راح تعمل ايه
لو ف مرة عشقت حد
والعشق جد
وملُهش حد
راح تعمل ايه
لو ف مره تحب حد
غير اى حد
والحب جد
وملُهش حد
راح تعمل ايه
لو لقيت مره المشاعر
اعلى منك
اقوى منك
زياده عنك
ماهيش لسنك
قوللى بس
هتعمل ايه
لو لقيت اللى انته عاشقه
انته محتاجه بجد
كل نوع فى العشق فيه
انته عايزه
وملهش حد
روحه جسمه
***
كلها نيران تشتد
لو يوم تشوفه
بتبقى عايز
تجرى عليه
وتحضنه
وتأمنه
وتخاف عليه
عايز تبوسه ف كل حته
وبرضه تاكل منه حته
ومش هتشبع اكل منه
خايف تقولله
انك عشقته
انك رغبته
خايف ليزعل
من بعدها
يمكن بسرعه تخسره
والامل
اللى بنيته تكسَّره
الحل ايه
راح تعمل ايه
وازاى بسرعه تفسره
معدش اكل
ولاعادش نوم
ولاعادش طعم لاى حاجه
ولاعاد لحاجه
ف يوم لزوم
ازاى تقولله
كل حاجه
يمكن بجد
يعذرك
ويقدرك
ولاعمر حاجه تغيره
ويكون يحبك
هو برضه
وانته يادوب بتفكره
============
عطيه خضرى عطيه
قلين / كفر الشيخ