|
اللى دخل تجارة القاهرة يدخل....
ازيكوا يابنات وشباب تجارة عاملين اية:D
بما انى دخلت تجارة القاهرة عايزة اشوف مين هيكون معايا من المنتدى اللى زى العسل دهون:p هل فى حد دخل اللى يدخل يكتب سيرتة الذاتيه:D وانا هبتدى الاسم: بيقولولى نور:p السن: 17 سنه وكام يوم:D منين: الجيزة;) وعايزة اجيب تقدير علشان احول انتظام وربنا يستر ادعولى:D والبطاقه مش حافظة الرقم:p واية كمان اللى انتوا عايزينه بقى:D يلا اكتبوا سيراكم الذاتيه وعاييزين نفيد بعض فى الدراسة علشان نبقى حلوين كده ومسمسمين ... يلا ادخلوا وعرفونى بيكوا مستنياكم:D |
مبرووووووووووك على التجاريين بتوعنا و لما نقول تجارة يعنى الناس الجدعة اوى .. :D
و عقبال كده لما نشوفكوا باش مهندسين اد الدنيا ^_^.. يا ريتنى كنت دخلت تجارة و ريحت نفسى :(... انا ايه بس اللى يدخلنى الكلية اللى انا فيها دى :eek:.. |
انا جايب 332 ان شاء الله هلحق تجارة القاهرة انتساب
اسمي محمد 17 سنة من مصر القديمة |
انا محمد تجاره القاهره بس ربنا يسهل و ادخل تجاره انجلش
ادعولى |
منورين يا جماعه
وربنا يوفقك وتدخل تجارة انجلش بس هى التجارة انجلش صعبه ؟؟؟ وعايزة اعرف اتقدملها ازاى؟؟؟ انا جايبه 85.9 هل اقبل ؟؟؟ |
ن
بصى هو الاول انتى جايبى كام فى الانجليزى المفروض ميقلش عن 40 بس المشكله ان عددها 500 طالب بس و ربنا يستر انا جايب 92.6 و فى الانجليزى 47.5
و النبى تدعيلى |
ربنا معاك وشكرا على المعلومات
وانا مترددة مش عارفه ادخل ولا خلينى عادى مش عارفه انا جايبه 45 فى الانجلش |
طيب ممكن تقبلى بس مش اكيد هو طبعا تجاره انجلش احسن ميت مره من عادى بس مصاريفها غاليه جدا 4.5 الف
و كمان سمعت ان الكتب ب 800 جنيه يعنى الواحد هيشحت بعد كده هههههههههههههه و ربنا معاكى و معانا |
هي ايه مواد سنة اولي وهل كل المواد فيها رياضة
|
هى اولى على ما اعتقد فيها مادتيدتين تقال لو عادى
ومنهم القانون مش عارفه بس سمعت يا محمود هى احسن مش مهم المصاريف المهم اطلع صافى بتقدير ومش اطلع بمواد ده الدكتور مبقولش كلمة عربى :d وانا مش بليغه اووى يعنى بتكلم انجلش كويس بس الكتابه مش اووى وانا والله خايفه اجرب حتى او اقدم بقول خليها عادية وبعدين اخلص وابقى معيدة بدلا ما اخلاص اللاربع سنين فى 6او7 المهم ربنا يوفقك يا محمد وتدخل انجلش |
بالنسبة للمواد اللي هتدرسها في سنة اولي هي :
الترم الاول 1/ محاسبة مالية 2/ ادارة ( مادة نظرية ) 3/ سلوكية (مادة نظرية ) 4/رياضة 5/ موارد اقتصادية ( مادة نظرية ) فيها سنوات وانتاج محاصيل وحاجات شبة كدة الترم الثاني : 1 / محاسبة شركات اشخاص 2/ قانون 3/ اقتصاد 4/ محاسبة مالية E 5/ ادارة E عموما الكلية كل سنة بتدرسي 10 مواد منهم 5 الترم الاول و 5 الترم الثاني والمادة من 20 درجة والنجاح من 10 درجات |
شكر ا علي المعلومات
|
لو تعرفي تدخلي انجلش يا واندا ادخليها .. وشدي حيلك وهاتي تقدير ومحدش هايعرف يتكلم معاكي تاني :d
ومشكلة اللغة سهلة .. زي طلبة طب وصيدلة اما بيكونوا مش فاهمين حاجة في الأول وبعدين بيتأقلموا وده طب ودي صيدلة مش تجارة :d بس اسمعي كلامي تجارة انجلش مستقبلها احسن وهتندمي لو دخلتي عربي ;) |
.يا بلال مش عارفه والله مترددة جداا
وخايفه اووى بس انا كده ولا كده مش هندم لو مدخلتش اصلى هاخد كرسات معادلة للانجلش من غير وجع اعصب كفايه الثانوى عليا هى ناقصه بس والله لما اشوف الغزاله هترسى على ايه وربنا يسهل هصلى صلاة استخارة واشوف يلا وربنا يوفق |
انا احمد ودخلت تجارة القاهرة وان شاء اللة ناوى اقدم انجليش انا جايب 91ز7 بالمستوى ومش عارف هيقبلونى ولا لا
|
| جميع الأوقات بتوقيت GMT +2. الساعة الآن 06:44 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.