هل الغش فعلا حرام !!!!!!!
 

اول مره فى الامتحانات هذا العام ادخل لجان ومنعت الغش فى اللجنة وطبعا الطلبه متعودين على الغش كل يوم فمعظم الطلبه محلوش الامتحان وكل شويه يدخل مدرس زميل عاوز يحل الامتحان للطلبه وانا ارفض فيزعل منى ويمشى وشويه يجى شيخ المعهد عاوز يطلعنى من اللجنه وبعده رئيس الكنترول فلما رفضت كتير من
زمايلى زعلو منى والمعهد تقربيا كله شايف الى انا عملته غلط مش عارف اعمل ايه ؟؟

فى الازهر الغش فرض كفاية اذا قام به البعض سقط عن الباقين .. يعنى لو زميل حضرتك فى اللجنة غشش يبقى تمام ولا حرج عليك ولا يكلف الله نفسا الا وسعها، اما لو شديتو انتو الاتنين يبقى بتهدموا الازهر وبتحاربوا الاسلام ومش بعيد تتهموا بالعلمانية والليبرالية

﴿ يَا أَيُّهَا الَّذِينَ آَمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنْتُمْ تَعْلَمُونَ (27) وَاعْلَمُوا أَنَّمَا أَمْوَالُكُمْ وَأَوْلَادُكُمْ فِتْنَةٌ وَأَنَّ اللَّهَ عِنْدَهُ أَجْرٌ عَظِيمٌ (28) ﴾

نفس المشكلة

أخى الفاضل في معهدنا لايوجد غش

الله يثبتك على الحق انا فى معهدى والحمد لله ايام الدراسه ملتزم بالشرح بفضل الله وايام الامتحانات عمرى ما غششت لانى عاوز اقبض فلوس حلال

بس المشكله ان الواحد بكدا المدرسين والعمال تقريبا كلهم هياخدو موقف منى لان معظمهم ليهم ابناء فى المعهد او اقارب وطبعا يجو يدخلو اللجنه لابنائهم انا امنعهم فبيزعلو منى !!!

أشكر حضرتك يا أستاذ سعيد حلمى ولكن كلام حضرتك فيه تناقد كبير و ظلم فاستخدام ألفاظ التعميم "مقتنع انها صح بس المعهد كله مقنع انك غلط وتكون منبوذ رغم انك صح" من الظلم استخدام لفظ المعهد ***فالمعهد مكان فيه عمال زملاء من أعضاء هيئة التدريس و رئيس كنترول و رئيس لجان و موجهين و الطلبة (واجبك انك توفر لهم جو هادىء لأداء الامتحان)إفرض انك صح كما تدعى فكيف تكون منبوذ ؟ تناقد !!!

متقلقش
انا حصلى نفس الكلام والكل كانوا بيزعلوا منى ويعملوا معايا مشاكل لكن لانى صممت على عدم الغش او المجاملات خلاص اتعودوا على كده وبقينا حبايب
استمر على ما أنت عليه وتذكر " من أرضى الله فى سخط الناس رضى الله عنه وأرضى عنه الناس"

نفس المشكلة عندى .لكن اتعودوا على كدة وبقى عادى.انما المشكلة مع الطلبة واولياء الامور. الله المستعان

من أرضى الله بسخط الناس رضى الله عنه وأرضى عنه الناس ومن أرضى الناس بسخط الله سخط الله عليه وأسخط عليه الناس
الحرام يبقى حراماً ولو فعله كل الناس