تعالوا شوفوا .. أشكال الحجاب !!
 

السلام عليكم ورحمة الله وبركاته


للحجاب في هذه الايام انواع واشكال يمكنكم تمييزها إذا أدركت حقيقة الحجاب وبالرغم من ان الحجاب فكرة وعقيدة فان اختلاف النوايا كان سببا في اختلاف الاشكال والالوان والانواع واليكم بعض الامثلة:
حجاب المناسبات :/
واشهر هذه المناسبات شهر رمضان طبعا .. تري فيه البنات اللواتي تعرفهن في منطقتك (الكوافيرة والبنت اللي واقفة في محل التصوير ومدرسة الانجليش )واللواتي يظهرن في المنطقة كل صباح في أروش هيئة وعاملين احدث شغل روشنة وتحيتهن (صبح صبح ياعم الحج)
تجدهن في نيولوك مع اول ايام رمضان يظهرن وهن ضاربين الايشارب الغامق والقمصان الطويلة بدون مكياج وتحيتهن (صباح الخير يااخي ان شاء الله ) وهكذا يتحولن لمدة 30 يوم وفي ليلة عيد الفطر (العيد فرحة) تلتقي بهن لاتقول
(كل سنة وانتي طيبة ) قل (حمدا لله علي السلامة)
لاحول ولاقوة الا بالله
رب هذا الشهر رب كل العمر


حجاب الصدمة والخوف:
يظهرن المتحجبات بمنطق قريب من منطق صلاة الطالب اثناء الامتحانات فعندما تتعرض الواحدة منهن لتجربة مخيفة يتفجر المخزون الديني المتراكم بداخلها من تنبيهات الام (يابنتي مش هتتحجبي بأه)ونصائح بنات الخالة والجيران ويكون الحجاب الخطوة التالية لوفاة عزيز او قريب او صدمة طبية (عندك حصوة في المرارة )او (فاضلك 3 دقايق ويومين وتموتي)او
(صعب تنجبي)وصاحبات هذا المنطق غالبا يخلعن الحجاب بعد زوال اثر الصدمة بالظبط كالطالب ينقطع عن الصلاة بعد الامتحانات او بعد ظهور النتيجة.



حجاب اطلعوا من دماغي:
الحجاب الذي تلجأ له فتاة واقعة في مهب رجال يطاردونها في كل حته وفي الشارع لانها فاتنة وتزداد المعاكسات والشائعات وما ان تدرك ان جمالها عامل لها مشاكل لاتقوي عليها تروح ضاربة الحجاب علشان تشتري دماغهاولانها علي غير عقيدة تخلعه فور اكتشافها ان الرجال المعاكسين لايعتقون محجبةاو متبرجة.
(ومن يتقي الله يجعل له مخرجا ويرزقه من حيث لايحتسب)



حجاب بالفطرة :
وهو حجاب الفلاحات وبنات الصعيد وبنات البلد وهن محتشمات بالفطرة وحشمتهن سابقة للاعتقاد ان الانثي اصلها الاحتشام زي اللي بيصوم لانه عارف ان الرجل مش زي العيل لازم يصوم ويستحمل الجوع...



حجاب..منورة ياحاجة:
مع تقدم السن ترضخ النسوة لفكرة (يارب توبة ) واول مظاهر هذه التوبة في مجتمع اسلامي هو ارتداء الحجاب لانها ميصحش تبقي ست كبيرة كده وماشية بشعرها ..
والمتحجبات وهن كبيرات يخلعن الحجاب بسهولة اذا تقدم لواحدة منهن عريس ....



حجاب المضطرة:
وهي ترتدي الحجاب تحت ضغط من اسرتها وهي نصف مقتنعة فتتحايل علي الحجاب بان تمرر من اسفله خصلات تزين جبهتها ولاتكتفي بذلك تذهب للكوافير علشان يعمل لها خصلات دي ماشيتات (اصفر يعني) وتضرب مكياج عادي وبنطلونات ضيقة والوان فاقعة تحرق في العين ودي ينطبق عليها قول الشاعر::
هيا بنا..هيا بنا..لنتعشي كلنا..........هههههههههه



ارجو اني مكنتش طولت عليكم ديه مقالة قراتها في
جريدة مصرية بتاريخ 19/7/2008
واضح انها سخرية من حجاب هذا العصر


ووددت ان انقل لكم ما تذكرته من ايات القران الكريم عن الحجاب
سورة النور الاية 31
بسم الله الرحمن الرحيم
"وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها ولا يضربن بخمرهن علي جيوبهن ولا يبدين زينتهن الا لبعولتهن او ءابائهن او ءاباء بعولتهن او ابنائهن او ابناء بعولتهن او اخوانهن او بني اخوانهن او بني اخواتهن او نسائهن او ماملكت ايمانهن او التابعين غير اولي الاربة من الرجال او الطفل الذين لم يظهروا علي عورات النساء ولا يضربن بارجلهن ليعلم ما يخفين من زينتهن وتوبوا الي الله جميعا ايها المؤمنون لعلكم تفلحون"



سورة الاحزاب الايتان 32-33
"يانساء النبي لستن كاحد من النساء ان اتقيتن فلا تخضعن بالقول فيطمع الذي في قلبه مرض وقلن قولا معروفا *
وقرن في بيوتكن ولا تبرجن تبرج الجاهلية الاولي واقمن الصلاة وءاتين الزكاة واطعن الله ورسوله انما يريد الله ليذهب عنكم الرجس اهل البيت ويطهركم تطهيرا"


صدق الله العظيم


اخواتي اسال الله لي ولكن ولاخوات المسلمين ولزوجات المسلمين ان يرزقنا واياكم الستر والعفة والهدي
اللهم اميييييييين







منقول

شكرا على الموضوع الرائع
وربنا يهدي كل البنات لان الاقتناع والهداية مبتجيش غير من عنده

معاكي حق يا اميرة .. شكرا لردك

جزاكي الله خيراا
ربنا يثبتنا يلرب

جزاكى الله خيرا ع الموضوع
ويارب يهدينا جميعا ويهدى كل المسلمين
بس انا عندى اضافة لموضوعك لان فى نوع تانى من الحجاب اللى انا مش عارفة يبقى اسمه ايه لحد دلوقتى
وهو كالاتى لما الواحده تبقى لابسة المحذق والملزق وحطه طرحة صغيرة على شعرها .مش عارفه شكلها كده لابساها نزاهة او عشان يبقى فى حاجة تفرق بينها وبين اللى مش مسلمه
وليا واحده اعرفها كده و كانت دايما تقول ان ده مش فارق معاها وان هى ممكن تمشى بشعرها فى الشارع عادى جدا
وان اهلها بيشجعوها على ده وعادى

ربنا يهدينا ويهدى كل المسلمين
بجد موضوع رائع
جزاكى الله خيرا

اللهم اغفر لنا وتقبل توبتنا واهدنا لما تحب وترضى
آمين

فعلا نفس المكتوب هو ده اللي موجود ربنا يهدي ..................... شكرا اختي

بجد انا بحزن من الاشكال دي

بارك الله فيكي

كلام تماااام

موضوع رااااااااااااااااااااائع

جزاكي الله خيرا حبيبتي

اللهم استرنا في زمن الفتن