|
لسه فيه وقت
انا سامع من ناس كتير في المنتدى ان الوقت ضاع بالعكس .. االوقت لسه في ايدك بس انتا اللي مش عايز تقوم مش عايز تقوم .. شكلك مش خايف على حلمك سامع ناس ردت وقالت اكيد خايفين يا عم لو انتا خايف بجد عايزك تعمل كام خطوة 1- سيبك من الوهم اللي حضرتك عايش فيه : ايوه انتا عايش في وهم انك مش هتلحق تخلص لع ان شاء الله هتخلص يمكن الحكاية دي بالنسبالك مستحيل مش مستحيل ولا حاجة هتقولي انا مدايقونفسيتي تعبانه اقولك انتا بامكانك تزبط النفسية دي عارف انتا لو على كلامك استغليت الاربع شهور تمام هتجيب مجموع وعالي كمان فانتا اطرد الاحساس بالضياع ده والشطارة انك تركز على المستقبل والحاضر انسى الماضي انسى ان فيه اربع شهور خلصو اعتبر السنة عندك اربع شهور بس والنهاردة اول يوم في الدراسة واكيد حضرتك مزاكر ولو حتى على خفيف من اول السنة يا عم لسا الوقت في ايدك خليك معايا واستغفر ربنا وادعي وان شاء الله هتحقق حلمك 2- اعرف انك المستفيد الاول والخسران الاول : يعني من الاخر محدش هيدخل معاك الكلية ومحدش هيفرح اكتر منك بمجموعك العالي ان شاء الله وفي المقابل محدش هيزعل زيك لو جبت مجموع كويس يعني عاوز اقولك ان ربنا مش هيضيع تعبك ان شاء الله انتا لو حسيت بكدا واقتنعت هتشتغل على حلمك ده لو خايف عليه وعايز تفرح وتفرح اللي حوليك خليك معايا واستغفر ربنا وادعي وان شاء الله هتحقق حلمك 3- نظم وقتك : عارف ايه اللي بيضع الطلبة فب الأيام دي انهم بيفكرو في الامتحان والنتيجة وهما مش مستعدين ليها يا عم فكر زي ما انتا عايز بعد الامتحان بس ايه الفايدة انك خايف وقلقان من غير عمل عارف القلق ده هيخليك تنسى عارف انو هيخليك متركزش طيب ازاي بتعمل حاجة بتضرك بص انتا قلقان من ايه .. من الامتحان طيب انتا عارف الامتحان فيه ايه .. لا .. انتا مش بتزاكر وقاعد خايف وقلقان تقلق من حاجة محصلتش ليه انتا هتقوم تعمل جدول دلوقت .. قوم هات ورقة وقلم يعني مقمتش .. قووووم جبت ورقة وقلم .. اكتب ابه المواد اللي قفلتها وصنف المواد لسهل وصعب اقسمهم مجموعتين تلاتة ونص وتلاته ونص التلاتة دول خليهم اصعب مواد وخلي معاك نص مادة سهلة ومش عايزه مجهود .. زي الاحياء مثلا وزعهم على الشهر ده وخد خمس ايام من الشهر الجاي يعني اسبوعين اسبوعين كل مجموعة اسبوعين وابدا بالصعب وحاول المراجعة الاولى تكون قوية واتعب فيها بجد انا بقول كل مجموعة اسبوعين او نص شهر بحيث تراجع المواد كلها في شهر وتكون دي المراجعة الاولى يتبع دعواتكم |
امممم ربنا يجازيك خير ع تعبك
|
انا استفدت جدا مع انى لسه فى اولى ثانوى وعايزة حضرتك تتابعنا كدة علطول ولو سمحت يادكتور انا دلوقتى فى اولى وجبت 127.5من 132 ايه رايك هل دة مستوى طب ان شاء الله وايه نصيحتك عشان ازود نفسى وجزاك الله خيرا-
|
ممتاز جزاك الله كل خير
|
وكل مواضيع حضرتك الصراحة ممتازة
|
السلام عليكم ورحمة الله بركاته
موضوع رائع ومنقذ فىالوقت الضيق دا في ناس اشتكت كتير لضيق الوقت وان شاء الله الموضوع دا مفيد للكل جزاك الله خيرا |
اقتباس:
هل الافضل ليا اسبقه واخلص مادته رغم انى هخلص شهر 4 وكمان العربى |
اقتباس:
بخصوص أخلى 14 يوم للثلاثة مواد ونصف وبعد كده أخلى 14 يوم للباقين طيب دوت ممكن يؤدى إلى أنسى أنسى حجات كتيره من الى هسيبهم وأظن إن من الأفضل إحنا مثلا نخلى يوم ويوم يوم ويوم. اقتباس:
ولو إستمريت على هذا المستوى ممكن تجيبى الى تتمنيه |
اقتباس:
وجزاك الله كل خير |
اقتباس:
|
