بليز لو حد يقدر يساعدني
 

عايزة اعرف خريجي كلية اداب مسموح لهم يشتغلوا في التدريس ولا لاه

انا سمعت ان في قرار يمنع خريجي الأداب من العمل في التدريس

يا ريت حد يكون عارف يساعدني

شكرا

يا عم من غير قرار ولا حاجه احنا يعنى هنشتغل

بس اعتقد مش فيه قرار بكده

خريج الاداب بعد ما يتخرج اذا كان عاوز يشتغل في التدريس او يبقي موهله زي مؤهل خريج تربية
بيعمل حاجة اسمها سنة تربوي بيدرس في السنة دي11 مادة من مقررات كلية تربية علي حد علمي وبعدها يقدر يدرس

طب معلش سؤال
هو خريج اداب لو مشتغلش فى التدريس ممكن يشتغل فى ايه؟
المفروض ان المهنة الاساسية لخريج الاداب بعد التخرج هى التدريس ولا ايه؟

معظم خريجي كليات الآداب يعملون بالتربية والتعليم ،والقانون يشترط في المعلم أن يكون من خريجي كايات التربية أو مؤهل عالٍ مناسب -مثل الآداب- ويعطي خريج الآداب سنتين أو ثلاث سنوات للحصول على التأهيل التربوي ،ويكون التأهيل التربوي لمدة سنة دراسية في كليات التربية

عندنا مدرس في مدرستنا خلايج اداب انجليزى وبيشتغل مدرس لغة انجليزية وكمان مدرسة خريجة الالسن وكمان مدرس التاريخ اللى كان بيدينى درس خريج اداب تاريخ مش عارفة ايه اللى بيقول انه ممنوع

هو في وظائف تانية بس بتيجي من ناحية الاولوية بعد التدريس
والوظائف دي حسب القسم وحتلاقيها في الموقع داhttp://www.foa.edu.eg/dept_inst/depts.html

لا خريجى الاداب يتساوى مع خريجى التربية بعد السنتين التربوى
والله اعلم

جريج اداب يقدر يشتغل فى التدريس من غير التربوى


لكن الافضل يكون درس التربوى لانه بيفيد اكتر وبيكون له اولويه اسبق عن غيره

اى حد عنده استفسار بخصوص اداب انا اقدر اجاوبه

يوجد بعض الناس بتقول اخبار بأن بتوع اداب وألسن وعلوم ممنوع يشتغلوا واللي قال كده طبعا ناس من تربيه بس مفيش اكيد الكلام ده لان فيه سنه تربوي بتتعمل بعد الكليه اللي بتخرج منها وبعدها بتتعين في اي مدرسه
بس الرجاء بالأهتمام بمواد طرق التدريس وخاصه للغات الانجليزيه والفرنسية انا ليسانس أداب فرنسي ج المنصوره

طبعا اكيد مفيش حاجه اسمها ان اداب مش بيشتغلوااا


كليه اداب ليها مستقبل كويس جدااا

كليه اداب فرصهم اكتر بكتير واحسن خصوصا في المدارس الخاصه واللغات والتجريبيه لان دراستهم بتكون اكاديميه وافضل وانا عن نفسي بعمل في مدرسه خاصه وخريج اداب انجليزي