|
معلش ممكن مساعدة ؟
السلام عليكم ورحمة الله وبركاته
انا بقيت مش عارفة اعمل ايه في المذاكرة ؟ والحمد لله انا دلوقتي عندي حماسة اوي اني اذاكر بس في مشكلة اني مش عارفة أبدا من فين ؟ والا من مادة ايه ؟ وألا ايه ؟ وغير كده بقول هو ربنا هيقارني بوحدة تعبت من أول السنة وانا اللي هذاكر في اخر شهرين وهجيب صيدلة ديت مستحيلة :( وبفكر اسيب الدروس علشان اقعد مع نفسي وألم المنهج دون :( بس انا عايزة أسالكم سؤال هو انا لو ذاكرت الشهرين دول وموت تنفسي مذاكرة هلحق كلية كويسة والا فكرة التاجيل احسن ؟ ناس قالتلي انتي مش هتحصلي حاجة وتاجلي السنة اريحلك بس اهلي رافضين الفكرة دي تماما وانا برضه مش عايزة افكر في التاجيل وتضييع سنة من العمر :( لو سمحته بقي قولولي اعمل ايه ؟؟ وايه رايئك في فكرة التاجيل بمان اني ضايعة في كل المواد ؟؟ :(:(:( انا مش عايزة مجرد كلام انا عايزة حد يقولي هو انا لو ضغطت علي نفسي الشهرين دول هجيب والا لا بس كدا ويقول الصراحة مش يعشمني وبس :( ولو حد عنده جدول حلو اقدر ألم بيه المنهج الشهرين دول ينزله هنا او يبعتهلي في مسج وربنا يوفقنا جميعا :) وجزاكم الله خير الجزاء يارب :) |
عليكم السلام ورحمة الله وبركاته
بصي طالما طريقك لهدفك مش واضح اختارى اى طريق بس متقفيش تندمى دلوقتى انتى مش عارفة تبدأي منين اختارى اى مادة وابدأي ومتضيعيش وقتك فى التفكير دلوقتى دى فترة حل امتحانات بالمراجعه متعديش تذاكري تذاكرى تذاكرى وعشان عندك كاام مادة كل مادة قد ايييه مش هتحسي بالانجاز هتحبطي ومش هيجيلك نفس تكملى لازم تحلى امتحانات ناو هتقوليلي مش عارفة احل -- هو ده المطلوب انك الى مش عارفاه تروحى تذاكريه هو بس لحد ما تعرفيه لو انتى خلصتى كمية الامتحانات الى عندك هتلائي نفسك ذاكرتى المنهج كله ولكل المواد ومن هنا هتعرفى انتى ضعيفة فى ايه بالظبط وهتخلصي وفى اقل من الشهرين كمان شيلي من دماغك حكاية التأجيل دى خاالص حراام انتى معاكى وقت الى بيقلولك مش هتقدري دول حرامية النجاح وهما السبب فى حالتك دلوقتى انصحك تبعدى عنهم كونى واثقة تماما انك هتقدري متجيبيش سيرة فشل ولو فى ذهنك كده بس لإنك مش هتقدري فعلا تعملى كده وتخلصي بسرعة الا اما تقدري تنجحى فى عقلك جواكى وان شاء الله بالتوفيق ومش تقلقي كل حاجة مكتوبة بس انتى اسعى وما تخليش حد يحبطك لأنك تقدرى تعملى اضعاف اضعاف كده كمان :) |
اقتباس:
وانا هاخد بنصايح حضرتك بإذن الله تعالي جزاك الله خير الجزاء :) |
اقتباس:
ومستنى اسمع منك اخبار حلوة :) |
اقتباس:
كلامك كلو امل وتفائل وتخلي اللي مش هيذاكر هيذاكر عشان الكلام التشجيعي الحلو دون جزاك الله خير الجزاء :) وممكن لو سمحت تبعتلي مسج علي الخاص عايزة اخد رايئ حضرتك فحاجة عن المذاكرة ماكملتش 100 مشاركة للاسف وشكرا مقدما :) |
جزاك الله خير يا اخى
|
نصيحة جميلة ومفيدة
|
واهم حاجة الثقة فى الله
|
اقتباس:
|
اقتباس:
|
اقتباس:
بصي انا مش بقول قانون طالما طريقتك انتى واثقة انها صح وكل الى فات انتى كويسة فيه ومش فاضل الا الدرسين دول خلصيهم الاول لكن لو حسيتى انك كأنك مذاكرتيش حاجة يبقا تبدأي تحلي امتحانات فورا ووممكن تتوسطى تحلي امتحانات مع اكام درس الى فاضلين دول وبالتوفيق ان شاء الله :) |
| جميع الأوقات بتوقيت GMT +2. الساعة الآن 01:01 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.