|
السؤال دة مهم اوى لكل شاب وعايز كل واجد يرد عليا فيه
بسم الله الرحمن الرحيم
ازيكم شباب انهاردة عايز اسالكم سؤال وعايز الاجابه بصراحه السؤال هو: ايه اللى بيعجب البنات فى الشباب هل هو الشكل او التفكير او طريقه التعامل بمعنى تانى البنات عايز ايه ؟ بجد دى حاجة محيرانى اوى ونفسى حد يرد عليا ويقولى ونفسى اعمل مناقشات على الموضوع دة مع الاعضاء وطبعا دة بمساعدتكم. |
انا متاكد ان الموضوع دة فاشل اوى ومالوش لازمه بس انا قولت اكتب السؤال دة بجد علشان محيرنى اوى قولت لازم اتعلم من خبره اللى اكبر منى فى المنتدى
|
فاشل ازاى يا عم انت بتتكلم ازاى ما تقولش كده
السؤال مهم طبعا بس هوفى نظرى يتسأل للبنت مش للولد لانها صاحبه الشان |
عندك حق
بس مفيش هنا منتدى للبنات علشان قولت اسال الشباب اللى ليهم خبرة اكتر منى |
معلش يا مان الموضوع ده مش مكانه هنا
لو عايز ردود على الموضوع انقله منتدى البنت المسلمة داخل منتدى الثانوية بردو لان الموضوع ده البنات بس اللى يقدروا يردوا عليه بس انا اعتقد ان اكتر حاجة فى الولد ممكن تعجب البنت هو ان الولد يكون غنى و كريم وبعد كده البنت بتبص للشخصية و الشكل و التفكير |
ايه يا مان الكلام ده مهم
بسسسسسسسسس فى مواضيع اهم كتير |
بص يا عم....البنات فعلا هم اللى هيفيدوك عشان هم صحاب الشان ...بس باردو هتلاقى ردود انت متوقعها والله وعارفها مضش حاجة جديدة يعنى...البنت لو بصت للولد هتبصله اولا عشان اسلوبه وطريقته وشياكته فى التعامل وتفكيره نضيف ولا لا والشكل بقى تالت خطوة بعد الخطوتين دوول....بس باردو اسال اخواتنا...هم البنات وده موضوعهم....وشكرا.
|
بوص انا اقولك بس مش متاكد انه مع كل البنات البنات بتحب الأنسان المحترم الدمه خفيف البيظهر اهتمامه بيها دى اهم 3
|
ممكن الاسلوب ...الكلام الحلو ...بيحبوا اللى يخدعهم اما لو كنت دوغرى وواضح فمش هينفع
|
أنا عن نفسي .. بيعجبني الإنسان المحترم طبعا اول حاجة .. و لازم يبقى ملتزم .. و فنفس الوقت funny يعني متزن ..أخلاقه و سمعته كويسين .. و يكون راجل يعتمد عليه و بيتحمل المسؤولية .. و يبقى طموح و ناجح .. و عنده هدف في الحياة ... حتى لو احواله المادية مش اوي .. بس يبقى بيجتهد و بيعمل اللي عليه و يكون نفسة خطوة بخطوة .. و تفكيره عالي ... و إيجابي .. و متفاهمش .. يعني مش متسلط و لا بيحكم رأيه .. و بيقدر اللي قدامه .. و حساس .. و طبعا بيحبني .. و بيعمل كل اللي يرضي ربنا .. و بعد كده يبقى شكله مقبول .. و بيعرف يلبس .. و بيعرف يتعامل اجتماعيا .. و أكيد لازم الاتنين يبقوا مناسبين لبعض .. يعني ممكن يكون واحد محترم و زي الفل .. و البنت كمان .. بس شخصياتهم مش متوافقة مع بعض ..
يمكن انتو ما تعرفوش ان هي دي اهم الحاجات اللي بتعجب البنات : الاحترام و الالتزام ... بس هي دي فعلا الحقيقة .. البنت عايزة راجل يصونها و يراعي ربنا فيها .. انا طبعا عارفة ده من البنات اللي حواليا .. و لما بنقعد نتكلم .. بتبقى هي دي الحاجات اللي عازينها .. يعني مش اهم حاجة عندهم .. الماديات و الروشنة و الفسح .... و... .. و.. لأ خالص .. و احنا عارفين ان في ولاد محترمين كتير .. يعني رجالة ... و لو ان الباينين اكتر .. الأنواع التانية .. و ده رأيي .. !! |
| جميع الأوقات بتوقيت GMT +2. الساعة الآن 04:10 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.