بوابة الثانوية العامة المصرية - كيفية تلخيص المواد الشرعية

نصيحتي الشخصية لمذاكرة أي مادة شرعية! :friendsxs3:

للكائن البرنس / أحمد سمير " أصل التواضع عنواني :d "

بسم الله الرحمن الرحيم ، وبه نستعين .. والصلاة والسلام علي أشرف المرسلين J
ندخل في الموضوع علي طول بقي :D

- . ناس كتير سألوني .. " إزاي نذاكر فقه ؟ إزاي نذاكر تفسير ؟ إزاي نذاكر حديث ؟ " :bosyht9:

الإجابة ببساطة شديدة :
حاول تذاكر المواد النظري دي بطريقة رأسية ;) .. يعني إيه برضه مش فاهم ! O.o
أقولك ... قوم دلوقتي هات كتاب المعهد أو أي مذكرة خارجية بتذاكر منها وافتح درس " الطلاق " ... وهات كشكول جديد بس استنضف شوية .. بلاش الكشكول أبو جنيه ونص ده .. :d أصل انا عارف شغل الأزهرية ده يعني هاهاها ^_^ المهم ....
هات الكشكول .. وافتح اول صفحتين في الكشكول وسطره واكتب فوق كدة :
" رابعة رمز الصمود " بس بالخط العريض بقي :d شايف ناس مش عاجبها الكلام ؟! لو مش عاجبك الكلام أحب اقولك " اختلاف الآراء لا يفسد للود قضية " ولو عاجبك الكلام ، ياريت تقوم تعملي كوباية نسكافيه ^_^ :p :P .. وبعدين سطر تسطيرة حلوة كدة ع مزاجك ;).. واكتب الكلمة وتعريفها في الجدول فوق ...
وإبدأ يا معلم بقي اشتغل ^_^ كدة معانا صفحتين ان شاء الله تعريفات .. تمام؟
تمام ^_^
وبعدين خلصنا التعريفات هنعمل إيه ؟
هنعمل صفحة للأحكام اللي في الدرس كله ...
بس يبقي علي صيغة سؤال .. وجواب ...
وفي السؤال تكتب مع التعليل؟
وفي الإجابة تكتب الحكم ، وبعدين التعليل ........

· حاجة مهمة : متنساش تكتب السؤال بخط أحمر ، والإجابة بلون مختلف وليكون أزرق مثلاً ... بس استنضفوا وانتوا بتشتروا الاقلام برضه:d ^_^ :D

كدة معانا كام صفحة؟ شايفك يا اللي بتقول 10 صفحات:angry2: >_< .. ليه ياعم 10 صفحات؟ التعريفات يوم ما تبقي كتيرة يعني مش هتاخد اكتر من صفحتين .. بس انا بكلمك ع صفحات الكشكول الكبير أبو 8 جنيه ده:av4056bb7jp3: .. قوم ياعم ارمي الكشكول ده وهات كشكول جديد .. لما تكتر الصفحات هتحس الموضوع صعب شوية ! مع انه سهل جداً .. :bosyht9:
خلاصة الكلام يا دكتور , ويا دكتورة .. ويا بشمهندس ويا بشمهندسة ..
شايف بتوع الأدبي بيقولولي واحنا يا أبو حميد مالناش مسميات ولا ايه؟
أقولكوا ما انا لو ناديت لكل واحد بيقرأ ، مش هنخلص الكلمتين اللي عاوزين نقولهم بقي ^_^ :d

· معانا كدة 4 صفحات .. صفحتين تعريفات ، صفحتين أحكام وتعليلات ... ;)
· شوف بقي أكيد هتلاقي في كل باب اختلافات .. قال الزركشي ، وقال الزجاج .. وكل واحد قاعد يفتي بقي:angry2: :d " أنا فقط أمزح ،قصدي كل واحد بيقول رأي مختلف عن التاني يعني ... بس علي فكرة اختلافهم ده رحمة لينا ^^ رحم الله علمائنا الكرام " ...
اكتب بقي في صفحة جديدة الاختلافات اللي بين العلمااء دي ....
بعد ما كتبت كل الكلام ده ، أكيد المعلومة بدأت تتسرب لعقلك ... هتجيب بقي الـ 5 ورقات دووول وتحفظهم عن ظهر قلب:) الكتابة ممكن تاخد معاك ساعة مثلا ... ؟ طيب تمام .. الحفظ بقي ان شاء الله هياخد معاك بالظبط ساعة برضه؟ طيب تمام ! كويس ... ساعتين في حفظ باب كامل ، بدل ما كنت بتحفظ صفحة فقه في ساعتين وتطلع مش فاهم حاجة برضه :excl: حاول انت تعمل ملخص بإيدك ، هيفيدك قوي الكشكول ده ، أحسن من المرشد .. وأحسن من كتاب المعهد " وربنا يجعل كلامنا خفيف عليه يارب :028ja7: ) .
·الخلاصة :
ذاكر المواد الشرعية علي انها اسهل مواد تتلخص ، وأسهل مواد تتقفل ... وعلي فكرة بترفعك جدًا في المجموع ... :friendsxs3:

حاجة كمان // متفضلش تردد بينك وبين نفسك .. " أنا مش هعرف ألم الفقه .. أنا مش هأعرف اذاكر الفقه .. أنا مش هأعرف الخص الفقه ":( .. دي غلطة كبيرة ع فكرة! .. لازم يكون عندك انطباع جيد عن كل المواد يا بركة علشان تقدر تذاكرها! وإلا ... انت عارف بقي :stickjo4: ;)
انا معاك ان في حاجات كتير بتبقي " مجعلصة " في الفقه ، وده أنسب وصف للحاجات دي الصراحة يعني! .. لكن في مثل بيقول " ما سهل فهمه ، سهل حفظه! "
أيوة ، يعني متمسكش الكتاب وتقعد تلخص ، وانت مش فاهم انت بتكتب ايه ؟!

** إفهم ، وبعدين لخص ، وبعدين احفظ ...

· آخر حاجة بقي : العبد لله اللي بيكتب الكلام ده لسة مفتحش المواد الشرعية ، يعني يدوب أخدت فكرة عن المواد كدة .. ذاكرت باب الطلاق ، والرجعة ، وسورة الذاريات واول 5 أحاديث .. ودول ذاكرتهم من 5 شهور فاتوا .. يعني يعتبر لسة هابدأ شرعي أهو ! – طبعاً انت بتقول دلوقتي " وانا مالي ياعم " ؟ .. " انت بتقولي الكلام ده ليه " ؟ .. أقولك يا سيدي علشان انا عارف ان معظم الناس في أزهر لسة مبدأوش شرعي ، وفقدوا الأمل .. فـ انا بقول كدة علشان متفقدش الأمل ، ومش بحور عليك ع فكرة .. دي حقيقة! انت تقدر تلم والله لو بدأت دلوقتي .. كل الحكاية شوية مجهود ..
وإفتكر دايماً يا عزيزي الجملة دي " ما لا يدرك كُله ، لا يترك كله " !! :);):022yb4:

:dأفوتكوا بالعافية ..