هكذا كنا ..........فمتى نعود؟؟؟؟!!!!!!!!!!!!!
 

بسم الله الرحمن الرحيم
كنت قاعد عند واحد صاحبى فى المحل ولقيت عنده بوستر عجبنى واثر فى جدا حبيت اشارككم معايا فيه البوستر بنفس عنوان الموضوع
" الى صاحب العظمة خليفة المسلمين فى مملكة الأندلس هشام الثالث جليل المقام من جورج الثانى ملك انجلترا والسويد والنرويج
بعدالتعظيم والتوقير نفيدكم اننا سمعنا عن الرقى العظيم الذى تتمتع بفيضه الصافى معاهد العلم والصناعات فى بلادكم العامرة فاردنا لأبنائنا اقتباس نماذج من هذه الفضائل لتكون بداية حسنة ف اقتفاء اثركم لنشر انوار العلم فى بلادنا التى يحيط بها الجهل من اركانها الأربعة وقد وضعنا ابنة شقيقنا الأميرة دوبانت على راس بعثة من بنات الأشراف الإنكليز ليتشرفن بلثم اهداب العرش والتماس العطف لتكون مع زميلاتها موضع رعاية عظمتكم وقد زودت الأميرة الصغيرة بهدية متواضعة لمقامكم الجليل ارجو التكرم بقبولها مع التعظيم والحب الخالص
"
يااااااااااه شفتم كنا فين ووصلنا لإيه دلوقتى
والأعجب من كده رد الأمير هشام مش هقدر اقوله علشان الموضوع ميطولش اكثر من كده
باختصار اجابه الملك بالقبول بعد استشارة من يعنيهم الأمر وانفق عل البعثة من بيت مال المسلمين
يعنى كنا بنتشرط عليهم ونديهم المعونة والمنح وبيهاجروا عندنا
الحال اتقلب مش كده
وعلى فكرة مش هيتعدل غير بينا لما كل واحد يتقى الله فى موضعه ويصلح حاله مع ربنا
معاش طولت عليكم لكن الموضوع يستاهل

يا جماعة مش شايف ردرد الموضوع يستاهل النقاش

امين و يارب نكون احنا
شكرا على مشاركتك

الناس دى متقدمتش الا بعد ماطبقوا الإسلام فى بلدهم
طبعا القيم المتعلقة بالعمل والنظافة والعلاقات العامة
لدرجة ان احد المفكرين قال عن زيارته لفرنسا وجدت اسلام بلا مسلمين
وشكرا ليك يا اسلام بجد اسعدنى ردك

لا حول ولا قوة الا بالله
كل ده بسبب البعد عن الدين
ليه منقربش لربنا
و نشتغل بضمير
و اكيد ربنا هينصرنا
ان الله لا يضيع اجر من احسن عملا

واكتر من كده كمان احنا مش بناخد العلم بس دا احنا بناخد منهم كل حاجة
واحنا مفيش فى ايدنا حاجة نعملها ............. هنعمل ايه يعنى
صوتى وصوتك وصوت كل حد ينضم لينا تعتقد مهما وصل لعدد انه هيقدر يصحى امة بحالها ؟

للاسف زاد حزنى على وضعنا بعدما قرأت هذا الموضوع ولا استطيع حتى التعليق ولو بكلمة واحدة ولكنى فقط ادعوا الله ان تعود الينا مكانتنا وهيبتنا واحترام العالم اجمع لنا نحن المسلمين والعرب وهذا لن يتأتى الا ........................ انتم طبعا عارفين!
شكرا على الموضوع

من المواقف المؤكدة لكلامك سالوا جولدمائير "رئيسة وزراء اسرائيل"
وقالولها المسلمين بيقولوا انهم هيقضوا عل اليهود كلهم وده موجود فى عقيدتهم
قالتلهم مصدقة الكلام ده ولكن ليس هذا الجيل
وانما عندما يكون عدد المصلين بصلاة الفجر يماثل عددهم بصلاة الجمعة
شكرا على مرورك
وربنا يحفظك

ان الله لايغير مابقوم حتى يغيروا ما بأنفسهم
نبدأ بنفسنا وان شاء الله النصر قريب
شكرا على مرورك

آمين
كم اسال الله ان نكون من المشاركين ف اعادة المكانة الضائعة

كلنا بنحاول نتغير بس بنلاقى معوقات كتيرة اهو احنا بنحاول وربنا يتقبل مننا
بس بقولك لما يبقى المجتمع كله سلبى اى محاولة للتجديد والتغيير بيحصلها اجهاض قبل حتى ماتطلع للنور
فى رعاية الله

قبل الفجر بيكون الليل اظلم ما يكون وبتكون دى مرحلة اصحاب الهمم
علشان كده مش من المفروض نيأس