إللي لازم تعمله دلوقتي إنك تذاكر ;) .. أيوة .. بعيداً عن إيه التقصير إللي كان قبل كدة
إنسى التقصير إللي فات ..صلي ركعتين لله تتطلب منه يسامحك على إللي فات
وخدها توبة بجد .. وإقفل النت خالص .. ومش معقول يعني ما ذاكرتش حاجة .. أكيد يعني عارف عن المناهج ولو قشرة بس ..
كلنا مقصرين في أغلب المواد .. بس مش نعد نعيط بقى لأ خليك متفائل وتوكل على ربنا وذاكر وبإذن الله توصل .. وبلاش حكاية التأجيل دي .. إنت معاك شهر بحاله :)
نظم وقتك وخد في اليوم ثلاث مواد أقل حاجة .. حتة من كل مادة وإعد عليهم ولازم تخلصهم .. ويوم مع يوم هتلاقي نفسك بتنجز والله
خلي عندك عزيمة قوية و ثقة أقوى بربنا .. وقبل كل دا إتوكل على ربنا وإعرف إنه هو جنبك وهو إللي قادر يوفقك مش مذاكرتك وخلاص ..

وأهو فاضل شهر بالظبط على أول يوم إمتحان .. مش قليلة ، ممكن تنجز فيها كتير
ولو خدت بالأسباب وتعبت الشهر دا ربنا عمره ما هيضيعلك دقيقة تعب ..
بس لازم نتعب ..


ربنا يوفقك .. ;)
وإقفل النت بقى وما تفتحهوش تاني غير بعد الإمتحانات
أكيد هتلحق .. إذا وثقت بربنا وتوكلت عليه وإشتغلت صح

وفي مقولة بتقول :
" فلأخلص فيما أستطيع ، يدبر الله لي ما لا أستطيع "
يعني إنت دلوقت أخلص العمل والتوكل على الله .. وكل حاجة هتبقى زي الفل إن شاء الله
ربنا يوفقك :)