كيفيه شطب الاستدعاء للتجنيد
 

السلام عليكم ورحمة الله وبركاته

اساتذتي الكرام انا معلم مساعد متعاقد بالتربيه والتعليم واتصل بي مندوب التجنيد واخبرني بوجود استدعاء ارجو منكم التكرم بالرد
هل يمكن ان اقوم بشطب هذا الاستدعاء ؟؟ وما هي الخطوات ؟؟
وهل فعلا تم الغاء شطب الاستدعاء بالنسبه للمعلميين ؟؟

:078111rg3: الزميل العزيز
لايوجد شىء اسمه شطب الاستدعاء
عليك بتحرير خطاب من توجيه الماده بان العمل فى حا جه اليك وانك قائم على رأس العمل
ورفعه الى الاداره أو المديريه الشئون العسكريه
وعليه يتم عمل يوميه سير مدرس من مكتب التجنيد والتعبئه
وهو مايثبت وجودك وعدم مغادرة الدوله
وشكرا

الف شكر يا مستر علي اهتمام حضرتك

ارجو من حضرتك توضيح معني ( يوميه سير مدرس من مكتب التجنيد والتعبئه )
يعني هروح الاستدعاء ولا ممكن يتلغي ؟؟

لا ياعزيزى لن تذ هب الى الاستدعاء
ويومية سير المدرس تحرر عن طريق مكتب التجنيد وهم من يقومون بباقى الاجراءات
ولكن نصيحه
لا تؤجل الاجراءات فممكن ايقافك عن العمل
وكل ماذكرته لك اجراء بسيط جدا جدا وهو معروف للتو جيه و ا لتجنيد

المعلم المتعاقد لا يعفى من الاستدعاء المثبت فقط هومن يتمالغاء الاستدعاء له بعد اثبات حاجة العمل له والله الموفق

الجبش احسن ليك من انفلونزا الخانزير ههههههههههههههههههههههه
اهرب يسرعه

على حد علمى يتلغى الاستدعاء لو مر على خروجك من الجيش 3 سنوات
وتتبع الاجراءات دى :
1- تروح مكتب التجنيد وتأخذ معك خطاب التجنيد
2- افاده بأنك على رأس العمل
3- الكارنيه
خلى بالك لولقيتهم مش متفاهمين اطلع على التنظيم والاداره فى العباسيه وان شاء الله خير

للاسف الشديد لن تستطيع الغاء الاستدعاء لانى مررت بهذة التجربة العام الماضى وبرغم انى معين ولست معلم مساعد ولكن اخبرونى ان المعلم له استدعاء على عكس الماضى واضطررت ان اذهب بس انت ممكن تروح بعد بداية الاستدعاء بكام يوم ومتخفش مش هتحصل حاجه

فعلا
لايمكن الغاء الاستدعاء انا العام الماضي وفي نفس التوقيت دا كنت في استدعاء
بالرغم اني معلم من 2011
بالقرار 53
وكام يوم ويعدو انشاء اللة وترجع بالسلامة

انا بقالي 4 سنين مخلص جيش
جالي استدعاء من 5 شهور واتلغي من نفسه (التجنيد بلغني انه اتلغي )

المره دي انا روحت لمكتب التجنيد علشان اعرف ميعاد الاستدعاء والمجند اللي هناك قالي لسه ملكش ميعاد
وقالي ممكن تلغي الاستدعاء علشان انت مدرس ( بس انا مش متأكد من كلامه )

ربنا يسهل ويتلغي لوحده زي اللي قبله ،،، بالله عليكوا ادعولي

لو سمحتوا المعيد له استدعاء ع ما اعتقد انه مستثنى من الاستدعاء ؟؟؟