|
أبن الشهيد
بابا اللى كان بيلمنا ويبتسم يضحك لنا ويقول لنا يا اولادى لازم نحب مصر كُلنا مهما يحصل ف البلد من غير ماحد يقول لنا يا اولادى لازم حُبنا يكون بنبض قلبنا مش للمصالح نغضب لها نفرح لها ونقول لها حبك يامصر ف دمنا دأنتى أُمنا واللى يعكَّرصفونا مش مننا مش أبننا ويسكت شويه صعبان عليه لكن بدمعة يضمنا كان نفسى بابا يبقى النهارده جنبنا ونقوم نصلى كُلنا نسجد ونشكر ربنا لكنه عند ربنا يوم ان*** كان مصلِّى الفجر بينا سلامات حبايبى سلامات يا بابا ساعات وعدِّت وماما قالت يا اولادى مش مطَّمِّنه رن الجرس جانا الخبر مات الشهيد نطق الشهاده وربنا كان الخبر زى الكابوس غم ونكد مع محزَنه لكن هدينا وحضنا بعض لافين ايدينا لما لقينا اللى جاى بالخبر نطق الشهاده وحلف لنا وبوصيه بعت لنا بيقول لنا بلدكم أمانه اوعوا ترضوا ف يوم مهانه والصوت عِلا فى المئذنه مات الشهيد ثلاثين سنه زغاريط فرح كانت بتعلا فى السما لكن البلد كات مّحزنه سلامات يا بابا ولاعادش خوف بيهمنا نفديك مصر كلنا نفديكى مصر بدمنا ===== مستر /عطيه الخضرى |
اجمل كلام قرأته فى حياتى
|
اقتباس:
الأستاذ عطيه كتبت فأبدعت فمصر باقية رغم كيد كل كائد أو حاقد أو مُستغَلٍ أو مستغِل ، فدماء أبناءها التي سالت في الشوارع والميادين جعلت منا شهداء للمستقبل نحمل أكفاننا بين أيدينا ونهدي أرواحنا فداء لشرع الله ورسوله ولتراب أرض الوطن . أستاذنا تقبل مروري وخالص تحياتي ،،،، |
مين تاني يمسح دمعنا ؟ مين غيره بابا حبه يجري ف دمنا لكن عشانك يا بلدنا كل غالي ليكي برهان حبنا الرائع بحق عطية الخضري أنتظر بوحك بشغف تحاياي |
الاخوة الافاضل دون ان اُميز او أفاضل شكرا جزيلا حتى لايبقى من شكرى شكرُ فاضل |
نسال الله العظيم كل شر بينا ينصرف وانا ورب الكون أنا ممنون لىَّ الشرف بحبكم فى الله وقلبى بيها قد اعترف والكلام ده للجميع مش بس قايله علشان طرف |
| جميع الأوقات بتوقيت GMT +2. الساعة الآن 09:12 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.