انقاذ ما يمكـن انـقاذة ... ولا تقـفيل ما يمكـن تقفيلة
 

اولا\ ربنا معانا و يوفقنا جميعا :)
انا ادبى وكويس ف كل المواد الادبية زى فلسفة و علم النفس و تاريخ
لكن مشكلتى و عقدتى الجغرافيا :( اللى فات فات خلااص عشان مطولش مش هحكى معاناتى معها طول السنة
المشكلة ان احنا اول سنة ندرسها ف يــاااريت حـد يفيدنى .. ازاى ارجعها و ازاى اجيب فيها درجة حلوة .. لكن المشكلة ان انا ساعات بحس انا بجى ع المواد التانية عشان خاطر الجغرافيا .. برصة بحس ان تحصيلى فيها قليل .. عشان كدة اخترت العنوان دا .. يعنى اركز ع المواد اللى ممكن باذن الله اقفلة او اجيب فيها درجات حلوة
زى فلسفة و علم النفس و تاريخ واخرج من الجغرافيا زى مابيقولوا باقل الخسائر ..
ياااااااااااااااريت حديساعدنى ازاى انظم وقتى فى المراجعات اقدو اوفق بين المواد كلها

متورنا حضرتك :)
حضرتك احسن من ناس كتير وماده زى الجغرافيا جميله جدا .. وفيها حاجات تراكميه كتير مبنيه على ما فات دراسته فالسنين السابقه
..

المهم بس .. مفيش حاجه اسمها اخرج باقل الخسائر
فى حاجه اسمها انا اعمل اللى عليا واجتهد واحاول مره والف ومش أيأس واللى رايده ربنا هيكون وعلينا الرضا :)
وبطل تبعت رسايل سلبيه لعقلك إنك مش فاهم .. ومش هتقدر تخلص .. الخ.
من الكلام اللى بيأخر ومش بيقدم
وخلى عندك تفائل وإنك تقدر تنجز وإن الماده دى مش اصعب من اللى فاتو . وهكذا
...
طرق المذاكرة. .
اولا .. لازم تحب الماده وتنسى كل كلامك الوحش عنها وتنسى انك مقدرتش وتبدء من الاول خالص
كانك مفتحتهاش قبل كده وحب الماده
..
اعتبر الماده زى معلومات عامه .. لانها فعلا كده
وابدء بالجزء اللى بتحبو فيها وبتعتبرو اسهل
بلدان .. تضاريس .. مناخ .. اللى يعجبك
....
دى نصايحى بالنسبه ليك يا رب تفيدك

شــكراٌ طبعا لمشاركـ حضرتك :)
والله عملت كـل حــاجة لدرجة ان بقيت اغنيها :)
مشكلتى كمان بنساها بــٍسرعة لدرجة ان بحس بضيع وقت لمــا بذاكرهــا
هــحاول تــانى بأذن الله يمــكن زى ما كلو بيقول عشان درس صعب بس

عـــــشان مش عـــايز أعمل موضوع جــديد ياااااريت كلو يشاركنى فــ استفسارى دا احنا دلوقتى بنراجع جغرافيا مصر (الناس الادبى بس هما الى هيفهموا ) بس مش دى المشكلة احنا هنراجعها الاول و بعد كــدة هنراجع نهر النيل انا كويس نوعا ما ف نهر النيل فبفكر انى منزلهمش ف المراجعة اذكرها لوحدى .. خصوصا ان المدرسين ف الجغرافيا عمتاً بيعتمدوا ع التحفيظ .. ياااريت تشاركونى رايكم

ربنا يوفقك