عوده اجازة يوم السبت حرصا علي لم شمل الاسره
 

نطالب فضيله الامام الاكبر الدكتور احمد الطيب والدكتور عباس شومان وكل المسئولين عن القرارات في الازهر النزول الي مطالبنا بعودة اجازه يوم السبت مساواة بزملائنا في التربيه والتعليم وحرصا علي لم شمل الاسره ولاسباب كثيره وياريت الادمن ميحذفشي الموضوع

المشكلة ان فضيلة وكيل الازهر حافظ مش فاهم يعني قرار السبت كان عشان المظاهرات والخوف من المليونيات بتاعة كل جمعة وهو نفذ القرار في ثانية بدون تفكير، دلوقت جنابك الامور هديت واللي بيشيل مسطرة عليها اشارة رابعة بيتشد هو وابوه، يبقى خلاص بقى رجع السبت اجازة من تاني، ولا لسه مستني الاوامر؟؟

لا لا لا الشيخ بتعنا راجل محترم ورأيه من دماغه ومبيحبش حد يدخل في شئون الازهر هوه ممكن بس انه بيسمح بتدخل أمن الدوله والعسكر ده علشان مصلحه الازهر وعشان الدنيا تمشي ومن مبدـأ وأطيعوا الله واطيعوا الرسول وأولي الامر منكم
فصهين بأه مش مشكله يعني

انا ضد اجازة السبت
وان كنت معك فى لم شمل الاسره اللى منتشره فى البلد ههههههههه

الاستاذ أحمد إبراهيم فضى ومش وراه حاجة

ربنا يبارك فيك اسكت مش نقصاك

لو وقفنا كلنا وقفة رجالة حانرجع السبت اجازة بس للاسف الواقع غير كده انا بحس عباش شومان داه بينتقم مننا بس اللى انا متاكد منه انه قرار سياسى هم الازهرية كده تبع امن الدولة دايما واكيد ديه تعليمات امن
وانا متاكد ان عمر شوما ماحايجرؤ يرجع السبت اجازة
بس ارجع واقول الازهرية السبب لانهم ضعاف جدا

حسبي الله ونعم الوكيل

لن يتم عودة اجازة السبت إلا من إرسال أولياء الأمور فاكسات لشيخ الأزهر أو لرئاسة الجمهورية لعودة إجازة يوم السبت

واحنا كمدرسين منعرفشي نتكاتف ونقف وقفه واحده ونجبر المسئولين لتنفيذ رغباتنا ولا هدننا سلبين

دا مش هيحصل طول محنا ساكتين الساكت عن الحق شيطان اخرس

حد يسمعنا من المسئولين ويستجيب لينا

اصلا الازهرية هما الحطية المايلة بتاعت البلد دي

معلمى الازهر يستاهلوا ياخدوا على دماغهم لانهم بصراحة حاجة تكسف جبناء جدا
حسبى الله ونعم الوكيل