بوابة الثانوية العامة المصرية - الاكادميه العربيه البحريه

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - الاكادميه العربيه البحريه (https://www.thanwya.com/vb/showthread.php?t=59761)

الاكادميه العربيه البحريه

السلام عليكم و رحمه الله و بركاته

لو سمحتم انا ناوى ادخل الاكادميه البحريه الى فى مصر الجديده

فعايز اعرف راى حضراتكم فيها بكل صراحه و عايز اعرف لو حد يعرف حد بيدرس فيها يا ريت يكلمنى عنها

من حيث نظام الدراسه و مستوى التعليم هناك

انا جايب 88.1 فى تالته مش عارف بقى استنى يمكن اللحق حاساب و لا اقدم و خلاص

و هل لو قدمت و دفعت جزء من المصاريف ينفع استردهم تانى و لا حيروحوا عليها

و معلش يا جماعه تعبتكم معايا

ياااااااااااااااااه

انا كمان نفس ظروفكــ

نفس المجموعــ

وبابا عاوز يدخلنى الاكاديمية دى مش فاهمة ليـه

انا مش عارفة دى عبارة عن ايه اصلا

هيا ايه مستقبلها ممكن اعرف ؟

مستقبلها كوييس جداا

و بتدى شهادات معتمده من جامعات اوروبيه و امريكيه

و هى مستقبها كويس بعد التخرج و فيها اقسام مش موجوده فى الجامعات الحكوميه

و دكتور فى جامعه القاهره فى كليه هندسه قال لبابايا

ان شهادتها بتبقى احين من جامعه القاهره

اتمنى اكون افدتك و لو فيه اى سوال تانى انا موجود

الأكاديمية فعلا أفضل من الجامعات الحكومية كلها من حيث التعليم و الشغل بعد كده ..

انا اخويا فيها و عجباه اوى ..

ممكن اعرف اخوك فى سنه كام و ياريت يقول لنا معلومات اكتر عنها بعد اذنك

و اكون شاكر ليك جداا

اخويا طالع خامسة السنة دى .. ( أو رابعة بإستثناء السنة الاعدادى ) ..

حدد بس نوع المعلومات و عن ايه و هحاول افيدك ان شاء الله ..

لكن عموما موقع الكلية اهو

www.aast.edu

حددلى المعلومات بالضبط و هحاول اجبهالك ..

تحياتى ..

و صحيح ..

لو انت عاوز تدخل حاسبات و معلومات .. فتأكد ان مجموعك هيجيبها ان شاء الله ...

عشان كده متستعجلش و استنى لحد ما نتيجة التنسيق تظهر يبقى أفضل . ..

لو سمحت استفسار صغير

هو تحديد القسم الى هدخله بيبدا من اول سنه ولا ايه

و اخر ميعاد للتقديم امتى

و كام واحد بيكون فى المحاضره على الاقل

و شكر ا جزيلااا لك

انا في الاكاديمية البحرية فى اسكندرية قسم ملاحة الاكاديمية مذهلة

انا ليا واحد صاحبى فى الاكاديمية دى اللى فى أبو قير قسم اتصالات
وبيقول عليها ممتازة
درش

وعلى فكرة ليا واحد صاحبى تانى فى نفس الاكاديمية بس قسم ملاحة
هو لسة رايح أولى السنة دى
وعلى فكرة شهادتها معتمدة من جامعة الدول العربية
علشان كده فرصتها فى الشغل كويسه جدا
دا أنا سمعت انهم بيعملوا معرض كل سنة اسمه معرض فرص العمل
بيجيبوا فيه اصحاب الشركات للتعاقد مع الطلبة
أخوكم درش

السلام عليكم ممكن اعرف معلومات عنها سر يعا

1) فى منها فى اسكندريه
2) مصاريفها
3) طبيعه عمل الخريجين
4) واخده من كام السنه دى

وهى 5 سنين ولا كام محدش يبخل بالمعلومات الى عنده

جزاكم الله خير

يا جماعة انا السنة دي في تالتة و كنت حابب اني ادخل الأكادمية الي في ابوق قير كليه ملاحة يا ريت حد يديني معلومات عنها اكتر

اقتباس:

المشاركة الأصلية كتبت بواسطة المحب لله (المشاركة 765580)

السلام عليكم ممكن اعرف معلومات عنها سر يعا

وعليكم السلام ...

1) فى منها فى اسكندريه

ايوه هى ليها 3 فروع ،، فى القاهره واسكندريه واسوان

2) مصاريفها

بص اللى اعرفه ان اللى يجيب اكتر من 90% وباباه بيشتغل فى الحكومه لمده اكتر من 15 سنه بيدفع فى حدود 11 الف فى الترم وبعد كدا بيزيد المبلغ لو مجموعه اقل من 90% ووالده مش شغال فى الحكومه او شغال بس لمده اقل من 15 سنه .. خلاف قسم الملاحه مصاريفه زياده شويه تقريبا

3) طبيعه عمل الخريجين

حسب كل قسم طبعا

بس مش سمعت عن حد اتخرج منها ومش اشتغل وبمرتب كويس جدا كمان

4) واخده من كام السنه دى

الحقيقه مش عارفه ،، بس اخدت ناس جايبه فى ال80 %وتقريبا فى اقل من ال80 %

وهى 5 سنين ولا كام محدش يبخل بالمعلومات الى عنده

ايوه 5 سنين بس ماعدا حاسبات ومعلومات 4 سنين ،، وبيزنس وادارة الاعمال بردو

جزاكم الله خير

انا قولت اقولك بس المعلومات اللى اعرفها

واى معلومات تحب تعرفها عنها اكتر قول وانا اعرفها من اخويا باذن الله لانه فيها

اقتباس:

المشاركة الأصلية كتبت بواسطة karim elmasry (المشاركة 770640)

ممكن تحدد المعلومات اللى عايز تعرفها وانا استفسرلك عنها باذن الله