سؤال لكل من عمل تظلم !!!
 

السلام عليكم ورحمة الله وبركاته

دلوقتي يا جماعه أنا عايز أعرف أروح فين عشان أعمل تظلم ؟؟

وأدفع ال 100 جنيه دول فين ؟؟

يا ريت حد يفيدني :confused:

شكراً جزيلاً لكم

انا عملت تظلم فى الفيزياء لو عايزنى افيدك قولى

ادفعهم في البنك الاهلي و خد و صل و روح بيه المدرسة الخديوية و خد معاد الكشف علشان تروح نكشف بس كدة لو عايز اي حاجة تانية ضيف ايميلي في الياهوو

يا ريت تقوللي روحت لكنترول أيه ؟ وهل المفروض الواحد يروح الكنترول اللي مكتوب على شهادته ؟؟ أنا عندي مكتوب قطاع القاهرة ج ( مدرسة الحلمية الإعدادية القديمة بنين ) مع الغلم أن ديه مش المدرسة بتاعتي!!!! ديه مكتوبه على الشهادة!!
وبتدفع فلوس التظلم فين ؟ هل في البنك أم مكتب البريد ؟ وعلى حساب رقم كام ؟
وأمتي بيحددوا لك ميعاد اللي حتشوف فيه ورقتك ؟ لما بتروح تديلهم الحوالة بتاعة الفلوس؟ ولا بعدها بشوية ؟ و بيحددوا لك تشوف ورقتك بعد كام يوم؟
وهل لازم يكون معاك ولي أمرك ولا ينفع لوحدك ؟
شكراً جزيلاً

انت هتروح لاى بنك اهلى وتقول انا عايز ادفعال100جنيه علشان اراجع مادة كذا
هيعطيك وصلين واحد هتروح بيه للكنترول اللى بتنتمى اليه والتانى هتاخذه ليك وهيعطيك فى المدرسة اللى فيها الكنترول وصل هتملاه وهيعطيك ورقة وهيقةلك تعالى يوم كذا علشان تراجع يوم اما تروح هيعطيك صورة من كراسة الاجابة وورقة اخرى تدون فيها ملاحظاتك على التصحيح وبعد كده هياخذوا صورة ورقة الاجابة ويقولوا لك تعالى اسئل بعد كذا يوم لان الورقة بترسل لمصر للتصحيح مرة اخرى حسب الملاحظات المكتوبة دى تجربة انا عشتها الاسبوع اللى فات

اى سؤال قبل ما اخرج من هذا الموضوع

ياريت تعمل ريفرش بسرعة

يعني أنا أروح للجنة النظام والمراقبة اللي مكتوبة على الشهادة؟

انت تروح للكنترول اللى كان فيه التصحيح

والكنترول بتاعي اللي كان فيه التصحيح حعرفه إزاي ؟؟؟
وهل لما أروح البنك أو الكنترول باخد معايا الشهادة أو رقم الجلوس ولا لأ ؟

اى سؤال تانى

بص هو مكتوب على الشهادة من فوق لجنة النظام و المراقبة (قطاع القاهرة ج) مدرسة الحلمية الإعدادية القديمة بنين (مع العلم أن المدرسة ديه مش مدرستي ومش ديه اللي أنا إمتحنت فيها في ثانوية عامة!!!! )

انت من محافظة ايه

القاهرة!!!!!!!

اسال فى مدرسة الثانوى اللى كنت تنتمى اليها