|
ابدا ونعمة ربنا مش مننا
ابدا ونعمة ربنا مش مننا اللى يغدر واللى يحرق واللى يهدم واللى يسرق واللى عنده مش هتفرَق واللى عاوز مصر تغرق فِاكر بيحرق دمنا ابدا ونعمة ربنا مش مننا مش زَينا ولاعُمره يلبس زِيِّنا اللى يهتك عرضنا واللى يكسر أمننا واللى مصر تبقى ف عنيه سهله طريِّه هِوَيِّنه ابدا ونعمة ربنا مش مننا ولاعُمر ديننا قال لنا موِّت خواتك هدَّم فى بيتك يتِّم بناتك موِّت عِمامك موِّت خالاتك داللى يبيعك يا ام الهرم مولود سِفَاح مولود زِنا ابدا ونعمة ربنا مش مننا ياربنا من نبضه ف قلب مصرى من كل نفس مؤمنه راضيه بقضاك مطَّمنه يارب انته اللى قادر وبقدرتك تاخد لِنا من كل حاقد من كل نفس خائنه على قلب واحد كُلِّنا بنقول يارب انته اللى شايف وانته اللى شاهد دعوات قلوبنا محسبنه احمى الهلال والمئذنه واجمع شتاتنا ف ارضنا ابدا ونعمة ربنا مش مننا ============ مستر/عطيه الخضرى |
اقتباس:
مستر / عطيه الخضري هكذا هو الوقوف بجانب الحق وهكذا نرى كلماتك تنسج من نور الحق لتظهر لنا طريق الصواب ، فمصر هي هدفنا والحب والود هما شعارنا ومازلنا نسعى جميعاً للم شمل المصريين جميعاً تحت راية الحق ،، أبدعت تقبل مروري ولك مني خالص التحية والتقدير |
رائع بجد وجميل بلا حد ومدهش من غير عد
أستاذ عطية استمتعت هنا حتى لا مزيد ، خليك دايما جنبنا وف قلبنا |
جميل جدا جدا
ولكن سمعت أنه لا يجوز الحلف بغير الله و لا يجوز الحلف بالنعمة تقبل مرورى |
شكرا جزيلا يا ضيا شكرا فى كل ثانيه ونسال الله ان تظل المحبه باقيه وشكراناتى الثانيه لابو العلا وشيماء بكر العاليه يارب خليكم ليِّا |
| جميع الأوقات بتوقيت GMT +2. الساعة الآن 09:27 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.