خصم يناير
 

انا مدرس ازهرى فى منطقة الشرقية مباشر يوم 27_12_2012 شهر يناير 2014 تم خصم مبلغ 185 جنية من المرتب بحجة انى محصلتش على الكادر وبعد ما كان مرتبي 698 اصبح 515 وبيقولوا ان الخصم دة سيستمر حتى حصولى على الكادر مع العلم ان المرتب دة اقل من الادارى اللى على الدرجة الرابعة والغريب ان الخصم دة ماتمش الا فى منطقة الشرقية والدقهلية لم يتم فيها الموضوع دة ........................


.ارجو الافادة هل قرار الخصم دة هيطبق فعلا والزيادة اللى هتيجة فى شهر فبراير بناء على المرتب بعد الخصم

انته اتخصم منك المبلغ ده انا اتخصم مني حوالي 450 جنية والبيه اللي في المنطقة بيقولي دا قرار شيخ الازهر بالله عليك شيخ الازهر بيعمل كده ليه ؟؟؟؟؟؟؟؟؟؟؟؟؟؟؟؟

ايوه الخصم ده طبق بناء على قرار شيخ الازهر بخصم حافز الاداء 125/ من جميع المعينين الجدد سواء أوائل خريجين او معاهد منضمة الى وقت اجتيازهم للطادر على الرغم من ان اجتياز الكادر ليس شرط لصرف حافز الاداء بل يشترط ان يكون حاصل على مرتبة كفء وان يكون عدد التوقيعات 18 توقيع في الشهر ومش قانوني أصلا انه يحركنا من الحافز لو انت مستوفي لشروطه فليس في يدنا سوى قول حسبنا الله ونعم الوكيل

وفى البحيرة كمان يا ريس .... هيتخصم منك 1600 جنيه وكسور
تابع ده

http://www.thanwya.com/vb/showthread.php?t=582537

الفكرة انهم خصموا من القديم قبل ما يصرفو الجديد يا جماعة بحجة اننا خلاص اتسكننا على وظيفة معلم
بطلو كلام هنا وابعتو فاكساااااات وشكاوى للمشيخة

طيب انا تعيين قديم خصموا مني ليه ارجوا معرفة السبب

عارف ليه يااخ محمود السبب؟ السبب انها معلمه والتجار على مصدقو الالافات اللى اتقالت خلوا الاسعار اوعى ميعرفوش ياحسره ان المعلم مرتبه اقل موظفين الدوله وعلى فكره كل الكلام اللى اتقال للاطباء فشنك هياخدوا ملاليم برضه الظاهر المدارس والمستشفيات اكتفوا مبقوش عايزين مدرسن واطباء بيكرهو التلاميذ انهم يدخلوا كليه التربيه وكليه الطب اقسم بالله العظيم حرام انا مش بطالب اتساوى باللى مطوع او امين الشرطه او العدل او الكهربا (عمال) لا سمح الله انا بطلب اتساوى بالغفير لان مرتباتهم اعلى مننا وده كلام واثق منه الغفير بدايه تعيينه 900 جنيه انا بطلب من معالى وزير التربيه والتعليم ودكتور حازم الببلاوى يهتموا بالمعلمين لان عمر مابلد بتتقدم غير بالتعليم