ارجو مساعدتى
 

السلام عليكم اخوانى لو تكرمتم اسمى نزل ضمن الاسمائ ال هتتثيت على معلم مشاعد باذن الله انا معى بنت وولد وحامل والشغل تعب على الان هل ممكن ان اخد اجازة رعايه طفل ولا صعب كنت قريت ان المعلم المساعد يتمتع بنفس اجازات المعلم ضمن تعديلات الكادر الاخيرة فهل الكلام ده صح وشكرا لكل من يساعدنى

هل من مساعدة ؟

http://sphotos-d.ak.fbcdn.net/hphoto...92549629_n.jpg

الدستور بكفل لحضرتك الحق فى رعاية اطفالك ولكن بعد امضاء عقد المعلم المساعد

ربنا يطمنكم يارب
لكن هل ده رسمى ولا على حسب كل محافظة ؟

لا ليكى 3 شهور من يوم الوضع

الاخت الفاضلة للاسف ليس لك الحق فى الحصول على اجازة رعاية طفل قانونا لانها تتنافى مع طبيعة التعاقد ويمكن الحصول عليها بسهولة فى وظيفة ولكن هناك ثغرات فى القانون ومنها ان تقومى بكتابة طلب للسيد وكيل الوزارة تشرحى فيه ظروفك ويقوم بالتاشير عليه بالموافقة ولابد ان تكون الموافقة صريحة ولظروف استسنائية

جزاكم الله خيرا اخى الفاضل
يعنى حضرتك تنصحنى فين اروح بالظبط

انا معى بنت وولد وحامل وزوجى مسافر
هل سهل يوافقوا ليا ؟

متشكرة جدا

اذهبى الى مكتب وكيل الوزارة ومعك المستندات الدالة على الحمل وشهادات ميلاد الاولاد وقومى بكتابة طلب بالموافقة على منحك رعاية طفل لظروف استسنائية خاصة .. واهم حاجة ان يقوم وكيل الوزارة بكتابة جملة ..لا مانع..او اوافق..وكده يبقى موضوعك انتهى وتروحى الادارة ثم الى الاجازات لتنفيذالتاشيرة ..خلى بالك تحاولى تخلى وكيل الوزارة لايضيف اى كلمة بعد..لا مانع ..يعنى لو كتب ..لا مانع حسب التعليمات ..يبقى معنى كده رفض الطلب ..وياريت تاخدى حد معاكى لكتابة الجملة التى قمت بذكرها

زوجتي كانت معلمة متعاقدة واسمها نزل مع المثبتين وكانت بتاخذ اجازة رعاية طفل وبتجددها كل 3 شهور
من حقك الاجازة ولسة مجددة الاجاة امس
ربنا يصلح للجميع

العقد المميز ( عقد المعلم المساعد ) يعطي المرأة الحق في اجازة وضع لمدة ثلاث أشهر بدون أجر منها شهر مدفوع الأجر وعلي ألا تستقطع من مدة العقد وهذا الكلام ستجدونه في البند الثالث من العقد وعلي فكرة الكلام دا بخصوص كل سنة من سنوات التعاقد كل سنة علي حدة.

لو سمحت ممكن تقولنا زوجتك تبع اى محافظة ضرورى
اصل عندنا فى القليوبية ثلاث شهور فقط ولاتجدد

جزاكم الله خيرا
حد يعرف الشرقية ظروفها ايه ؟

اجازة الوضع هى المنصوص عليهابالعقد وليس رعاية الطفل وبالتالى فهى وجوبية اما رعاية الطفل حسب موافقة جهة العمل هذا ما اردت توضيحه ولو كانت الاخت تعلم سهولة الحصول على هذه الاجازة لما كانت طرحت هذا الموضوع ويمكنها التاكد من الاجراءات بنفسها من الاداة التابعة لها وبالتوفيق للجميع ان شاء الله

يا رييت لو تساعدنا وتنزلنا صورة الاجازه اللى اخدتها اثناء مدة التعاقد هتحل مشاكل ناس كتير جزاك الله خيرا