|
أعمل ايه مضايقة اوى
تعمل ايه لو كان فى شخص فى حياتك الشخص ده عزيز عليك جدا
وكنت بتعتبره المثل الاعلى والقدوة واكتشفت فيه حاجات مش كويسة حصلت معايا حقيقى نزل من نظرى كتير اللى كان بينصحنى انى معملوش طلع بيعمله حقيقى انا مضايقة جدا وفى نفس الوقت زعلانة عليه اعمل ايه يا جماعة؟؟؟:( |
يا ضى القمر ...كل انسان وليه غلطه ويمكن الشخص ده بيقولك على حاجه ماتعمليهاش عشان عايزك تكونى احسن منه
يعنى مثلا الاب يقول لابنه زاكر ...والاب وهو صغير ماكنش بيزاكر ...بس هو عايزه ابنه يكون احسن منه |
أنا أتفق مع كلام اختي بسملة كتيرا
ولكن ايضا ان يفعل الانسان مايامر به حتى يستحق ان يكون قدوة ولكن في بعض الاحيان يفعل الشخص شئ و يدرك خطورتة فيحاول ان يمنع الاخرين من الوقوع في نفس الخطا فكثير من المدخنين ينصحوا الناس بالا يدخنوا لانهم عرفوا كم هي لعينة لكن في نفس الوقت لا يستطيعون تركها حاولي ان تتكلمي مع هذا الشخص اعطه فرصة للدفاع عن نفسة وتقديم مبرراته تناقشي معه بموضوعية وحاولي ان ترين الامور من منظور اخر |
بصو انا فاهمة الكلام ده كله
بس المشكلة مش فى كده المشكلة انه مثلا يقلى متسمعيش اغانى ويسمع هو يقولى متكلميش ولاد ويكلم بس مش ده الاساس اللى زعلنى منه اللى زعلنى ان فيه اربع ايام اكتشفت انع مش بيراعى ربنا فى تصرفاته حذرته بس مسمعش الكلام وده اللى مضياقنى |
]ده معناه انه بيحبك وبيخاف عليكى اكتر من نفسك
ودى حاجه تحمديها فيه لكن طبعا انتى المفروض تعرفيه فين غلطه هو كمان وياريت تقبلى مرورى على موضوعك المهم ده |
اقتباس:
ممكن يكون بينصحك بشىء ولا يعمله ليظهر امامك بمظهر حسن يرائى الناس هذا احتمال والله اعلم فى النهايه نصيحتى لكى ابتعدى عنه افضل لتتقى اى انفعال او حزن بسببه فى امان الله |
بصى يا ضى
الانسان ده فى وسط اللى انتى قولتيه عليه انه فيه حاجات كتير وحشه هو كمان فى حاجات كتير حلوة واهمها انه بيوجهك صح فى كل موقف بتمرى بيه وجايز يكون هو مش قادر يطبق ده على نفسه وده مش غلط واللى يبن لك انه مش غلط انه بينصحك لنفس الحاجات اللى هو مش قادر يعملها عارفة ده معناه ايه؟؟؟؟ معناه انه مش راضى عن نفسه وانه بجد نفسه يشوفك مش زيه لانه عارف ان اللى بيعمله ده غلط ولكل انسان نقط ضعف ومحدش مش بيغلط يبقى واجبك دلوقتى انك تقفى جنبه وتحاولى تقوليه ان ده غلط خلى بالك هو مش هيتقبل منك ده فى الاول خاااااااااااااااالص لكن اكيد بعدين ربنا هيسهل عليكى مهمتك معاه طولت عليكى معلش انا اسفة |
واضح ان فيه سوء فهم فى الموضوع
هوضح ليكو حاجة بس ياريت تتكلمو على اساسها اللى بتكلم عنه اخويا مش اى حد ولا حبيب ولا اى كلام من ده لان لو كان كده مكنتش عرفته اساسا مبدأ الحب كله مرفوض ميرسى على المرور والاهتمام اتمنى تدخلو وتتكلمو على الاساس ده |
خلاص انصحى اخوكى وخليكى انتى قدوته وادعي ليه ان ربنا يهديه
|
مفيش شخص معصوم من الخطأ لإن كل بنى آدم خطائين وخير الخطائين التوبين وبجد أكيد هو كان بيقولك متعمليش كده لأنه أكيد بيعانى كتير من الخطأه ده وبيحاول يرجع بس مش قادر طريق الشيطان مش بسهوله التخلى عنه كل إنسان بيحب إنسان بيحاول يصلح فيه اللى مقدرش يصلحه فى نفسه يبقى حالياً حقه عليكى وخصوصاً إنه أخوكى إنك تسعديه يخرج من اللى هو فيه مش تهجميه متحسسهوش إنك عرفتى الحقيقه خليكى تفضلى فى نظره ملاكه اللى بيحكيله ويشكيله وفى وسط كلامه دائماً حاولى توصيه برنا وتوصيه خير بيكى وحاولى دائماً تذكرى قدامه إفعل ما شئت كما تدين تدان حاولى تقوليله مواقف لو إنتى اللى كنتى فيا كان هيرضاها فهميه براحه خليكى معاه مش تسبيه |
ميدو
نصحته وللاسف ميرسى للمرور محمد انا مش بهاجمه ابدا اخويا ده اغلى حاجة عندى فى الدنيا وبصراحة بقف معاه سواء كان على حق او باطل كتير بنصحه وببعت ليه رسايل من النت علشان ميعرفش ان انا اللى ببعت بس مفيش فايدة هو متصور ان اللى بيعمله عادى يعنى لان كتير بيعمله حتى انتو هنا لو حكيت هتقولو عادى اه اخويا اكبر منى بست سنين يعنى مش صغير ميرسى للمرور |
ليه الزعل
اقتباس:
ممكن تعتبريها شيئ كويس جداااااا لانه اكيد الشخص ده انتي في حياته شيئ جميل مش عاوزه يئذي نفسه وكمان كل فرد او اي انسان بيغلط ودي قاعدة اساسية ((( احنا بشر ))) وزي ما هو كان مثلك الاعلي كوني انتي مثله الاعلي ومتسبهوش ببساطة وممكن تقوليله لان هو ده فايدة شخص بيحب شخص بيقوله علي اللي في قلبه وبيقوله اخطائه مش بيجملها ليه ومش بيبعد عشان هو في حاجات غلط وانا متاكدة ان هو لو عزيز اوي هتنصحيه و هتخليكي جنبه حتي لو كان الشخص ده اكبر منك بكتير فالفرد لا يري عيب نفسه .وطالما انه مثلك الاعلي فكوني انت وردته الجميلة التي طالما نظر لها وجد بها اشيائه واعماله ونصائحه الجميلة ومن هنا ياتي التغير ولا تخسريه لانك عندما اتخذتيه مثل اعلي فبالتاكيد وجدتي اشياء جميلة فيه وصعب تلاقيها متجمعة في شخص اخر لانك ايضا ستجدي فيه اخطاء..... (((( كل فرد يري عيب الاخر ولا يري عيبه والاصلح للي يصحح)))) ويارب يكون ردي عجبك واقنعك |
| جميع الأوقات بتوقيت GMT +2. الساعة الآن 09:46 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.