انتحار طالب ثانوية عامة رغم حصولة على 101%
 

كلنا كنا بنسمع عن الثانوية العامة وحالات الانتحار واللى كان بعضنا مش بيصدقها قوى لكن اليومين دول فعلا كنت عايش اللحظة ومهيا انفذ الخطة بالله عليكم تسمعونى انا محتاجلكم قوى متعرفوش الظروف اللى بمر بيها وعشان ما اطولش حكى الحكاية انا طالب رياضة 3ثانوى معاى تفوق رياضى 4% لانى جايب 5بطولات جمهورية المهم ربنا كرمنى وجبت السنة دى 101% ومن وقتها وانا بقول يا ريتنى جبت 60% قدامى ادخل بترول وتعدين مستريح والحمد لله فوجئت اهلى عاوزينى ادخل كلية ب 60% لمجرد انها كلية شرطة بالله عليكم تشوروا عليا انا مش عارف اعمل ايه لدرجة انى قعدت والله يوم كامل فاقد النطق وكنت هقدم اول رغبة تجارة او حقوق انا واثق ان فى ناس بتحب الخير وهتقولى المفروض اعمل كذا مش احنا كلنا اخوات فى الاسلام؟؟؟؟؟؟؟؟؟؟ السلام عليكم ورحمة الله وبركاته وشكرا

خش هندسة بترول وبلاش بهدلة الاختبارات وفي الاخر ممكن تخش او لأ
وايه اللي يدخلك مع الناس اللي جايبه 60؟ :)
انا شايف هندسة بترول وش ان شاء الله

اعمل اللى فى نفسك ده مستقبلك وحدك

شوف انت تروح تقعد فى قسم شرطة كام يوم لو الحال عجبك ادخل شرطة ...دة لو معاك فلوس للرشوة اللى حتتدفع لدخولها :d:d

لو الحال ما عجبكش الحال فى القسم خليك على موقفك وربنا يوفقك

هقولك يافادى ممكن اكون قليلة الخبرة بس ممكن اسعدك
انت قدم زى مااهلك عايزين علشان رضاهم واكيد لو ربنا مش عايزلك شرطة واكيد هو شيفلك الاحسن مش هتنجح فى الامتحان
وساعتها لو منجحتش باذن الله اكتب هندسة او الى انت عايزة













بس المهم حاول ترضى والديك حتى ولو كان مظهريا انت لما تدخل امتحان الشرطة المقابلة جاوب وحش



وربنا معاك وفرفش ياعم ومبروك على المجموع واتمنى اكون ساعتك

ادخل هندسة بترول طبعا ولو شددوا عليك فى موضوع الشرطة روح هناك ومتعملش الاختبارات وانت هتسقط بس.

بصرة يا مانوووووووووو

عليك بصلاه الاستخاره
ووفقك الله للخير

ادخل الكلية اللى انت بتحبها وان شاء الله هاتتفوق فيها وربنا هايكرمك ان شاء الله
بالنسبة للى عندك فى البيت راضيهم وادخل الاختبارات بس من غير ما توصوا حد ولا تتذللوا ((((قصدى على الكوسة يعنى)))))))
وروح الاختبارات كأنك رايح النادى وصدقنى لو ربنا رايدها ليك هتدخلها بكل سهولة والله الموفق

أنا رايي تصلي استخارة وربنا هيوفقك للأحسن ان شاء الله

مس رانيا حضرتك دخول الشرطة الان 40000 جنية .......(رشوة)

او واسطة جامدة وبرده حيكون فيها هدايا ( بين قوسين رشوة )

المجموع دة ممكن يفرق معاه فى الجيش لكن شرطة لا اعتقد

المشكلة فى الوالدين فقط
حاول تقعد معاهم وتجيب ناس تكلمهم وكده
بس لو انا مكانك
هندسة بترول
بس المشكلة فى دعاء الوالدين بعد كدة
والله أعلى وأعلم

شكرا يا جماعة انا نفسى حد يشرحلى المميزات عشان اكون فعلا على اقتناع وعاوز اعرف فعلا هل ممكن يقتنعوا ولا هكون بضيع وقت