4- انسى ان عندك رغبات الكام شهر دول : يعنى اصح بلاش تليفزيون او فيس بوك ممكن تحول رغباتك الى قراءة كتاب مفيد وممكن لو انتا من النوع اللي يقدر يتحكم في نفسه خلي الرغبات دي نص ساعة مثلا ولو متقدرش تتحكم في نفسك بلاش الحاجات دي لانها بجد بتسرق الوقت 5- حاول تزاكر في الليل : أو خلي أغلب وقت المزاكرة في الليل لأن القمر عنده خاصية لجذب الأجسام ليه وعشان تفكر وتركز كويس لازم دم يطلع المخ وكل ما يزيد الدم يزيد التركيز يعني حول تزاكر تحت ضوء القمر 6- حاول تاكل اكل خفيف وصحي : يعني مش تاكل اكل دسم وتقولي هروح ازاكر كل خضروات وفواكه وخلي الاكل باوقات محددة .. ويا ريت تخليه مع التلفزيون بحيث يكون عصفورين بحجر وقلل من الشاي والقهوة والحاجات دي لانها بتضر الصحة قبل الجهاز العصبي واوعى الكركديه لانه باختصار بيقلل ضخ الدم للمخ وانتا في حاجة للدم في المخ علشان التركيز يتبع دعواتكم |
موضوع حضرتك رائع جدا .. انا مشكلتى وذكرتها قبل كده وحتى حضرتك عملتلى جدول .. ب للاسف انا مش قادره الزم نفسى بجدول لان ساعات باخد دروس اضافيه , بيبقى عندى امتحان بجهزله قبلها واحل امتحان مثلا .. الوقت بيضيع ومفيهوش بركه اطلاقا ثانيا بصدق بدون م اضحك ع نفسى .. انا مش عارفه بقول كده يمكن انا محبطه او تفكيرى بقى سلبى :( مش عارفه انا مستوايا نزل بقى ف التمنينآت 80% فما فوووق .... وبعيده ان اقدر احققها واجيب المجموع الِ انا عاوزاه يعنى اشمعنا انا الِ هجيب المجموع ده يعنى من بين 18 الف طالبه ازهريه هيدخل كليه طب مثلا 500 واحده بس ثانيا انا حتى لو ذاكرت مبقدرش احس انى متفوقه بجتهد ع قد ما اقدر واجى مثلا يكون فى امتحان الاقى زميلاتى جابوا اكتر منى مع انى ذاكرت كتير وسهرت ع الكتاب :( انا ليا قدرات .. مش هقول انا خارقه وذكاء فظيع لا انا مخى نضيف وكويس وكتير يشهد بكده جدا بس بذاكر عادى جدا انا مبعرفش اذاكر الا بليل بس باخد اليل كله مذاكره فى مادتين بس ...... عملت جداول منتظمتش خالص , انا بذاكر عشوائى مواد الدرس الى عليا تانى يوم ... وقت كتييييييير جدا بيضيع ف مواصلات + الاكل + الراحه + النت ..... لما بذاكر بحط هدفى قدامى واحفز نفسى واشوف نفى وانا بحقق حلمى :) لكن بعدها بفتره برجع تانى واقول اشمعنا انا لا صعبه مستحيل انا مش هوصل فى احسن منى وعندهم قدرات وعندهم ........ الخ .. خصوصا عندى ف البيت مش حاسه منهم بتشجيع او تحفيز او مساعده .. عادى جدا عندى المواد الشرعيه رائعه وسهله مفهاش مشاكل .. العربى فى مشاكل ف النحو والبلاغه الثقافى مشكلتى ف الفزيا دى مهملاها خالص بجد ... عشان بكرهها وعارفه ان ده غلط الانجليزى كويس بس مبعرفش بيتذاكر اااازاى حفظ كلمات بس وجرآمر كل سنه بدخل الامتحان بدون مذاكره وبفضل الله بنجح فيه بنقص درجتين .. ع عدم مذاكره .. انا عاوزه اعمل خطه دراسيه بحيث اخلص المنهج كذا مره انا بعمل الى عليا برغم عارفه انى مش هوصل لكن بعيدا عن اى حاجه انا عندى ثقه فى الله هنجح بتوفيق ربنا انا بدعى كتير جدا عشان اوصل لهدفى .. |
اقتباس:
بس انا اقتنعت اني معش في الوهم اكتر من كده ولسه عندي امل وكبييييييييييييييييييييييييييييييير جدا اني اقدر ان شاء الله اجيب 100 يعني عادي خالص بس حرام تقولي اا عارفة اني مش هوصل ؟؟؟؟؟؟ \ركزي كده وربنا معاك |
اقتباس:
انا ساعات بيكون عندى امل ودوافع وحاجات كتيرررررررره جدا بتحفزنى بس برجع افكر سلبيا .... تانى واخااااف انى موصلش |
جزاكمـ الله خيراً
ربنا يجعله في ميزان حسناتك |
| جميع الأوقات بتوقيت GMT +2. الساعة الآن 09:54 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.