تدرج المرتب
 

يا ريت الاخوه الزملاء يفيدونى بسرعة في عمل تدرج للمرتب
تاريخ التعيين 1/9/1995 الموهل بك علوم و تربية 1995 + دبلوم خاص 1998
الدرجة المالية الثانية في يناير 2005
الدرجة المالية الاولى في سبتمبر 2012
الاساسى الحالى 473.40 100%
الاساسى 75% 355.05
علما باننى اعمل بنظام جزء من الوقت منذ 1/4/2011
وذلك من دفاتر الحسابات علما باننى قد اطلعت على الاساسى الخاص بى في شهر مايو 2013 و كان 365 و هذا الانهيار في الاساسى لا اعرف سببه و مسئولة المرتبات بالادارة قالت باللفظ انه مش من حقى اعرف و ادى ذلك لخفض المرتب من 1027 الى 962 منذ شهر يناير الحالى
تقدمت بطلب لتدرج المرتب لمعرفة اين الخطأ وقال الموظف المسئول انه سيكون جاهز بعد شهر ليه معرفش
ارجو الافادة و لسيادتكم جزيل الشكر

شكرا لحسن تعاونكم انا عارفة انه طلب رخم و يحتاج مجهود لكن هو مفيش حد بيحب يعمل خير وله ايه يا جماعة

أي خدمة وهذا هو التدرج

انا مش عارفة اشكر حضرتك ازاى بارك الله فيك و جزاك كل خير

جزاك الله خيراً

ربنا يوفقك والبرنامج الموجود ينفعك

الاخوه الاعزاء قد حصلت على التدرج الخاص بى من المديرية التعليمية بالإسماعيلية و كان 491.67 اى هناك نقص في الاساسى 18.27 عما كان موجود و الحمد لله اثبت حقى و لكن الموظفة المسئولة عن المرتبات ربنا يجزيها عن افعالها ان شاء الله لم تحسب الفروق حتى الان و ادهى من ذلك انها عملت مرتبات 4 و 5 و 6 على الاساسى الغلط على الرغم انى اعطيتها التدرج يوم 3 ابريل و قالت انها حتعملوه اخر شهر 6 ليه معرفش و هى ست بذيئة اللسان و لما ذهبت لاشكوها لمدير شئون العاملين وجدته عديم الشخصية و بيخاف منهم و لم يؤشر عليها للشئون القانونية وطلب منى التماس الاعذار لهم و انهم منشغلون جدا و ................زززز لدرجة ان مديرة موظفة المهيات هزئته وشخطت فيه في التليفون و قالت ان التدرج ده لسه جاى و ملحقوش يعملوا حاجة يعنى ايه لسه وهوه معاهم بقالوه 20 يوم وطول ما الوقت مالوش اهمية عندنا و المديرين ليس لديهم حسن ادارة و يتم اختيارهم بعشوائية لمجرد السن و الاقدمية حنفضل دولة متخلفة المهم انا مش حسكت و سوف اقدم شكوتى للنيابة الادارية ان شاء الله في نهاية مايو اى بعد صرف مرتب شهرين على الاساسى القديم حتى اثبت عليها تقاعصها في اداء عملها و ان شاء الله الجزاء يكون كبير لتكون عبرة لغيرها