|
كتب لى على الاجازة(لا يمكن الاستغناء عنها ويوجد عجز صارخ)هل هذا يوقف الاجازة ؟؟؟
سلام عليكم
يا جماعة انا عملت اجازة رعاية طفل لمدة شهرين فى الترم الاول والاجراءات مشت بسلاسة عادى والتوجيه كتبلى على ورقة الاجازة اننى زائدة عن حاجة العمل ولا مانع من اعطائى الاجازة ودلوقتى لسة ظروفى صعبة ومحتاجة اعمل اجازة تانى لمدة شهرين فى الترم التانى وانا بدأت الاجراءات ومدير المدرسة حرض عليا التوجيه وقاله هى كل شوية هتعمل اجازة والمدرسة محتجاها فخلى التوجيه كتبلى على ورقة طلب الاجازة(لا يمكن الاستغناء عن الزميلة والمادة بها عجز صارخ) فهل امشى فى باقى اجراءات الاجازة عادى وهتمشى وهاخدها على اعتبار ان اجازة رعاية الطفل ليس من حق أحد وقفها ؟؟ ولا مادام التوجيه كتب كدا على طلب الاجازة فيعتبر دا رفض وكدا مقدرش اكمل اجراءات الاجازة وممكن تترفض وتقف ؟؟؟؟؟؟؟؟؟؟؟؟ ممكن تفيديونى لو سمحتو وايه االاجراء اللى ممكن اخده عشان امشى الاجازة رغم انف الجميع واخدها رغم الكل ؟؟؟ ممكن تساعدونى بسرعة عشان الحق اتحرك واخلص الاجراءات قبل الوقت ما يعدى لأنى لازم اخلص الاجراءات دلوقتى قبل شهر 2 ما يخلص عشان انا قدمت الطلب ابتداء من اول شهر 3 ممكن تفيدونى ؟؟؟ وهل لو لم يوافق التوجيه ولم توافق الادارة التعليمية التابعة لها على الاجازة وتم رفع الطلب إلى المديرية للموج العام بالمديرية للمحافظة التابعة لها هل من حق المديرية رفض طلب الاجازة او وقفه او تعطيله ؟؟؟؟ انا عايزة اطمن اذا كنت هاخد الاجازة من اول شهر 3 ولا لأ رغم انف أعلى جهة .... ولا ممكن تتعطل ومقدرش اخدها؟؟؟ ممكن تفيدونى انا عايزة اجابة مؤكدة قانونيا وكمان تقلولى على الاجراءات القانوينة اللى اخدها حتى لو المديرية نفسها اعترضت على طلب الاجازة ؟؟؟ اعمل ايه |
مدير المدرسه والتوجيه كده هما اتفقوا على انه ( مفيش اجازه )
انتى تعملى اجازه نصف اجر ممكن |
يا أستاذة العملية بسيطة جدا ومن ابجديات العمل الحكومي أن
أجازة رعاية الطفل لمدة (ست سنوات متصلة أو منفصلة ) (أجازة و وجوبية ) ما دام لديك أطفال اقل من 18 عام ولا يحق لكائن من كان ان يوقفها حتى لو كان لا يوجد غيرك فقط في المحافظة |
اذا لم يوافقوا لك على طلب الاجازة تقدمى بشكوى الى النيابة الادارية كما ان هذة الاجازة وجوبية ولا يستطيعون منعك منها واى موظف يمتنع عن تنفيذ امر جهة قضائية او تنفيذ اوامر الحكومة يعرض نفسه للعقوبة القانونية اذا لم يوافقوا توجهى الى النيابة الادارية وسوف يوافقوا رغم انفهم
|
يعنى هى الاجازة اصلا مش المفروض انه يتم رفعها للمديرية اصلا ومتوصلش للمديرية ...انما انا اقدر اخلصها من ادارتى مباشرة حتى لو لم يوافق عليها التوجيه او غيره
والنيابة الادارية تنهى الموقف مباشرة داخر مدينتى دونما الحاجة للتوجه او رفع الطلب إلى المديرية فى المحافظة .... دا اللى فهمته من كلامكم .... انا متشكرة اوى اوى الف شكر ... كدا طمنتونى جزاكم الله عنى خيرا |
بيكتبوا لزميلاتنا كده والاجازة بتمشى برضه
ماتقلقيش ان شاء الله |
اقتباس:
|
مشكورررررررررررررررر وجزاك الله خيرا
|
اقتباس:
بارك الله فيك كلام مظبوط |
قانونا لو طفلك سنه تحت الست سنين فهذا حق لكى كموظفه ام ولا يستطيع احد ان يمنعك عنه بالتوفيق ان شاء الله
|
اجازة رغاية لا يمكن ان يوقفها احد تؤشر من مدير الادارة لشؤن العاملين اجازات لاتخاذ اللازم عليكى التوجه بالطلب للادارة مباشرة
|
انا متشكرة اوى اوى ليكو طمنتونى وخلتونى امشى فى الاجراءات وانا مطمنة وقلبى مرتاح وواثقة من نفسى ومن الاجازة جزاكم الله خيرا
|
كلام مظبوط
|
مادة 70- تستحق العاملة إجازة بدون أجر لرعاية طفلها بحد أقصى عامين فى المرة الواحدة ولثلاث مرات طوال حياتها الوظيفية.
واستثناء من حكمالمادتين 125، 126 من قانون التأمين الاجتماعى الصادر لقانون رقم 79لسنة1975 والقوانين المعدلة له تتحمل الجهة الإدارية باشتراكات التأمينالمستحقة عليها وعلى العاملة وفق أحكام هذا القانون أو تمنح العاملةتعويضا عن أجرها يساوى25% من المرتب الذى كانت تستحقه فى تاريخ بدء مدةالإجازة وذلك وفقا لاختيارها. "تستحق" و ليس "يجوز للجهة المختصة" اللفظ صريح بالأحقية و ليس لاي سلطة ايا كانت ان ترفض |
بس المفروض برضوا نحترم العمل
الأخت الفاضلة (وفق كلامها) بتاخد شهرين الترم الاول وشهرين الترم الثاني يعني وقت تدريس المنهج وترجع باقي العام بصراحة محايلة على القانون غير مقبولة الكل يركز في قانونية الاجازة ولكن نسيتم الحلال والحرام ربنا يتولانا |
| جميع الأوقات بتوقيت GMT +2. الساعة الآن 02:31 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.