفارابى والغزالى رائع جدا .. بس أنا عندى إستفسار حول سؤال عن الإجتماعيين الوضعيين بيقول..
السلوك الأخلاقى عند الإجتماعيين الوضعيين يحدث بصورة عفوية. (علل صحة أو خطأ العبارة)

العبارة خاطئة
لأن الأخلاق عند الإجتماعيين الوضعيين مكتسبة
حيث أن المجتمع هو الذي يحدد القيم الأخلاقية إلي آخر شرح هذه الفقرة

ماشاء الله ربنا يوفقك
ماشاء الله
آمييييين

أستاذة نهى لكى جزيل الشكر
لكن هناك أقاويل أخرى عن هذا السؤال تبرر أن العبارة صحيحة وهذا ماجعلنى أنشره
فهى صحيحة لأن السلوك الأخلاقى عند الإجتماعيين الوضعيين يظهر بصورة تلقائية (عفوية) وحيا من العقل أو الضمير الجمعى فالحياة الأخلاقية لدى الإنسان تبدأ حينما تبدأ الحياة الإجتماعية فهو لم يكن من صنع الفرد ولكنه من صنع المجتمع ذاته (لأن المجتمع هو مصدر الإلزام الخلقى وليس الإنسان بما يقوم به من سلوك)

انا خلصت ومفيش مشاكل ان شاء الله الجزء العملى شوية صعب والفارابى

علشان السلوك الأخلاقى يكون عفوى لازم يكون فطرى ...... و ده عكس كلام الاجتماعيين فى انه مكتسب من المجتمع

السؤال العملي مش صعب لكن محتاجيين امثلة اكتر من الموجودة في كتاب المدرسة

بالنسبة للفلسفة لسة الفارابى والغزالى أما المنطق لسة التفكير الناقد بس الجزء العملى مش واضح أوى عامتاً ربنا يقدم اللى فية الخير

اانا الحمد لله أنهيت الفلسفة وبدات فى التفكير الناقد ...
بالنسبة لسؤال الإجتماعيين الوضعيين .. اانا أؤيد الأستاذة نهى لأن مادام الحياة الأخلاقية تبدأ مع بداية الحياة الإجتماعية إذن الأخلاق لن تظهر منعزلة ( بمعنى أن الأخلاق لو عفوية ستظهر فى أى مكان وفى أى وقت حتى لو أن الانسان يعيش بمفردة ) وهذا منافي للحياة الأخلاقية تبدأ مع بداية الحياة الإجتماعية أى أنها مكتسبة من العقل الجمعى أو المجتمع لأن المجتمع وحده هو مصدر الإلزام الخلقي وبذلك تكون الأخلاق مكتسبة وليست فطرية ..